كفرات ( تويو ) من مركز رد كاب + تقرير كامل

السلام عليكم ورحمة الله وبركاتة

حياكم الله يا أعضاء وزوار

منتديات محبي هوندا:)

أتمنى أن يعجبك هاذا التقرير

أنا أوريد وأنت تريد والله يفعل مايريد
كانت العيون موجه على كفرات تورنزا ( جي أر 80 )

لاكن الكفر ماعليه خلاف أبداً وممدوح من المشرفين الغالين والمجربين
لاكن لابد من منافس في السعر والجوده العاليه

وبعد الأستخاره والمشاوره
أتجهت الأعين على كفرات جميلة جداً جداً
إلا وهي TOYO ( تويو )

نوع الكفر : PROXES ST01

أختصار لنوع الكفر : PXCT1

مقاس الكفر: 16_55_215
97W

http://up.alhilalclub.com/uploads/sa...9112009374.png

وتم التركيب اليوم الأثنين ولله الحمد
في مركز رد كاب في الرياض

ميزة الكفرات:
1_ ثبات في الطرق

2_ راح في الطرق الطويله ( السفر )

3_ شبه أختفاء في أصوات عيون القطط

4_ السرعه القصوى 270

5_كفرات مريحه في المطبات ولينه

6_ العجيب أن جميع مواصفات الكفرات AA

إلا هاذي AAA >>> وهاذا يدل على أنها علية الجوده

و و و و ومواصفات كثيره جداً

جاري تركيب الكفرات ...:)

http://up.alhilalclub.com/uploads/sa...9112009378.jpg

جاري ترصيص الكفر ....:)

http://up.alhilalclub.com/uploads/sa...9112009379.jpg

تم تركيب الكفر :cool:

وشف ماشاء الله شكله الجميل العرض المناسب:o

http://up.alhilalclub.com/uploads/sa...9112009382.jpg

صوره لقسم الكفرات في مركز رد كاب:rolleyes:

http://up.alhilalclub.com/uploads/sa...9112009384.jpg

صوره لقسم الجنوط ...:rolleyes:

http://up.alhilalclub.com/uploads/sa...9112009387.jpg

سعر الكفرات : 1470 ريال

كل هاذي المواصفات وبسعر معقول جداً:eek:

تجربتي بعد مع كفرات ( تويو ) :

والله ياشباب حسيت براحه كبيره جداً:)

بهاذا الكفر وخاص عند المطبات والمنعطفات

وكأنه يمتص الصدمات الأرض وما تحس بها :d

أي سأل أنا حاضر:)

ألي أعجبه الموضوع يحط شكراً

يعطيك الف عافيه عالتقرير الراائع

بصراحه ماجربت التويو قبل كدا

بس انا مجرب اليوكوهاما ومن جد اتفاجأت بكفراتهم

شكرا

يعطيك العافية على الموضوع...

وكفرات تويو ماعمري جربتها ولا عمري حتى فكرت اجربها...

بس بكلامك خليتني بعد كدا اجربها...

اخوي سعر الكفر : 1470 ريال:eek:

كل هاذي المواصفات وبسعر معقول جداً


ولا كل الكفرات :eek:

اقتباس:

---

المشاركة الأصلية كتبت بواسطة sss

اخوي سعر الكفر : 1470 ريال:eek:

كل هاذي المواصفات وبسعر معقول جداً


ولا كل الكفرات :eek:

---

طقم كامل 4 كفرات:)

سعر الكفرات : 1470 ريال:eek:

^^^

ارسى على بر يا أبو نايف

الكفر الواحد بـ 1470 يعني 4 كفرات بـ 5880 ريال

والا سعر الطقم كامل بـ 1470 ريال

:)

^^^^^^^^

أبشرك رسينا على بر

طقم ( 4 كفرات ) = 1470 ريال سعودي فقط لا غير:d

طيب أزعاج الكفرات ., هل خف ., ولا لا .,
وكم نسبه الانخفاض ., تقريبا .؟!

