ليه يا ماكسيما 2010 من جدك؟؟؟

السلام عليكم ورحمة الله وبركاته
شباب ماودي إنكم تزعلون:d:d
إنتو تكلمتوا كثير عن الماكسيما وحبيت أطرح وجهت نظري بشكل مفصل
ويارب ما أطفش أحد فيكم,,,:rolleyes:
بس خلونا صريحين والله مره مافيها شكل نقول من جد أليم,,,:mad:
يعني انتظار 10سنوات وبعدين يطلع الشكل هذا!!!!
إنتو لا حظوا الكابريس توقفت عام95 وعادت لعام 2000 و2004
واكتسحت الأسواق بعنف وماوصلت للسعر اللي أنا شايفه بالمكسيما :o
***يعني الباترول كم له سنه بنفس الشكل ونفس المواصفات ونفس الألوان!!!
الددسن كم له سنه نفس الشكل وفقط تغيير اصطبات!!!
قارنوها بلاندكروزر والهايلكس واترك الحكم لكم؟؟؟
بعدين هل إن فشل نيسان في الباترول والمورانو والقاشقاي والتيدا والددسن
أدى إلى انتهاجها طرح سيارات جديده بمسى جديد قديم...اللي هي ماكسيما
وطرحت سيارة جديدة لم نكن نعرفها مثل أرمادا مورانو وقاشقاي وتيدا
لــــــنـــــكـــــن واضــــحــــيــــن,,,:eek:
من منكم شاف سيارة من المذكوره أعلاه في يوم واحد أكثر من 6 إلى 7 مرات
تبون المفارقه العجيبة لاحظوا جيب لاندكروزر التي أنعش تويوتا في المبيعات
ورأينا جيب الهونداي والكيا والمازدا سوقها ماشي وبقووووووووووووه,,,
هل شركت نيسان عجزت أن توظف لعملائها قوة قادرة تكون حل جذري
لإرضاء العملاء..
أعرف واحد بالشكل في وكالة الحمراني بأبها شكلآ لا إسمآ
سألته/
لماذا لا نرى سيارات انفينيتي بين سيارات نيسان في معرض نيسان؟؟؟
وأنا أقصد معرض أبها
ولماذا تراجعت مبيعاتكم؟؟؟
قال تراجعت مبيعاتنا نعم
وأنا والله إنه آخر يوم دوام بسبب الحمراني الله لا ؟؟؟؟؟؟؟؟؟
ماودي أتكلم لأني بصراحه لا أعرف مدى مصداقية الرجل بس حسيت إنه يخاطبني بحرقه
أخــــــــــــــــيـــــــــــــرآ/
سألتكم بالله شخص يمتلك 133000 ريال
يفكر يشتري ماكسيما!!!!!!!!!!!!!:confused::confused:
غريب طيب عنده EX2009 و G35
وتصدقوا EX فيه مواصفات أنا لن أذكر إلا أن فيه 4 كاميرات والباقي راجعوه في الكاتلوج مال السيارة الجديدة كليآ
أو ليكزس ES أو IS
أتمنى لعشاق نيسان التوفيق,,,,,,,,,,,,,
وأتمنى من خالص قلبي لشركة الحمراني التوفيق والنجاح,,,,,,,,,,,,,,,,
من يؤيدني فليكتب ماكان صوابا...
ومن يعارضني فليكتب ماكان خطئآ.....
والـــــــــــســــــــــــــلام/
أخوكم/
أغــــــــــار يا هـــــــــــوندا

الصراحه لو عندي 133.000

اشتريلي فولكس فاجن باسات اصرفلي...

اسمك راكب الماني مو ياباني...

مع احترامي للجميع...

بس المحرك يطرب في الماكس هدي الحسنه الوحيده...

يعطيك العافيه أنمار
صراحه ردك جميل وفي محله
مشكور ع المرور أخوي

اقتباس:

---

المشاركة الأصلية كتبت بواسطة A N M A R

الصراحه لو عندي 133.000

اشتريلي فولكس فاجن باسات اصرفلي...

اسمك راكب الماني مو ياباني...

مع احترامي للجميع...

بس المحرك يطرب في الماكس هدي الحسنه الوحيده...

