صوت مزعج في الاكورد..ممكن مساعدتكم اخواني..

السلام وعليكم اخواني اعضاء منتدى محبي الهوندا ..

انا عندي في سيارتي الهوندا اكورد 2003 سلندر 4 صوت مزعج طالع من عند المكينة(تقريبا على يسار المكينة)

بس الاكيد الصوت مو من المكينة ..

لانه الظاهر الصوت مكان البور او الكمبريسر او في هذه المناطق تقريبا..

ووديته عند ميكانيكي قال لي الصوت يمكن من ميزانية السير..

وخذيت من الوكالة الميزانية وسير وكالة بس بعد الصوت موجود لحد الحين ما تغير..

بحط لكم مقطع للفيديو واللي عنده اي فكرة يخبرني وجزاكم الله خيرا ..

[ame]http://www.youtube.com/watch?v=g6xlCuCwGg4[/ame]

اخوي انا شفت الفيديو بس لاحظة صوت طقطقه وكمان صوت حنه قويه الطقطقه يمكن من صوت الفديو واظن انك ما تقصد هذا الصوت اما الحنه هذي صوت في احد رمانات البلي يا انه حق الكمبرسور او حق الدينمو والطريقه عشان تتاكد فك السير وشغل السياره اذا راح الصوت اعرف انه من احد الاشياء اللي قلتها اما اذا ما راح اعرف انه من شداد سير التيمن وانتبه له لانه اذا انقطع السير راح يسبب لك مشاكل كثيره وسؤالي متى غيرت سير التايمن مع الشداد حقه اخوي لازم تتاكد من الصوت ولا تهمله نهائيا

وعليكم السلام ورحمة الله وبركاته

والله ياعزيزي الصوت قلق :)

طبعآ الفيديو صاير مزعج وأصوات ملخبطه وماتدري من وين الصوت الأكيد

يعني مثلآ في البداية تلخبطت وطلع معي عدة اصوات وهي

1- تحتاج قازقيت للقزوز

2- كأن فيها صوت بلوف وتحتاج وزن مع فحص جلد البلوف

3- هنا المشكلة ممكن تكون بكرة الكمبريسور وممكن من البكرات الثانية وممكن وحده من البكرات تحك في شي وممكن ......الخ

المشكلة تحتاج ورشة مضبوطة بالأمارات عندهم خبرة بالهوندا علشان يعطيك الخلل وسبب الصوت

كل الشكر لكما اخواني فواصل جدة والمباشر على التعقيب والشرح الجميل ..

انا اليوم لفيت على عدة كراجات ميكانيكيا .. وتقريبا اغلبيتهم اتفقوا على انه الصوت طالع من البور ..

وعليكم السلام ورحمة الله وبركاته

الصوت يتهيأ لي انه من طرمبة زيت الدركسون بس عندي كم سؤال :

هل عليها آثار تهريب زيت ؟
تلاحظ ان الصوت مرتفع اكثر اول ما تشغل السيارة في الصباح ؟
تحس بثقل او مشاكل في الدركسون ؟

أخي الكريم إذا كان الصوت مثل ( غليان الماء أو تقلبه ) فالله أعلم أن السبب من علبة زيت الباور ، تاكد من مدى امتلائها أو إذا كان هناك آثار انسكاب زيت من العلبة.

اقتباس:

---

المشاركة الأصلية كتبت بواسطة b unique

وعليكم السلام ورحمة الله وبركاته

الصوت يتهيأ لي انه من طرمبة زيت الدركسون بس عندي كم سؤال :

هل عليها آثار تهريب زيت ؟
تلاحظ ان الصوت مرتفع اكثر اول ما تشغل السيارة في الصباح ؟
تحس بثقل او مشاكل في الدركسون ؟

---

نعم ياخوي عليها اثار تهريب زيت ..

اما بخصوص الدركسون ماحس فيه اي مشاكل او ثقل ..

العلبة اذا فيها تهريب ما يطلع صوت مثل كذا


المشكلة نفس مشكلة صوت البلوف واللي المفروض تنوزن كل 100000 كيلو


وغيره ممكن الكمبروسور يطلع صوت مثل كذا اذا كان شغال


لكن الواضح انها بلوف


هذا محرك K20 مثل تقنية الهوندا اكورد اللي عندك وعنده صوت البلوف وهو نفس الصوت اللي عندك تقريبا ويحتاج وزن بلوف


http://www.youtube.com/watch?v=JOmBbD1aJME

وهذا فيديو ثاني لنفس السيارة والصوت اوضح ونفس اللي عندك



http://www.youtube.com/watch?v=xk9-TesjybA

كل الشكر للاخوان على مرورهم الكريم لمساعدتي في مشكلتي ..