اقتباس:

---

المشاركة الأصلية كتبت بواسطة AHN

طيب أزعاج الكفرات ., هل خف ., ولا لا .,


وكم نسبه الانخفاض ., تقريبا .؟!

---

خف بشكل رهيب

بنسبة 100%:cool:

معاد فيه أي صوت غير صوت المكية والهواء:)

والله جنني الكفرررررررررررر ومحتااااااار من جد سألت اليوم عن الترانزا بريجستون حصلته 350 مع التركيب للكفر الواحد
وبدون تركيب 340 والحين يمدحو تويو والسعر للوحده تويو طلع 370 تقريبا ......
بس سوااااااااااااال هل التويو مدته اطول يعني مايمسح بدري
مع العلم انه عندي كفر الوكاله موديل 2006 دنلوب الخلفي والامامي برضه دنلوب وغيرته من سنه وثمانية شهور
طبعا الخلفي لازال ممتااااااااز وهو حق الوكاله اما الامامي واللي انا ركبته مسحححححححح ...
طبعا اليوم رحت سألت عن الميشلان كمان يقولو مافيه فرنسي اللي موجود في السوق ايطالي استغربت طبعا افضل شي الفرنسي
طبعا فيه واحد مدحلي الكومهو دعسه ناعمه وجديد السعر 240 بس ماارتحتله.....

ابغا خدمه بسييييييييييطه ذكر اجود انواع الكفرات بالاولويه اذا ماعليكم امر طبعا انا ماني حق تفحيط ومطارحات امشي من جنب الحيط
واقول ياكافي هههههههههههه وشي مايطلع ازعاج لان الدنلوب اللي ركبته اكل مخي بالصوت......

عندي سؤال الله لا يهينك
كفرات تويو هذي نايلون ولا سلك
إذا كانت نايلون بعد فترة من الإستخدام وإذا وقفتها لمده طويله (أكثر من يوم) راح تحس بطبطبه أول ما تمشي لين تلين.
وإذا كانت سلك في أقل راحه وتعمر أكثر مع العلم إن أغلب الكفرات تجي مخلوطه بين النايلون والسلك.

يعطيك العافية على التقرير والمجهود الرائع ومشكور وماقصرت والله يجعلها في موازين حسناتك

بيض الله وجهك والله يهنيك فيها

وصراحه اني جربت التويو والله اني ارتحت من الازعاج والمطبات

بس وش صناعه كفراتك

شكرا اخووووي على الموضوع
ثاني شئ نعطيك فترة 6 اشهر تجربة وبعدين عطنا مرئياتك عن التويو
لأنك توك مركبه
لكن عن نفسي والله مااغير الابريدجستون تورنزا جي ار80(سعر الكفر الواحدة ب520 ريال وتستاهل كل ريال تدفعه فيه)
لأن من جد هدوووووء
من جد ثباااااااات
من جد راااااااااحة
وبيني وبينك من شفت جهاز الترصيص والكرتون اللي تحت >>>>>>ماعندك احد
روح شوف بريدجستون(الطلائع):
1- حسن ضيافة ...شاي وعلوم زينة
2-نظاااافة بالمحل
3-ترصيص على مستوى
4-نتروجين >>>>تخفيض
5_ضمااااااااااااااااااااااااان وهو الاهم
تقبل مرررروري وبالتوفيق

اقتباس:

---

المشاركة الأصلية كتبت بواسطة ابو ظافر الشهري

بيض الله وجهك والله يهنيك فيها

وصراحه اني جربت التويو والله اني ارتحت من الازعاج والمطبات

بس وش صناعه كفراتك

---

يباني 100%:cool:

مجهود رائع ابو نايف , عسى الله ان يبارك لك فيها ويبعدك عن كل شر

تساهل التثبيت لفترة ;)

مبرووووك ابو نايف .. وان شاءالله ماتشوف منها اي عيوووب ..