---

^^^^
انا سويتها :d

صوتي ضد الماكس مع اني لا ارى في سعرها اي مشكله ...

ياجماعه الاكورد سته سلندر ب 115 ومافيها ولا مواصفه تفتح النفس ... خلونا واقعيين ;)

والله ياخي كلامك فيه شيئ من الصحه

بس مواصفات الماكسيما رووعه ولو تقارنها باللكسز والله ارخص بواجد

اللكسز الصغيره is كنها كوريلا بـ 160 الف سلاامات

ترا الاسعار نآآر الحيييين

والماكسيما افضل مواصفات من الافالون والافالون بـ 123 الف ,,

يعني سعرها معقوول صرآحه

اغار يا هوندا

بيض الله وجهك كلام في محله

كلامك صحيح

بالنسبه للي يقول انها تستاهل لان فيها مواصفات

عندك الاوريون ماشاء الله كل شي فيها مو ناقصها الا علامة لكزس <<<كبرتها شوي صح

عندك الازيرا فيها مواصفات روووعه وقوة مكينه مااحلى منها

وكل السيارتين سعرهم معقول

واللي يقول ان الماكس تطرب لان مكينتها قويه

عندك الكابريس بجميع انواعها كلها قووويه وتطربك اكثر

اللومينا بجميع انواعها

الالتيما

كرايسلر والتشارجر


بكل صراحه انا بنظري افضل سيارة قدرت تجمع بين الشكل والقوة والفخامه هي ((الاوريون))

صراحه انا من عشاق الماكسيما

وشكلها اليم بقوه

شفت وحده بالبحرين امس وربي عجييييييييييييييييييييييبه

وصراحه يكفي اسمها ماكسيما وربي لها مكانتها

وودي ابيع الاكورد واخذ ماكسيما

ومثل ماقال اخونا الاكورد انا ماخذها 115 وش فرقها ع المكس وهي افضل

115 الف ومافيها من المواصفات شي ابد إلا هناك يعني ترقبك

بس اسم انها هوندا مالها حل

شباب يقولون احتمااااااال تنزل بانوراما فيمتها 126 الف عند الحمراني

المصدر
نيسان اريبيا

أزودهم شويه وأشتري المرسيدس فئة C :cool:


بلا نيسان بلا ياباني بلا خرابيط :cool:

بصراحة وواقعية ..

السعر مناسب شويتين ..
ترا السيارة فيها :
مكينة قوية جدا 3.5 لتر وبقوة 290 حصان صافي
قير CVT من 6 نسب يعطي عزم لما ترص ومريح في القيادة العادية مع عصا التعشيق وراء الدركسون !
شاشة لمس مع نافيقيشن وكامرا خلفية
دركسون كهربائي تلسكوبي بأربع اتجاهات
جنوط خيالية مقاس 19 انش !!
التقييمات الامريكية قالت عن نظام الدفع فيها انه افضل نظام دفع امامي على الاطلاق!
مفتاح ذكي والدخول بالبصمة وتشغيل بضغطة زر
6 سيديات مع وجود مدخل صوت وفيديو ونظام صوتي 9 سماعات من شركة بوز !
اسيات كهربائية للسائق واعتقد للراكب
ديكور كامل بتصميم جديد ومواد عالية الجودة على حسب التقييمات
تدفئة وتبريد في مقعد السائق !!!
زنون ... بلوتوث ...
4 انظمة للثبات والامان

يعني على الاقل لما يسألك واحد ليش السعر كذا تقول له هالمواصفات مو الاكورد وش بتقول علشان سعرها 115,000 ؟؟ طي مرايات <<< في الكرولا .. غسيل انوار <<< اتحدى احد استخدمه/بيستخدمه ! .. زنون << التيما من 2005 فيها .. 7سماعات << الناس وصلت لـ9 و10 ومن شركات بعد .. يابانية 100% <<< ما اشوف ميزة لهالشي وصراحة العيوب كثيرة وهي صناعة يابانية يعني ما منها فايدة !! ميزة الاكورد الوحيدة نظام السلندرات .. وصراحة ما تفرق عندنا واجد لأن اسعار البنزين الحمدلله رخيصة ..

بالنسبة لـ أن الموديل القديم 10 سنوات .. هالكلام في الخليج فقط بس امريكا غيروا الشكل عام 2005 او 2006 على ما اعتقد والحين غيروه 2010 ..

