عرض للطباعة
السلام عليكم :)
اخواني الله لا يهينكم ممكن احد يشرحلي بالتفصيل الممل طريقة استخدام القير الاوتوماتيك
لاني بصراحة ما عمري قد استخدمت نمره 3 و 2 و 1 وما اعرف متى استخدمها هل
عند الطلعات ام النزلات ؟؟
وهل قير الاوتو يختلف من سيارة لسيارة ؟
تكفون يالذيابه انتظر ردكم ضروري ترى اخوكم "شبه" غشيم :d
طريقة الاستخدام موجودة في كتيب المالك ومكتوبة بالعربي وبالتفصيل الممل :)
اذا ما عندك الكتاب شف اقرب واحد من اخوياك واقراة ..
المختصر المفيد فية //
اذا انك في طلعة جااامدة .. حطة على d3 او d2 حسب الوضع المناسب ،
واذا انك في نزلة اليييييمة نفس الشي ..
واذا انك مسرع والفرامل ما خدمتك بالشكل المطلوب ابدا بالتدريج d3 ثم اصبر شوي مع الفرملة ثم d2 ..
التفاصيل اكثر في كتيب المالكـ ..
تمنياتي لكم بقيادة آمنة //
الف شكر لك يا حبيبي ع الرد وجزاك الله خير :)
يارجل قلب وجر ب وحوس وحط الين تزبط معك;)
وفي النهاية بتدرس الي مايعرف يعشق هههههههههههها
بس أهم شي إذا جيت توقف لا توقف على طول عالقير
بعد الوقوف التام إستمر في الضغط علي الفرامل
خله عالـ n
ثم
إسحب الهاند بريك .. مو أكثر من ٦ الي سبع طقات وإذا كان مشدود ٤ او ٥ يكفي
إرفع رجلك عن الفرامل وشوف وقفت ولا يبيلها تشد الهاند زيادة شوي
ثم
حط الجير عالـ p
وبالنسبة للممشى خلك عالـ d معظم الوقت
اما الـ الباقيات فمثل ماقالولك الشباب بس مو تروح تلبس القير عالـ 1 وانت مقلع بتكسر ام الجير