تعاااااااالو بسرعة موضوع مهم جداً

السلام عليكم ورحمة الله وبركاته

أنا سعيد بتسجيلي معكم ويشرفني ان اكون عضوء فعال بهذا المنتدى الرائع الذي اعشقه مثل ما اعشق
الهوندا كوورد :d على طاري الهوندا كورد ودي اسألكم كم سؤال عنها وياليت تعطوني الإجابه الي تريح قلبي
او تخليني افكر اكثر واكثر قبل لأشتري السيارة أنا رحت معارض الشفاء وحصلت سيارة هوندا كورد اللون اسود
4 سلندر فتحه بالسقف وحدها راعيها على بــ 33 ألف ريال وأنا ترددت كثير لانه قال عن المشاكل الي فيها
المشاكل بأختصار يقول لازم تغيير الفحمات الأمامية والخلفيه ويقول وجه كارتيل المكينة لازم يتغير ودودة الدركسيون
لازم تتغير :( لما قال لي كل هالمشاكل حسيت اني تحطمت وتبي تروح على السيارة الرخيصه وأنا والله مامعي اكثر من 35 ألف ريال الحييييييين تكفوووووون الكل ابيه يشارك ويدلني على الصح اشتري او لا الله يكتب لكم الأجر للأخبراء والناس الفاهمه بالسيارة عطوني رايكم ........ ارفقت لكم الصور وابي رايكم مهم جداً

الصورة الأولى للمقدمه

http://www.up-00.com/s1files/EuQ80577.jpg

الثانية لخلفية السيارة

http://www.up-00.com/s1files/AvX80577.jpg

للجانب الأيسر للسائق
http://www.up-00.com/s1files/KgC80577.jpg

...............................

اخوي
ما شفت اذا كان فيها صدمات او المكينة فيها شي لانه مو معقول السعر صراحة يخوف

يالغالي الله يبا ركللك فيهاء وللكن عندي سوال هل السياره خاليه من الصدوم وكم موديلهاء وكم شخص ا تستخدمهاء قبللك القطع المكنيكيه تتغير للكن انتبه من المستعمل وخللك حريص الله يوفقك بالسياره الطيبه

وديتها وفحصناها عند فلبنيين مختصين ومعروفين بالشفاء يقولون المكينة والقير سليمة 100 % والمشكلة فقط في وجه الكرتيل يبيله تغيير
أنا الحين والله محتار السعر مغري والسيارة مافيها غير صدمه بسيطه على الباب وصلحوها بالوكالة

اقتباس:

---

المشاركة الأصلية كتبت بواسطة ابو شهد

يالغالي الله يبا ركللك فيهاء وللكن عندي سوال هل السياره خاليه من الصدوم وكم موديلهاء وكم شخص ا تستخدمهاء قبللك القطع المكنيكيه تتغير للكن انتبه من المستعمل وخللك حريص الله يوفقك بالسياره الطيبه

---

أهلا اخوي ابو شهد السيارة موديل 2006 فل كامل درجة ثانية الصدمه الوحيده فيها بالباب ماشية تقريباً 100 ألف كيلو الي استخدمها اثنين فقط قبلي

اهم شي القير والمكينه تكون سليمه والله السياره اغراء بسعرهاء لايكون فيهاء تنسيم او شي ماتدري عنه ترى معاء احترامي اصحاب المعارض مايصدقون وكم مره صارتلي مشكله معهم بقوللك شي امسكبهاء خط ومغطهاء الله يرزقك فيهاء

التنسيم فيها بس بعد ما اوصل سرعة 140 كيلو متر بالساعة مكان صدمه الباب المصلحه الله يعين والله أنا خايف يكون فيها مقلب لي الله يحيمني منها لو فيها شر :(

اخوي

دودة الدركسون يتصلح بتغيير جلبه وكل شي بس 400 ريال


واللي في الشفا نصابين وانا شفتهم وطريقة فحصهم ما يعرفون اي شي

افحصها في الوكالة مكينة وجير بس 400 ريال

وشوف نسبة صلاحية المحرك

اذا كانت اكثر من 75% خذها باذن الله تعيش معك


لكن اذا كانت النسبة اقل اتركها

أخوي بلال العلمي المشكلة اني تورطت ودفعت العربون لهم وصاحب السيارة ترى مو صاحب معرض جاي من خارج المعارض حصلته توه داخل السوق يقول أنا محتاج ابيع ظروري على وشك زواج وابي اسافر ماليزياء أنا حلفته بالله وامنته على كل كلامه الرجال حلف بنفسه واهله هذا الي خلاني اصدقه وما اكتفيت بحلفه قلت لا لازم اروح افحص السيارة طلع كلام الفحص نفس كلام الرجال لانه قالي عن مشاكلها من البدايه ،،،

اذا دفعت العربون يصير خلاص ما ينرد

المفروض ما تستعجل


بس السيارة على ممشى 100000 يعتبر قليل بالنسبة للمحرك هذا بس العيب في الاستعمال

ما تدري كيف كانوا يستعملونها قبلك

باين من التخشيب والحركات انها سيارة واحد شاب فما تدري كيف استعماله وفي نفس الوقت نظيفة من الخارج