الحمد لله عالجت مشكلة هذا الصوت المزعج بعد صراع طويل معاه ..

المشكلة انه اغلبية الاراء اتفقت ان الصوت مصدره من البور.. خاصة اني لفيت على ورشات ذو خبرة طويلة ..

المهم في احد الايام وانا رايح الدوام فجاة سمعت الصوت تغير ..

وقفت وفتحت البونيت شفت بيرنج متاكل ومكسور وطايح عند البور ..تاكدت عقب انه الصوت من البور(يباله تبديل بيرنج)

رحت لاحدى الورش في راس الخيمة واسمه ( كراج الشباب)

وقالوا لي لازم نفتح البور بالكامل ونبدل البيرنج ..

ورحت للوكالة واخذت كيس خاص للبور بداخله البيرنج والسيل والربلات ..

المهم الميكانيكي شغله كان مضبوط مية المية ..

فتح البور قطعة قطعة وبطل كل الربلات والسيل والبيرنج وبدلهم بالجديد ..

هنا بالصورة الظاهر البيرنج باللون البرتقالي بعد تغييره ..

http://www6.0zz0.com/2009/12/29/22/440347497.jpg

وهنا تركيب البكرة على البور بعد تركيب البيرنج ..

http://www14.0zz0.com/2009/12/29/22/894487975.jpg

والحمد لله اختفى الصوت تماما ورجع سيارتي نفس اول واحسن ..

والبور استيرنج ما تاثر ابد ..نفس اول ولله الحمد..

ومشكوووين يا اخوان عالمساعدة بيض الله ويوهكم ..

مبروك عليك الاصلاح ياغالي .


بس ما تقول لنا وينه المكانيكا هذا وكم صلحها لك مع المخرطة ؟

اقتباس:

---

المشاركة الأصلية كتبت بواسطة accord_2003

رحت لاحدى الورش في راس الخيمة واسمه ( كراج الشباب)

..

---

اقتباس:

---

المشاركة الأصلية كتبت بواسطة سياحي

مبروك عليك الاصلاح ياغالي .

---

اقتباس:

---

المشاركة الأصلية كتبت بواسطة سياحي

بس ما تقول لنا وينه المكانيكا هذا وكم صلحها لك مع المخرطة ؟

---

أقرأ يارجل وتراه في الامارات يعني ماراح تستفيد انت بالسعودية والورشة بالامارات

مبررررررررررررررروك عليك يا كابتن...
يعطيك العافيه...
الحمد لله طمنتنا عليك...
الله يسعدك...

السلام عليكم ورحمة الله وبركاته
انا عضو جديد هنا وهذي اول مشاركه لي
اصوت هذا من بعد الامطار في جده وسيول
صوت طقطقه
وسويت غسيل مكينه وغيرت رمان الدينو مكيف الي تحت وفلتر الزيت
ومازل الصوت طقطقه ارجو المساعده وشكرا
والصوت تقريبا نفس الي عند
accord_2003 http://www.hondaarabia.com/club/imag...er_offline.gif
عضو

اقتباس:

---

المشاركة الأصلية كتبت بواسطة ابوعيدالله

السلام عليكم ورحمة الله وبركاته
انا عضو جديد هنا وهذي اول مشاركه لي
اصوت هذا من بعد الامطار في جده وسيول
صوت طقطقه
وسويت غسيل مكينه وغيرت رمان الدينو مكيف الي تحت وفلتر الزيت
ومازل الصوت طقطقه ارجو المساعده وشكرا
والصوت تقريبا نفس الي عند
accord_2003 http://www.hondaarabia.com/club/imag...er_offline.gif
عضو

---

لو تنزل مشكلتك في موضوع جديد يكون أفضل ياعزيزي :cool:

اصوات الطقطقة لها مسببات كثيرة


ومنها المكيف والبلوفات مثل ماهو في المقطع فوق وايضا الرمانات الخاصة بالبور والدينمو لكن نادر ما تحصل طقطقة بل تسبق خراب هذه الرمانات بالونة العالية الصوت

تسلم يا بعدي اكوردي