اااه من أسيات (مقاعد) الأكورد ..

السلام عليكم ...

ياشباب عانيت من الاسيات حقت الاكورد مش مريحة اي مشوار اطلع فيه ارجع للبيت واحس ظهري تكسر ما ادري وش السر في مقاعد الاكورد هل فاتتهم هذي النقطة .. السيارات الي نفس مستوى الاكورد او مقاربة لها من السعر والمكينة كراسيها مريحة ولما اركب مع اخوياي في سياراتهم طبعا مش هوندات اشعر بالراحة في الجلسة .. انا عندي سيارة ثانية مش هوندا واقل فخامة من الاكورد موديل 98 وماشيها كثير لما اركب فيها اشعر براحة الاسيات ولما ارجع للاكورد اشعر بقساوة الاسيات وفرق كبير .. يا اخوان هل في حل للاسيات سواء تلبيسة او اي شي ثاني يريح الظهر اثناء السواقة ..

هاذي ياغالي

مقاعد طبيه 100%

أنا كان معي فور قبل كذا وكانت مقاعد كأنه كنبات

وكان ظهري يوجعني بسرعه لما ألعب كوره ولا أنوم

لأكن يوم شريت الأكورد تحسنت حالت ظهري بكثير

وأشتريت مراتب قاسي للسرير حق النوم

والظهري ألحين 100%

موفق

والله كان عندي صني 98 والله انها اريح بنسبة لي من الاكورد مع انها جلد فل فل

مستغرب من هوندا طورت الشكل الداخلي والخارجي بس المراتب :mad:

الي يوجعه ظهره انصحه بسمك تراااه زين.

بسمه تعالى :


إذا كانت مقاعد الأكورد بهذه القساوة فما رأيك بمقاعد اللكزس إنها كالصخرة :d

أوافقك الرأي بأن المقاعد قاسية حبتين و ليست حبة واحدة :confused: و لكن قساوة المقاعد جائت لإعتبارات طبية من أجل حماية الهيكل العظمي و إستناده بشكل أكثر إستقامة و إعتدالآ مقارنة بالمقاعد الناعمة و التي ستحس بأنها غير مريحة بعد النزول من المركبة و الأحساس بآلام الظهر و آلام أخرى :( بالفعل المقاعد ستحس بأنها غير مريحة عادة و لكن ستحس بفائدتها أكثر و ستغظ الطرف عن عنصر الراحة إذا وجدت الفائدة :rolleyes: ....و شكرآ .

حرامـــــ عليكــــ ..... :mad:

مراتبــ عإأإأإأأإأأديهــــ الأ أبعد درجهـــــــ ........:(

انا ما توجعـــ ظهري الى أرتاحــــ ...... :d

فيهــ الزر الي يخلي المرتبهـ ينتفخــــ يمكنــ انت أمبرزها بزيادهـــــ .......:confused:

حرام عليك والله الحمد الله انا ما شكيت منها ولله الحمد بس حبيت اقول انها مراتب طبيه 100%
انا كان معي فورد كنت ارتاح بالجلسه بس اذا نزلت من السياره ظهري يروح فيها ..
الاكورد صح قاسيه بس ما اشكي من ظهري الحمد الله لا نزلت !

نجد المراتب وريح الراس

بسم الله الرحمن الرحيم

عزيزي راح أوصف لك بعض تجاربي مع مقاعد الأكورد بسيارتي وهي جلد

في البداية أحب أقولك أنها طبيه ومريحة جدآ ولكن تحتاج لبعض الشغلات تنتبه لها مثلآ:

جلست فتره مرتاح جدآ مع المقاعد وبدون مشاكل وصدق من قال أنها طبيه

ويوم من الأيام في الوكالة جيت وحصلت مقعد السائق باقي شوي ويحب الدركسون

وصدقني وماحلفتني أسبوع وانا احاول ارجعها مثل قبل بالوضعيه المريحه وماقدرت واحلف بالله أطلع مشوار ساعه وانا ارجع بالمقعد وأقدم وأرجع وأقدم وطفشت وخليته

وهذا القهر المفروض يكون في ذاكرة للمقعد

المهم وضع المقعد كان مش مضبوط وسبب لي وجع في ظهري بعد أي مشوار لأن وضعيته كانت ملخبطه

وطبعآ بعد يمكن 30 محاولة قدرت أضبط المقعد بالوضع اللي يعجبني والحمدلله ولا أريح وطلعت عليها الرياض وطبعآ كانت أول سفره بعيده على الأكورد والحمدلله

1- ماحسيت بالطريق

2- وصلت بدون تعب

3- أشهد أنها طبيه

4- ان شاء الله تضبط معك الوضعيه وراح تدعيلي :)

وعليكم السلام
شوف أخوي بالعكس أنا أشوفها مريحة وعادية تدري ليش الشباب يقولون مهي مريحة لانه بكل بساطة كل الشباب لا شفتهم تلاقية منزل مرتبة الظهر لاخر شيء أو النص وعشان كذا يتوجع من ألم الظهر والوضعية السليمة للمرتبة هي تكون مستقيمة وأكبر دليل شوف الشعب الأجنبي كيف مرتبة سياراتهم وكيف ظهرة مستقيم وتلاقي عمره فوق الــ50 ويمشي والظهر مستقيم ولا وجع ولا غيره أما عندنا الواحد لما يوصل الــ40 تلاقي ظهرة مايل وكل هذا من عدم الجلسة الصحيحة وأرجواء تكون وصلت المعلومة وأغلب الشباب لا قلت له زين مرتبتك قال ليش سواق ما يدري أنها أريح له ولظهرة أنت جربها وشوف .

