عرض للطباعة
السلام عليكم
اخواني انا عندي مشكله وهي إني جيت يوم ابي اشغل سيارتي ومااشتغلت
قمت وسويت اشتراك بسياره ثانيه واشتغلت
وتمت تشتغل فتره اقل من يوم وبعدها رجعت ع نفس الحاله وخليتها وجيت بعد كم ساعه وشغلتها واشتغلت
المشكله النور قوي وكل شي يشتغل إذا طفت
ابي اعرف هل المشكله البطاريه ولا السلف ولا الدينمو ولا ايش
ياليت حد يفيدني
البطاريه عزيزي بدلها
متأكد ياخوي ؟؟؟
أذكر نفس الحركه عملتها الاكورد موديل 2004 وكان كل شيء شغال حتى النور ما عدا انها ما تشتغل .. فخبرت الوكاله فقالوا البطاريه وبدلتها وصارت أوكي.. بس بعدك أنتظر ردود الأخوه...:)
هـلا و غلا يو حسين
اذا تبي تعرف انها من البطارية او لا
انزع البطارية كامله من موترك و جـيب بطارية من سيارة ثـانية و تكون كويسه يعني مب فاضيه
و اشبك الوايرات موترك عـ البطارية
اذا اشتغلت السيارة ,, (راح تكون المشكلة من البطارية)
و بعدها افصل الوايرات البطارية و تأكد اذا فصلت البطارية خل السيارة قيد التشغيل
بعدها ركب بطارية موترك و السيارة مشغله
اذا ضبط معك الوضع فـ المشكلة من البطارية
و مثل الطريقة تماما اذا تبي تركب لك بطارية جديده
ما راح تنفع معك اذا ركبت البطارية و السيارة مطفيه خصوصا الأكوردات موديل -2008+-
ما راح يشتغل معك الموتر ,, حاول تحط البطارية و لسيارة مشغله
ومثل ما قلت لك الطريقة لمعرفة المشكلة
و السموحة يا بو حسين عـ الإطالة
فديت قلبك يابوالريش حبيبي
تسلم ع الطريقه وراح اسويها
أفصل أصبع البطارية اذا طفت السيارة على طول أو بعدها بشوي فعندك الدينمو تعبان
واذا لا فهي البطارية تحتاج تبديل
وأبو الريش والشباب الباقي ماقصرو الله يعطيهم العافية
البطارية يالغالي ..
توكل على الله وغيرها حصلت معي قبل كم شهر واستشرت الاخوان هنا بالمنتدى وقالوا غير البطارية وغيرتها والحمد لله زبطت معي ..
من البطاريه ياخوي سارت معي قبل كم يوم مع العلم ان الانوار شغاله تمام
السلام عليكم صارة معي المشكله من قبل اكورد 2005 عند اشعال النور بيضعف عزم السياره وديتها على مكنيكي
فحص السياره وجد ان السياره تاخذ كل الطاقه من البطاريه يعني الدنمو مطعطل وما بتصلح لان بجي مسكر من الشركه غير قابل للتصليح اتمنى ان اكون افتك بشي