الصراحة السيارة جمعت بين المواصفات القوية جدا والمكينة القوية جدا .. ولا تقارن اصلا بالاوريون ولا الاكورد ولا الالتيما ولا المازدا من ناحية الفخامة والرفاهية ..

ولعلمكم وهالكلام مو من عندي .. المنظمات الامريكية الشهيرة جدا واللي شغلهم الشاغل بس يسووا تقارير عن السيارات ويقارنوا بينها ما قارنوا المكسيما حتى بالافالون .. قارنوها باللكزس ES والاكيورا TL يا حبايبي بسبب مواصفاتها الخرافية وجودة موادها العالية ..

صح ان الباسات الماني .. بس ترا ما مواصفاته اقل وحجمه اصغر ومكينته اضعف بواااااااااااجد وما يتحمل مثل الياباني اللي تقولون عنه بلا خرابيط ..

انت ياخوي تقارنها باللكزس والانفنتي وكأنها بنفس السعر !! .. ترا اللكزس ES (ماهيك عن الشكل القبيح داخليا وخارجيا) سعره من 160,000 الى فوق الـ190,000 والانفنتي الـG الآن سعره 170,000 والـIS القوطي سعره 151,000 بدون حتى شاشة !! .. شكلك ما راجعت اسعار الوكالات من وهلــــة ..

وذا الشخص اللي يقول اوريون ياهوووووووووو الاوروين ويــــــن والمكس وين ماكو اي مقارنة بالمواصفات .. اصلا يكفي الاوروين داخليته ذي اللي كنها العاب تطلع اصوات من كل جهة غير انه تعديل ابو جميل من شاشة الى بلوتوث الى دعاء السفر !!

معليش بس عصبت شوي .. :o .. لأن الشباب مقارناتهم عجيبة .. وأرجو من اللي ما شاف المكس ع الطبيعة يشوقة لأن فعلا تحسه شي قوي ومتماسك ومواصفات تطقطق فيوز العقل ..

وسلامتكم ..

والله انها اطلق موتر شبابي وسعره مايتعدى 135 الف

لا من شكل ولا من مواصفات ولا من قوة


المكسيما هي بالمقدمه الحين

بلا ماكسيما بلا لكزس بلا ياباني
اااااه لو معي قرنقش ما يردني غيرك ياشركة محركات الطائرات سابقاً
ويا من غزيتي السوق وبقوة وقهرتي الكثير من نافسيكي
هاااااه عرفتوها
طبعاً bmw

عموما مشكورين شباب
والله يعطيكم العافيه
أنا أهنيكم إنكم تقبلتوا موضوعي بكل صدر رحب
هذي تكفيني 20 سنه قدام خخخخخخخخ
بعدين شباب شنو سالفتكم ماكينة وما ماكينة والماكسيما سرررريعه ومدري إيه
يعني بعض الشباب باقي تفكيره على أبو 15 سنه ورى
سرعه وتهور وماكينة وأحصنة ياخي تبي تقلع اصبر كم سنه وجمع فلوسك واشتر طيارة والا فيراري
أنا أشوف قوة الماكينات تفاهه
يعني كفانا قتل للنفس:mad:
كفانا تهور وحوادث:mad:
والله مو عن شي ياشباب
الواحد يشتري سيارة 8 سلندر ماعندك مشكلة بس يكون استعماله وقيادته على روقان
أما واحد ياخذها والله أسابق فلان والله أطارح فلان
والله لو إننا من جد نفكر وأنا واحد منكم ماني بعيد
كان نفكر في فلان وفلان ومستواياتهم الدراسية ووظائفهم المرموقة
ونحاول نحسن وضعنا الدراسي الوظيفي والمادي
وبعدين الواحد لمن يكون عمره 80 سنه يبدأ يطارح ويجاكر
وياليت يردد (وهي خاربه,,,,خاربه)..........................:d:d

ودي أتكلم شوي ،، عن عيوب الماكس ،،، وبكل صراحة

1/شوفوا الوجيهه ،،، عادية ،،،،ومافهيا من الفخمة ،،، وكلها فرطاس ،،،(ورق ) والكبوووت مثلهاا ،، خفيف