اذا انها مسألة باب عادي بس اخوي كم العربون اللي دفعته؟

الله يباركللك صلى صلاه استخاره وتوكل على الله على كلام خويناء صحيح اهم شي نسبه المكينه تكون فوق 75 اخوي اذا توك تجرب الهونداء انا اضمنهاء بعد الله انهاء سياره وانشهد صبوره تتحمل المصاعب يباني يباني ولايست تجميع توكل على الله اخوي

السيارة بأسم الرجال في رخصته من عام 2006 كيف يجمعها من التشليح ؟؟؟

تبي الصدق والله كلام الرجال صدق انا انبلهت من سعرهاء باسمه وكاله ماختلفناء سعرهاء يخلي الواحد يلتمس تاكد تاكد تاكد يمكن هو شريطي بعد انت وضميرك لاتستعجل حتى لو ياخذ العربو ن

اخوي روح لفحص الكمبيوتر --- وفيه واحد ممتاز ممتاز جدا
محله في معارض الشفا
قبل صالة البيان فيه محل فحص كمبيوتر لواحد سعودي يفحص بأمانه كانه شاريها له
يفحصلك الماكينه القير البدي اذا فيه صدمات ولا شي
ادفع 250 ولا 30000
والله يوفقك

تبي نصيحيت افحصها فحص كمبيوتر و د وياك واحد يعرف للسيارات خليه يشيكها مصدومه او لا وروح امسك فيها خط جربها على الخط ما ترج وسليمه وكل شي وبعدين توكل على الله واشتريها ..
ما راح تتوهق فيها انشالله

سعرها معقول جدا ابد خذها وندلك ع ورشه مصعب احسن ورشه هوندا


وتغير كل اللي تبغاه ماتكلفك الف ريال تشيك كامل وتغيير كامل ازيوت والفلاتر وان شاء الله انها من نصيبكـ

يا اخوي
صلي صلاة الخيرة وتوكل على الله
دام الرجال حلف بالله صدقة توكل
ومثل ما قالو الشباب افحصها بالكمبيوتر
واذاعلى العربون اكيد انه مو اكثر من الف ريال
اذا السيارة فيها شي تخسر الف ريال ولا تخسر كامل المبلغ
الله يوفقك

الله يجزاكم كل خير ويطول بعماركم يااااااااااارب اعذروني ودي ارد على كل واحد بس مستعجل بروح اشوف السيارة وافحصها مثل ماقلتو لي والليلة ارد لكم خبر وش صار معي ادعووووووولي تكفووووون :(

لله يوفقك ويكتب الى فيه الخير

نصيحــــه مني
لا تشتريهــا
والله كلهم نصـــابين اللي بالمعارض
انـا يوم شريت موتري قآلي بتصلحهـا بـ 100 ريـال
وخسرت عليهـا فوق الـ 5000 ريـال
وهي والله نظيـــــفه نظيفـه

وانت على كلامك الموتر اي كـلام يعني لا تـاخذه
الدوده تبي تكلفك فوق الـ 1000 ريـال
يعني حط على جنب اقل شي 6 الاف ريـال

وترى النظيف دايم تلقاه بسعرهـ

انا شـاري موتري بـ 65 الف
وبعد مخسرني

وترى موتري 2007 - 6 سلنـدر
وماشي 34 الف < يوم شريتهـ

:cool:

شفـــــ

معارضــــ الشفاء اذا تبي تبيعـــ سيارتكــــــ

مرضـــــ النسيمـ اذا تبي موتر صارحهــ تجي سيارتــ لقطهــ

وانا أشكــ الموتر فيهــ خلل بالكهرباء ولا ما باعهــ بتراب الفلوســــ

ولهذا السبب شريت موتري وكاله
علشان ما انلحس :frantic_aa::frantic_aa::frantic_aa:

اهم
شي
لا
تستعجل

عن تجربة فحص الكمبيوتر الي تلاقيه بالمعارض يفحصلك المكينة بالكمبيوتر وكلام الكمبيوتر مابعده كلام اما غيرها يعتمد على الحدس

وماادراك عن حدس الي عمره مااشتغل ميكانيكي (الا من رحم الله)!!!

اذا على الشغلات البسيطة مثل اصلاح الدودة ووجه كارتير والفحمات امرها هين لكن جرب السياره بنفسك وشوف كيف عضلاتها وممشاها بالخط وتغييرات الجير ولو تقدر على فحص الوكالة هو الي بيعطيك الخبر الاكييييييد وسعرها بصراحه لقطه ومو مشكلة لو دفعت عليها الفين او ثلاثه صيانة واصلاحات والله يكتبلك الي فيه الخيرررررررررر

خذ النصيحه أخوي وارجع افحصها

عند السعودي اللي قالك عنه اخوي ابو بريه
تلاقيه باول شارع المعارض على ما اذكر جنبة صراف الراجحي