مساعدة متى أعرف الفحمات خلصت أو لا
السلام عليكم يا محبي هوندا
بدون مقدمات بصراحة عندي كذا سؤال أتمنى أحد يفيدني من ذوي الخبرة طبعآ اكورد 2009
قبل أشتري الاكورد كنت من مرتادي هذا النادي أبي أعرف السيارة ينغزا بها ولآ أهون وأدور غيرها المهم
العيب إللي يشتكي منه أكثر الشباب إللي هو إهتراء الفحمات الخلفية و بعد ماشريت السيارة بأربع شهور وأنا
متحمس لتغيير وشاري فحمات خلفية و ناطلها بالشنطة والان مشت معي 20 الف ومالاحظت صوت اللهم
على السرعات العالية أحس الهوب يحتر او يحتمي ويسوي لي رجه و يصدر صوت بس السؤال كيف أعرف
الفحمات إنتهت أو باقي فيها عمر لأني أشوف الفحمات من برا مع فتحات الجنط يعني حليوه تمشي بس من الداخل مدري وقريت قبل
كذا موضوع لأحد الاخوان أن وحده تخلص بسرعة وحدة يبقى فيها عمر ياليت أحد يعطيني إجابة لأني مابي أخرط هوبات
السؤال الثاني
الفحمات الامامية كم تجلس تقريبآ مع الناس المتوسطة يعني على حسب المزاج إذا تعكر كرش امها وإذا روق
حافظ عليها وأنا من هالنوع لأني كل يوم أوسوس هاه صوت لالا عادي الفحمات خلصت الهوبات لا تخرب يعني
وسوسه
آخر سؤال
سمعت ان الدودة تخرب خاصة بموديل 2008 وطالع هل هو صحيح أو كلام
شاكر لكم مروركم أخواني محبي هوندا لا تبخلوا علي بأي معلومه
