طرمبة دركسون واه من الطرمبه !!

السلام عليكم
الطرمبه عندي تهرب ولها فتره والحقيقه كنت بغيرها بس انصدمت بسعرها بالوكاله 2200 بعد الخصم ..
ياليت القى تشليح او احد يخبر لي حل للتهريب من دون تغيير ..
انا في القصيم وياليت تفزعوا لي لاهنتم ..

الله يعينك
بس أنا من رأيي اذا ما قد غيرت لي الدركسون غيره على الضمان قبل لا تغير الطرمبه

ما تدري يمكن البلا منه الي فحصلك الموتر مايدري وين الله حاطه (ما يثق بكلام الورش)

شكراً حبيبي
بس انا غيرت (لي) الطرمبه قبل فتره بسيطه والتهريب موجود وواضح انه من الطرمبه ..

طيب حدد موقعك عشان الاعضاء يفيدونك بالتشاليح الزينه والرخيصه ويفيدونك بعد بالورش الي شغلها طيب

انا بالقصيم ..
ومشكور على اهتمامك يالغالي

انا كان عندي تهريب مثلك قبل فترة ورحت سألت كثير
اللي يقولي علبة واللي يقولي لي واللي يقولي طرمبه
في النهايه سألت واحد سعودي في قطع غيار الوكالة
ووصفني على ورشة متخصصة بالهوندا
واللي فيها معلم فآآآهم ماشاء الله لانه سبق واشتغل بالوكالة
وقالي هذا التهريب من فوق ويبغالك اصلاح علبة
ورحت جبت اصلاح بـ120 وشغل يده بــ200
واعطاني ضمان ع التهريب والحمدلله الى الان مافيه اي مشكلة
خلاصة الكلام.. تأكد انه اذا كان التهريب من فوق ممكن يبغاله اصلاح علبة وتنتهي المشكلة ان شاء الله

قطع اصلاح للطرمبة أصلية وكالة + شغل يد إصلاح



اعرف ورشه كويسه بالصيانة عموما : ( بالقصيم - بريده )


مر على القافله لصيانة السيارات ( صناعية السليم )

وشف وش يقولك :confused:

بس ممكن ما يصلحوها لك يرفضون وممكن يصلحونها لك

طبعا كّلم المهندس :d حق الورشه ( مصري)

وخذ ضمان اذا رفض حاول فيه

^^
ترى ما اضمنها لك مدري عنهم بالنسبة لإصلاحهم الدركسون والخ ...

لكن باقي الشغلات تمام

طبعا انتبه منهم ومن أي ورشه لا ينصبون عليك

زي ماقلوا الشباب ما قصروا

يمكن تحتاج بس اصلاح للطرمبة اصلية وتنتهي المشكلة

وان كان لابد من تغييرها

ما انصحك ابد تشتري من التشليح

اكيد بالتشليح ارخص من الجديد

بس مرح تستفيد شي رح تشتري وحدة مستخدمة اربع سنوات
مو جديدة ويمكن ما تعيش معك الا فترة بسيطة وتخرب
وترجع تصلح لين ما ترجع تشتري جديدة
وبكذا تكون خسران تكاليف زيادة ووقت عالفاضي

قطع زي هذه نادر تخرب ما انصحك تشتري الا جديد ولو كانت ب 2200

ركب جديد وريح راسك

الله يعينك ويعين الجيمع

تحياتي