عرض للطباعة
السلام عليكم ورحمه الله وبركاته
مساء الخيرات للجميع
شخباركم انشالله تمام واموركم كويسه
اخوانى ودى اعرف السيرفس ال 80000 لازم ادخل السياره الوكاله وماهى القطع الى يستبدلونها لو تكرمتو
لانى والله محتار بتعطل يوم وادفع فلوس على الفاظى اذا فيه شي يستاهل تغيير تكفون علمونى
في انتظار ردودكم
تقبلو مرورى واسف عالاطاله.:rolleyes:
انتطر ردودكم
ملفك يشير الى : اكورد v6
سعر الصيانة : 80 الف / 755 ريال وزيادة اذا وجدت اعطال خارج التسعيره
نوع الصيانة : مهمه جدآ ويفضل عملها بالوكالة لحساسية السيارة حيث انها سته سلندر وفيها اختلافات عن الاربعه
معلومات الصيانة :
1- تبديل زيت الماكينة والفتر
2- فحص الصمامات
3- تبديل صفاية البنزين
4- تبديل البواجي
5- فحص السيور وتبديلها ان احتاجت التبديل
6- فحص الفرامل والزيوت وتبديل مايلزم عند الحاجة ولها تكلفة اضافية عن السعر المذكور
7- تبديل فلتر الهواء
8- فحص التوصيلات وخطوط الفرامل ويشمل الفرامل المضادة للغلق وكل محتوى وحالات السوائل ونظام العادم والتوصيلات وخطوط الوقود وأي اشياء أو ملاحظات خاصة لديك لخرابات معينه.
النتيجة : ودها الوكالة
اتمنى اختيار القسم المناسب عند وضع الموضوع
ينقل لقسم الاكورد
:)
طييييييييييييييب والــ 4 سلندر ؟؟
وعليكم السلام ..
يا هلا فيك اخوي ..
بما انك 2008
اذا السيارة ما فيها شيءْ ،
نصيحة لك غيّر الزيت والفلتر وتوكل على الله ..
التغييرات اللي قالها لك أخوي المباشر أغلبها في فحص الـ 100,000 ألفْ ..
بالتوفيق ،،