( إبغى واحد بس يضغط خفيف على الكبوت تداخل يده ،،، والا يفتحه خفيف بالمررررره ))

2/ونظر ،، من الامام (من عند الوجهيه) الجنب ،، شف كيف طالع بقوووووة ،،، شكلها مو حلووووووووووو

3/ المرتبة الخلفية ،، ضيقة حييييييل ،، تقول كورلا والا يارس ،،،، من الضيق اللي وراء ،،، والمشكلة كله من النفخ ،،،

4/ اللي يقول قوووة ماكينة ،، ترى ألتيما أقوى قووومة ،،، بسبب الخف ،،، ( لا أحد يقول الأحصنة ) واللي يقول عندي ألف مثال ،، والمقارنة ،،، موجوده ،، موقع اخر

5/ السقف نازل بالمررررره ،،، إنزل من الكامري ،،، والأكورد ووووووووووويعني الطويل ينشب

6/الدركسون ،،،، شين بقوووووووة ،، مواتر بهذا السعر ،، وبالقيمة هذي ...؟؟؟

7/فوق الطبلون المنحنيات ،،، مو حلوووووه ،،،

<<<<<< لا أحد يقول متعصب والله هذي الصراحة ،،، صحيح مواصفات ،،

والسلام ختام ،،، واتمنى التوفيق لكم جميعااا

اقتباس:

---

المشاركة الأصلية كتبت بواسطة محجوب

بصراحة وواقعية ..

السعر مناسب شويتين ..
ترا السيارة فيها :
مكينة قوية جدا 3.5 لتر وبقوة 290 حصان صافي
قير CVT من 6 نسب يعطي عزم لما ترص ومريح في القيادة العادية مع عصا التعشيق وراء الدركسون !
شاشة لمس مع نافيقيشن وكامرا خلفية
دركسون كهربائي تلسكوبي بأربع اتجاهات
جنوط خيالية مقاس 19 انش !!
التقييمات الامريكية قالت عن نظام الدفع فيها انه افضل نظام دفع امامي على الاطلاق!
مفتاح ذكي والدخول بالبصمة وتشغيل بضغطة زر
6 سيديات مع وجود مدخل صوت وفيديو ونظام صوتي 9 سماعات من شركة بوز !
اسيات كهربائية للسائق واعتقد للراكب
ديكور كامل بتصميم جديد ومواد عالية الجودة على حسب التقييمات
تدفئة وتبريد في مقعد السائق !!!
زنون ... بلوتوث ...
4 انظمة للثبات والامان

يعني على الاقل لما يسألك واحد ليش السعر كذا تقول له هالمواصفات مو الاكورد وش بتقول علشان سعرها 115,000 ؟؟ طي مرايات <<< في الكرولا .. غسيل انوار <<< اتحدى احد استخدمه/بيستخدمه ! .. زنون << التيما من 2005 فيها .. 7سماعات << الناس وصلت لـ9 و10 ومن شركات بعد .. يابانية 100% <<< ما اشوف ميزة لهالشي وصراحة العيوب كثيرة وهي صناعة يابانية يعني ما منها فايدة !! ميزة الاكورد الوحيدة نظام السلندرات .. وصراحة ما تفرق عندنا واجد لأن اسعار البنزين الحمدلله رخيصة ..

بالنسبة لـ أن الموديل القديم 10 سنوات .. هالكلام في الخليج فقط بس امريكا غيروا الشكل عام 2005 او 2006 على ما اعتقد والحين غيروه 2010 ..

الصراحة السيارة جمعت بين المواصفات القوية جدا والمكينة القوية جدا .. ولا تقارن اصلا بالاوريون ولا الاكورد ولا الالتيما ولا المازدا من ناحية الفخامة والرفاهية ..

ولعلمكم وهالكلام مو من عندي .. المنظمات الامريكية الشهيرة جدا واللي شغلهم الشاغل بس يسووا تقارير عن السيارات ويقارنوا بينها ما قارنوا المكسيما حتى بالافالون .. قارنوها باللكزس ES والاكيورا TL يا حبايبي بسبب مواصفاتها الخرافية وجودة موادها العالية ..

صح ان الباسات الماني .. بس ترا ما مواصفاته اقل وحجمه اصغر ومكينته اضعف بواااااااااااجد وما يتحمل مثل الياباني اللي تقولون عنه بلا خرابيط ..

