استفسار عن العكوس

السلام عليكم كيفكم
بدخل في الموضوع واحد من أخوياي قابلته أمس يقول مشكلة هوندا سيفيك العكوس
وأن أكثر الحوادث الله يبعدها عنا لسيفيك بسبب العكوس فقال لزم كل ثلاث شهور
تقريبا تشيك على العكوس وأنا سيارتي سيفيك 2006 ولا شيكت عليها نهائيا
فحبيت أعرف هل فيها مخاطر وأبغى أعرف سعرها في الوكاله أذا أحد يعرف لا يبخل
علينا بمعلوماته وأسف على الأطاله

وعليكم السلام ورحمة الله وبركاته

العكوس مافيها أي مشكلة وتجلس معك سنين مش شهور وعلى حسب أستخدامك
المهم ماعليك من احد وأعرف ان العكوس تحتاج تبديل اذا طلع صوت القرقعة أو الطقطة وانت ماخذ فوق تحت أو مع اي لفه

والأهم انك تشيك على الجلد تبع العكوس ماتكون مقطوعة علشان مايدخلها وصخ وتنعدم او يصير فيها تهريب

وطمن بالك وتوكل على الله وأمورك طيبه ان شاء الله :)

ولا ازيد علي كلام اخوناا المبااشررر كلام سليم صراحة

مشكور أخوي المباشر والله يطمنك بالعافيه لكن ما تعرف سعرها في الوكاله

انا اليوم صارت معي المشكلة هذي في العكس اليسار ..:d

هوندا اكورد 2007

لفيت يمين طلع صوت طقه .. بعدين لفيت يسار طلع صوت طقة .. بعدها يوتير وماامداني اديور الا وقفت بنص التقاطع طلع صوت طقه مرهـ تعور القلب وثقل الدركسون وصارت تطلع صوت احتكك شوي وابكي من الصوت خخخ ..:(:d

المهم رحت للوكالة فوق سطحة لان السيارة خلاص ماتمشي مرررهـ حتى اذا شغلتها تطق طق طق طق << علينا توضيح .. قالي نغير لك العكس كامل كلة قلت وبكم .. قال 2400 او 2300 احدى السعرين هذي ..

يسار فقط ..

قلت طيب وخر .. واخذها للصناعية القديمة اليرموك .. واحد من الشباب وصفلي ايها الله يجزاهـ خير..

واروح قال نغيرها لك القطعه شغل اليد 100 ريال .. وانت عليك القطعه .. قلت الوكالة يقول اغيرها كامله ..

قال لي احفظ اربع كلمات قلت زين قال 1_ راس 2_ عكس 3_خارجي 4_يسار :d

قال سوري عندهـ ملكع .. قال يابو احمد الروس كثيرة اي راس تبي ههههههههه حسيت المصري توهق ماعرف يرد خخخخ:d

وامر محل جنبهم وقال القطعه بـ1000 اصلي .. وفيه تجاري صيني وياباني ..

قلت عطني اليباني وسعرهـ 240 ريال ..

وكلفتني يعني 340 ريال ..

وارجع للبيت واتندم اني ماغيرت العكس اليمين .. احس فيه مشكله بعد دقه خفيفه ..

وبكرة ان شاءالله وانا عندهم اركبها ..

تمشيية حالي كم شهر الين اركب اصلي .. وسلااااااااااامتك .. هذي كل القصة ..

بالنسبة للسيفيك .. ماادري عنها .. بس للاحتياط وعشان مايعورك قلبك مثلي اليوم ..
حاول تسوي تشيك عليها كل فترهـ تشيك ..

وقال لي ابو احمد المشرف حق الورشة .. قال بعض الشباب ياخذ اللفات على سرعه وهذا تأثر على العكوس .. لان الاكورد دفع امامي ..

لو خلفي مو مشكلة ..

وتحياتي للجميع

يعطيك العافيه أخوي مجودي والله يعينك لكن أجل الوكاله غالي 2300 عكس يسار بس غالي
أنا الحمد لله ما فيه أصوات ولا شي لكن من باب الحيطه والحذر ويعطيك العافيه على المعلومه

مساء النوورر

هذي اول مشاركة لي في هذا الموقع المتميز:)

بالنسبة لسوالك

انا كانت عندي مشكلة في طقه مع كل لفه

ومن اقل لفه تفحط السياره تفحيط خفيف :(

رحت عند صاحبي وقال لي جيب ((جولب)) مقصات

ومن بعد ما ركبها وربي احسها غير سوقتها صارت احلى :cool:
حتى اخذ لفات جامده وانا مسرع وما شا الله

وهي ما تخرب الا من كثرة الحفر و المطبات

اتمنى اني اكون افدتك
انا جاوبتك حسب ما فهمت

والاسعار ما عندي علم بيها :confused:

مشكور أخوي وحياك الله في منتدى محبي سيارات هوندا وأنشا الله
تفيد وتستفيد

كلام سليم مية بالمية