كفرات جديده .. وميزان احلى كلام .. ومشكله لعبت فيني لعب .. ارائكم ..؟

السلام عليكم ورحمة الله وبركاته ..

مساكم خير وسرور ..

اخباركم ان شاء الله تكونو بالف خير ..

عندي مشكله بسيارتي ..

نوع السياره ..

هوندا اكورد 2007 .. جنط وكاله 17 ..

غيرت كفراتي قبل شهر ونص تقريبا ..

وعندي مشكله وربي طلعت الشيب براسي ..

لاحظت في سيارتي انها تحذف يمين اول الوقت ..

وديتها الميزان وضبطتها ..

ونفس المشكله ما راحت ابد ..

وقالي واحد من الشباب الكفرات اللي قدام اعكسها .. يعني اليمين وده يسار والكعس صحيح ..

وسويتها ولاحظت شي فـ السياره ..

تدرون وش طلع ..

بدال ما تحذف يمين صارت تحذف يسار ..

رجعت للميزان وسويت لها ميزان من جديد ..

قالي السياره الميزان فيها تمام التمام ..

والجنوط ما فيها ضربات او شي ..

والكفرات جديده ..

مدري وش السالفه يا ناس .. وربي احس بموتري جني ..

قمت وغيرت الكفر وحطيته بالجنط اللي بالاستبنه قلت يمكن فيه ضربه الجنط او شي << مسوي فيها وين ..

وطلعت نفس المشكله تحذف السياره ..

مع ان الحذفه يمين او شي وجبت الكفر الللي يمين وحطيته يسار وصارت تحذف يسار ..

وهذي حالتي يا شباب ..

وش رايكم وش السالفه ..

وش تتوقعون منه .. وارجع واقول ان الميزان يقول سيارتك عنده بالكمبيوتر ما فيها شي والميزان تمام التمام ..

يعني صراحه هـ الشي يلحس المخ ..

وش رايكم يا شباب وش السوات معها .. صراحه طفشت من هالسالفه ..؟

انتظر ارائكم ومشورتكم ..

على احر من الجمر ..

اخوكم يزيد ..

تأكد من ضغط الهواء لأنه أحيانا ً يسبب إنحراف للسيارة بشكل بسيط جدا ً

صح كلامك يا كينغ


انا الحين الكفر اليسار ينسم ولما اعبيه هواء تكون وزنية السيارة تمام


انا افك الابر على الكفرات الاربعة

واعبيها من جديد نيتروجين الين توصل درجة 35 ضغط


وتكون تمام


بالنسبة للوزنية اذا قال لك الميزان تمام معناها تمام بس المشكلة بالكفرات او الجنوط وكون كفراتك جديدة معناها ضغط الهواء فيه مشكلة او الجنط

اذا متأكد من الجنوط ومتأكد من الهواء فالميزان ماضبطها لك
وترى تصير كثير ان الميزان مايضبط معك أول مره ولكن قولي هل هو سواها لك بالكمبيوتر وهل طلع النسبه الصحيحة للميزان ..

يمكن ضبطها لك على نسبه صفر وهذا غلط

وزن الأكورد والنسبه هي 5- لكل الأطارات وأنا سويتها بالوزنية اللي ذكرتها لك وماشاء الله تبارك الله والحمدلله الموتر مثل الألف لا يمين ولا يسار

شيك على التقرير اذا كان وزن كمبيوتر وعلمني وش الرقم اللي طلع بالوزن

وعليكم السلام ورحمة الله وبركاته

اخوي كلام الشباب ان شاء الله انه حل مشكلتك لان انا بنفسي قد عانيت منها

ركبت كفرات جديدة وبعد فترة بسيطة لاحظت ان السيارة بدت تحذف والكفرات صارت ثقيلة وقاسية على المطبات واهم ما في الموضوع انها ما عادت راسية مثل اول . المهم شيكت على ضغط الكفرات وتفاجأت لاني لقيته 45 بس بعد ما نزلته لـ 32 الحمدلله انتهت المشاكل .

نصيحة : حاول توزن الهواء في اكثر من مكان لان الساعات عند اغلب وكلاء الكفرات الكترونية ويبيلها اعادة ضبط كل فترة بس ما حولك احد والساعات اللي عند البناشر من الصيني الرخيص . فحاول توزن في محلين على الاقل عشان تتأكد .

انا مره استوت وياي هالسالفه


واكتشفت ان التاير راكب غلط على الرنق

التاير لازم يركب صح .. ومكتوب على التاير اي جهه تكون للخارج واي جهه للداخل ...

وفي انواع تكون دورانها لجهه معينة

اذا تعرف تقرا انجليزي .. هالوصله هاي بتفيدك واايد

http://www.tirerack.com/winter/tech/...jsp?techid=099


فيها طرق التركيب الصحيحة .. وان شاء الله فيها حل لمشكلتك


اتمنى تصور لنا كيف راكب التاير على سيارتك ... وتخبرنا عن نوع التاير

وهاي ترجمة الخبير قوقل ..

طبعا الترجمة اي كلام .. بس تقدر توصل المعلومة

http://translate.google.com/translat...history_state0=