أزيد على كلام الأعضاء روح على الوكاله واركب السبشل وبعدين اركب الفل وشوووووووف الفرق
حتى أذكر واحد من الشباب جرب المقعدين بالوكالة ولقى الفل أريح سأل اللي بالصالة قالو له الفل لها وضعية خاصة بلا بلا لا بلا...
المووووووووهم إن مقاعد الفل مو بس نوعية القماش اللي تختلف في أشياء ثانية أحسن وأفضل ....
تقبل مروري

اخواني اشكركم جميعا على تفاعلكم مع الموضوع .. صراحة هذي فائدة المنتدى الروعة مشاركة بالخبرات عشان الكل يستفيد ...

انا إلى الان مصر ان مقاعد الاكورد غير مريحة وهذا راى كذا شخص عنده اكورد اعرفه شخصيا .. مع اني ما احب انزل المرتبة على ورى بالعكس دائماً اخليها مستقيمة ..

على العموم اشكر الجميع وبسوي زي ماقال بعض الاخوة بلبس المقاعد مخمل بالرغم من جمال وروعة ((شكل)) مقاعد الاكورد وحسافة اني بلبسها.. لكن تجربة ..

من ناحية طبيه مادري عنها بصراحه لكن من ناحية الراحه انسى الراحه يا ابني انا انسان ما ارجع المرتبه لاخر شي اخليها شوي راجعه وتلاقي ظهري لما اطلع في السيارهـ مشوار يألمني

في حاجه كنت بقولها ونسيت

ركب معي واحد من الشباب وسافرنا على سيارتي قبل كم يوم والرجال صاحب بي ام دبليو وأكيد مثل ماتعرف هم أهل الراحه مع الأبداع الألماني.

والحمدلله هذه ثالث مره يقولي مريحه السيارة ومقاعدها أريح :)

باختصار مقاعد الاكورد طبية

تحياتي لكـ

جربها في خط طويل وتعرف الفرق بينها وبين اي سياره من فئتها

سافرت على صابونه من الخبر للرياض

وليتني ماسافرت

تكسر ظهري

مع ان الاكورد كرفتها خلال السنين الي راحوا بمعدل كل اسبوعين الى ثلاث اسابيع امسك خط الشرقيه الرياض

والحمد لله راحه ولا احتاج اني انزل من السياره بالمحطه او زي كذا

كلام الشباب صحيح
مراتب الاكورد صحيه 100% لكن اضبط الوضعيه بس
لو فيها بس تكييف للمراتب كان جنااااااااااان
والحمدلله حتى في السفر ماتحس بالتعب ابد بعكس الكامري اللي كانت معي كنت ما اصدق اني اوقف اعبي بنزين عشان اريح ظهري شوي
الله يحفظك ياالملكه

ترى مقاعد الاكورد مريحة وهي تحس انها قاسية عشان الظهر لو تلاحظ الاطباء ينصحون دائما باسناد الظهر على شئ قاسي

أخي الكريم

راحة الظهر تتطلب ان يكون وضع الجلوس صحيحاً

انت تقول انك حاط المقعده في وضع مستقيم وهذا لوحده مايكفي

هل جلوسك ووضع ظهرك ايضا مستقيم ام مائل؟؟

هنا يكمن الفرق!!

شكرا

السلام عليكم
اخوي الشباب كلهم اتفقو انها مريحة وطبية
واكيد الشباب اعطوك امثلة كثيرة وانا واحد من اللي يسافر كل اسبوع ما يقارب 1000 كيلو رايح وزيهل راجع يعني اسافر مكة الرياض اسبوعيا
وما كنت احس بالتعب مثل ما كنت قبل بالسيارة اللي قبلها
والدليل انها طبية 100%
تحياتي

هذا الموضوع تحديداً لفت انتباهي لأنه يهمني جداً، وأنا لا أعلم إذا كانت هذه فعلاً مشكله تعاني منها سيارات هوندا أم أنها في بعض طرازاتها فقط.. بالنسبه لي وبكل صراحه ما جربت كراسي الأكورد (أقصد لمسافات طويله).. ولكن عندنا هوندا جاز 2007 (فل كامل) لزوجتي والله العظيم كراسيها تذبح لدرجة إنه زوجتي طلبت مني اتروح شغلها بسيارتي لأن الجلوس في الجاز وخاصة لمسافات طويله لااااااا يطااااااق.. وأنا الحين أفكر جدياً أبيعها لهذا السبب فقط !!

ايه والله صدقت اسم الراحه مو موجود كأنك قاعد على صخرهـ والمشكله يعني يقولو طبيه اي طبيه انا امسك فيها خط ساعتين ينكسر ظهري