انت ياخوي تقارنها باللكزس والانفنتي وكأنها بنفس السعر !! .. ترا اللكزس ES (ماهيك عن الشكل القبيح داخليا وخارجيا) سعره من 160,000 الى فوق الـ190,000 والانفنتي الـG الآن سعره 170,000 والـIS القوطي سعره 151,000 بدون حتى شاشة !! .. شكلك ما راجعت اسعار الوكالات من وهلــــة ..

وذا الشخص اللي يقول اوريون ياهوووووووووو الاوروين ويــــــن والمكس وين ماكو اي مقارنة بالمواصفات .. اصلا يكفي الاوروين داخليته ذي اللي كنها العاب تطلع اصوات من كل جهة غير انه تعديل ابو جميل من شاشة الى بلوتوث الى دعاء السفر !!

معليش بس عصبت شوي .. :o .. لأن الشباب مقارناتهم عجيبة .. وأرجو من اللي ما شاف المكس ع الطبيعة يشوقة لأن فعلا تحسه شي قوي ومتماسك ومواصفات تطقطق فيوز العقل ..

وسلامتكم ..

---

كلامك في شيء من المنطق لكن السعر والله غالي طيب بتقولي شوف المواصفات بقولك على عيني وراسي بس خلينا نتكلم نفسيا بالله عليك تشتري ماكسيما 134 الف ولا تشتري أودي a4 بـ 136 الف مدري 137 الف وطبعا مارح تفرق الفين ولا ثلاثة مع اللي بيشتري سيارة في هالمبلغ يعني المفروض الشركة تقدر ...:confused:

أنا أشوف لو نزلوها بأسعار الأفالون كان ممكن..
وصدقني مارح تلاقي ضغط على المكسيما زي حتى منافسيها وما رح تشوف الفل كامل منها إلا نااااااااااادرا وتذكر كلامي ...:rolleyes:

بعدين تعال هنا إنت من بعد ما بعت المحجوبة وانت قالب على الهوندا ليييييييييييييش؟؟:d

السلام عليكم صدقت والله وفيها شباب عيب ركبوها من السيت الخلفي بتحسون فيه ضيق ضيقه من ورا انا راكبها

سعر مبالغ فيها جدا جدا جدا .. تراها نيسان يعني !!
متى نيسان وصلت سيارهـ من سيارااتها الصغار الى 130 الف !! اذا مو اكثر
مهما كانت المواصفات صراحه ما اقتنعت بالسعر يعني اذا وصلت الدعوه الى اني اشتري سياره بـ 130 الف ما راح يكون خياري الاول ولا الثاني مكسيما ابداا
تقبل المروور,,,

شباب ..

المكس حلوه من برّآ .. ~


لكن مشكلتهآ ديكورها غبي شوي من دآخل .. ~ وسعرهآ حسافه على المكس .. ~ < خصّيت الاسم هذا لاننا خابرينهآ سياره مو غاليه وحلوه

يعني مثل ما قالوا الشباب فيه بدآآئل كثيره .. ~

وهنآ رآح يبيّن هآوي السيآره .. مآ رآح يشتري المكس الا اللي يبيهآ .. ~

لكن لو تبي تفكّر منطقيّآ بهالسياره مآ آتوقع رآح تشتريهآ بـ هالسعر .. ~ 133 الف .. ~

فيه بدآئل آحلى .. ~

وبالنسبه لـ سياسة نيسان الفاشله .. الرافضه دآئمآ للتغيير .. خوفآ من الخسائر او مدري ليش .. !!

نيسان كانت ابدآع بس مدري شفيهم قامو يخورون ..

المفترض انهم يغيّرون بالشكل للسياره .. لكن تلاقيهم يخلون السياره على شكلها .. وينزلون سياره جديده بشكل ثاني واسم ثاني .. !!
.
.
.
.

:d


عافاك ربي على الموضوع .. ~

أهلين بالشباب ...
بصراحة ودي أعلق على بعض النقاط في الموضوع .