بس لو تحط وصف المحل اللي ركبتها عندهـ اكون لك شاكر ..

لان كفراتي منتهيه خلاااص تقول ارحمني ..

من واقع تجربتي للتويو فترة سنه وشهر تقريبا ..

كل كلام الأخ ابو نايف صحيح .. وبتلاحظ الفرق أكثر اذا كنت مركب قبله ميشلان .. لأنك بترتاح راحه رهيبه من ناحية الصوت ,,

لكن ,, !!

بعد مامشيت على التويو سنه وشهر مثل ماقلت ( حدود 50000كم ) تبين أن التويو صاحب عمر أقل من الميشلان بالنسبه لتجربتي انا ,,

يعني الحين الكفرات عندي كلها ممسوحه وتحولت النعمه الي كنت فيها ( الهدوء :d) الى ازعاج ..

بعكس الميشلان الي كان يخدمني الى سنه و8 شهور تقريبا بدون ماينمسح ,,

لكن يبقى الكفر ممتاز الى حدا ما <-- تتعبون على الجمله :d


تشكراتي لك يبو نايف على التقرير الحلو

تقبلوا مروري :cool:

يعطيك العافية وما قصرت مجهود طيب

ماقصرت يابو نايف .. بتبيع الكفرات ترا خابرن لك زبون >>مامداااها

انتبه بس من التفحيط وحركات كوذه وكوذه >>:d

اقتباس:

---

المشاركة الأصلية كتبت بواسطة king

مجهود رائع ابو نايف , عسى الله ان يبارك لك فيها ويبعدك عن كل شر

تساهل التثبيت لفترة ;)

---

تسلم والله هاذا من طيبك

اقتباس:

---

المشاركة الأصلية كتبت بواسطة هيموالمسعودي

شكرا اخووووي على الموضوع
ثاني شئ نعطيك فترة 6 اشهر تجربة وبعدين عطنا مرئياتك عن التويو
لأنك توك مركبه
لكن عن نفسي والله مااغير الابريدجستون تورنزا جي ار80(سعر الكفر الواحدة ب520 ريال وتستاهل كل ريال تدفعه فيه)
لأن من جد هدوووووء
من جد ثباااااااات
من جد راااااااااحة
وبيني وبينك من شفت جهاز الترصيص والكرتون اللي تحت >>>>>>ماعندك احد
روح شوف بريدجستون(الطلائع):
1- حسن ضيافة ...شاي وعلوم زينة
2-نظاااافة بالمحل
3-ترصيص على مستوى
4-نتروجين >>>>تخفيض
5_ضمااااااااااااااااااااااااان وهو الاهم
تقبل مرررروري وبالتوفيق

---

كلامك 100%

إلى درجت أني صورت الكفرات مع بعض إلي هي التويو ألي ركبتها و البرجستون

بس بعد توفيق الله ركبنا تويو وخاصه هاذا النوع

ما من ناحية المحل فالمحل فخم جداً ولا أمداني أصور جميع مافي المحل بسب دقت الكمره

أما من ناحيت الترصيص مايمهني ترصيصهم

لأني بوديها العضيب أو اليرموك أو المجد

بسوي ترصيص أرضي على سرعات عالية جداً تصل إلى 160_170

والنترجين عندهم بعد

والكفرات عليها ضمان

وتاريخها 2009

مشكور على المرور ياغالي

ابو نايف الله يعطيك العافية وان شاء الله تتهنى فيها
وماتشوف فيها الا كل خير

كفرات تويو من أحسن الكفرات بس فيها عيب واحد
انها بعد حوالي شهرين تصير قاسيه

اقتباس:

---

المشاركة الأصلية كتبت بواسطة عبودي 2009

كفرات تويو من أحسن الكفرات بس فيها عيب واحد
انها بعد حوالي شهرين تصير قاسيه

---

أما تصير قاسية لعبه هي

يشيخ معي ضمان لأرجع عليهم وحوسهم >>> :mad: >>> مسوي عصبي:p