بصراحة الشكل الجديد مجرم و جبار و الناس أذواق و أنا عجبتني السيارة بقوة , و من ناحية المكينة فمعروفة نيسان , يعني لا تعليق مكاين جبارة و المكينة الجديدة امتداد لسلسة محركات الـ vq الحائزة على جوائز من أحسن محركات العالم لأكثر من 14 سنة . يعني بتشتري سيارة و تنسى مكينتها .

زي ما قال اسماعيل مكينة 3.5 و طبعا v6 يطلع منها حدود الـ 290 حصان ترى شي قوي و لا يستهان فيه ابدا , إذا الألتيما زي إللي معاي 257 حصان و قوية , الماكسيما كيف !

و طبعا أكيد و الكل فيكم عارف إن الماكسيما طراز أعلى و أفخم من الألتيما , و لا تقارن بالأكورد أو حتى الأوريون , معليش الأوريون ما فيها إلا مكينة , الباقي كله كامري ترقيع و بس . أما الأكورد معليش يعني مستحيل أدفع 115.000 ريال في سيارة " فاضية " ما فيها أي مواصفات . و لو تقارنوا بنفسكم و بدون تحيز الأكورد بالماكسيما , أغلبكم راح يبيع سياراتهم و يشترون المكسيما .

بعدين ابغاكم يوم تروحون تشوفون المكسيما على الطبيعة في الصالة , روحو شوفو بعدها الإنفينتي الـ fx الجديد . نفس السيارة من الداخل , يعني إنت معاك سيارة قمة في الفخامة في فئتها .
أنا صاحبي معاه g35 موديل 2008 أنصدم لما شاف الماكسيما ! فيها أشياء ماهي موجودة عنده مثل نظام تبريد و تدفئة المقاعد و الـ cvt و الجنط الرائع مقاس 19 إنش غير مقعد السائق تقدر تتحكم في الجزء الأمامي منه .

إللي يقول على السعر , ترى جدا حلو تبدأ من 99.000 ريال و الفل منها 126.000 ريال و البانوراما بينزل السنة الجاية بـ 135.000 ريال . و الله سيارة جبارة و مواصفاتها مرة حلوة .

و لا تجي تقول أودي , خلي ضمانها يخلص و شوف كيف إذا ما بكيت جنبها , بتتلسع قطع غيار إلين تقول آمين ... تقولي لكزس ! قارن بين الـ es و الماكسيما الجديدة .... ما أعتقد بتلاقي فروق كبيرة بينهم . حتى الـ is أصلا سيارة ما أتقبلتها , ليش أدفع في كورولا 160.000 ريال !
و نيسان منزلة الماكسيما كمنافس للأفالون , و هنا بأقول للأفالون أستريحي بقوة .... جا من يكسر راسك و يسحبك من السوق صح .

يا شباب حاولو تحطوا في بالكم إن كل الشركات بتحاول تتطور في سياراتها للأفضل و أهم ما عندها رضى العميل و راحته بتوفير سيارة فيها مواصفات تريح الواحد , مو مثل هوندا .... يالله نفس السيارة اللهم بس يغيرون الشكل و بس . قارن بين أكورد 2003 - 2007 و الأكورد 2008 - 2009 الستاندرد ..... إيش يميزهم عن بعض غير إن الجديدة فيها mp3 و مثبت سرعة و تحكم بالصوت .... طيب ما جبتو شي جديد . و تعال شوف شكل القير حق الأكورد الجديدة , بالله هذا منظر قير ؟ راكب غلط بالقوة . و ربي إن قير الكامري أحلى .
شوف التطور إللي صار في الماكسيما و قارن بينها و بين الموديل القديم , راح تلاقي تطور و فروقات كثيرة جدا .

أنا ما أكره الأكورد رغم إنها كرهتني عيشتي و ندمت إني أشتريتها , بالعكس إلين اليوم و بكرة أنا أعشقها , لكن لازم أعترف إنها فشلت أمام الماكسيما الجديدة في كل شي ما عدا الشكل الخارجي لأن مسألته ذوق .

و هنا راح نشوف كيف راح تمشي مبيعات الأكورد .
كم سعر الفل 4 سلندر الأكورد ؟ أعتقد بين الـ 95.000 و 99.000 ريال . طيب الماكسيما ستاندرد مواصفات أحلى من الأكورد و بنفس السعر , الفرق بس في الجلد و الكشافات . و الباقي كله لصالح المكسيما .

الشي الوحيد إللي ما عجبني في المكسيما و بصراحة هو أبدا ما هو عيب لكن أنا يهمني .
السيارة ما زالت دفع أمامي , لو إنها دفع خلفي بتكون أحلى شي راح تسويه نيسان .
في النهاية أنا عارف إني راح أواجه انتقاد قوي من كثير من أعضاء المنتدى بسبب كلامي لكن أنا مستعد , هذي وجهة نظري و ما ألزم أحد فيها .....
محجوب ترى في الستاندر الأسيات للسائق و الراكب كهرباء بالكامل مع ذاكرة بوضعيتين لمقعد السائق .

accord 764

من بعد ردك ماعاد عندي شي اقولها الله يعطيك العافيه :)

خالد انتا فاهمني صـــــــــــح :cool:

الاخ علمتني الايام .. الاشياء اللي سميتها (عيوب) هذي كلها مسئلة ذوق وانا كلها عاجبتني ما عدا سالفة الضيق في الخلف طبعا فـ هالشي صحيح السيارة مو ذيك الواسعة .. واما تقولي البودي قرطاس !! ترى السيارة وزنها 1665 كيلوجرام يعني اثقل من الاكورد الـ6 سلندر !

أغار يا هوندا .. معليش بس الظاهر ما فهمتني زين في سالفة عدد الاحصنة .. قصدي انك قاعد تدفع مبلغ وقدرو .. واكيد بعد هالمبلغ ما تبي سيارة (تخونك) لما تجي بتتجاوز بتسارعها الميت او فزتها النايمة .. اكيد تبغى محرك يحسسك بالقوة وانه ما في اي مشكلة لو ركبوا معك 5 اشخاص ! .. قوة المحرك ليست فقط للمقاومات والسباقات !! ولو هالشي مو مهم ومو ملازم للسيارات الفخمة كان ما شفت الانفنتي الـG قوتها 330 حصان وللا الاكيورا قوتها 300 حصان وللا الـIS الامريكية قوتها 306 حصان !! الزبدة ان السالفة مو بس مقاومات ..

الماستر .. بالنسبة للأودي جاوبك عليها الاخ خالد .. هذا غير ان الاودي اللي سعرها 137 ما فيها حتى شاشة ومكينتها 4 سلندر 170 حصان مدري كم يعني ما تلبّي الصراحة ..
و بالنسبة للهوندا ترا انا بدأت أقلب عليها شوي من طلع الجيل الجديد وشفت المبالغة في الاسعار والشح في المواصفات .. يعني زي ما قال خالد .. اهم الاضافات في 2008 وفوق كلها حاجات عادية في باقي السيارات (طي مرايات , زنون , mp3 ,aux ) كلها اعتيادية جدا ولا فيها شي قوي ومميز .. لسى احب الهوندا في متعتها في القيادة .. رساوتها الحلوة .. الديكور الجميل .. بس اصحوا ياناس للأسف هالحاجات مو كفيلة تقنع شخص جالس يقارن بين الهوندا وسيارة ثانية انه ياخذ الاكورد !

صراحة لما تقارن الماكسيما بالافالون .. ما في مجال للأفالون في 95% من فئات المقارنة .. اللهم الافالون ميزتيها الوحيدتين هي السعة الخلفية .. ونظام التعليق المريح ..

خالد .. هاه طقّمنا زي بعض ؟ :d .. تدري وش افضل خطة بالنسبة للمفلسين امثالي .. اني اخذ الستاندرد وركب عليها جناح + كشافات + زنون اللكزس من عند كاكاشي :d .. وصارت نفس الفل من الخارج ما عدا الاشارة في المرايات ما نحتاجها :d .. <<< ترى بدأت احطها في بالي من جد :a_madrid: ..

ياااااااااااااااااااالبى ردك اكورد 764

قريت ردك حرف حرف
اهني فيك منطقيتك فقط


محجوب

برضوا ردك ماسلم من عيوني
قريته كله

انتم الثنين كلامكم جدا جدا منطقي وحيادي


اعيد وكرر

الله يخلف على الأكورد

أغار ياهوندا

معليش لبى قلبك سهيت شوي

بس موضوعك بالمصميم

والله مميز ويعطيك العافيه