الكمر والمساعد الخلفي وكالة أم تشليح أم تلحيم ؟؟ نصائحكم

السلام عليكم ورحمة الله وبركاته

حبايبي في هالمنتدى الرائع سبق وان طرحت موضوع بخصوص الحادث اللي جا عالكوكو قبل كم اسبوع
المهم وصلنا الان عند الميكانيكا والميزان (مو تبع الورشة) .. (الورشة طبعاً ماعندهم ميزان فقط سمكرة وبويه)
المهم قالوا لي يبي لك كمر خلفي ومساعد خلفي ايمن وشغل يد 800 ريال مع الميزان .
وسألت وقالوا الكمر فوق 3000 والمساعد يمكن فوق 600 ، وقالوا لي ترا تشليح كويس
عاد جا صاحب الورشة وشاف السيارة وقال ماعليك منهم غالين وانا عندي فلبيني بيفك السيارة ويركبها
بس جب معك مساعد ايمن خلفي ومسمار توازن ايمن وبالنسبة للكمر بيلحمه وبعدها بنروح ميزان القحطاني !! يوزن السيارة

وش رأيــــكــــم أنتم ؟ هل الكمر يتلحم ؟ واللا آخذ تشليح علماً بأن الميزانية لكم عليها خصوصن ان التأمين حسبي الله عليهم لطعوني ومابي تتأخر الكوكو في الورشة ..وعندي استفسار ثاني (ميزان القحطاني) وين محله وكيف شغلهم ؟؟
وشاكر لكم تعاونكم ونصحكم يا أخوان .

اتمنى اللي عنده خلفيه بهالأمر يخبرني لأني بكرة لازم أقرر إما يلحم او اشتري

أنا بصراحة ما عندي خلفية عن هذا الموضوع

و أتمنى أن يفيدونك الشباب بهذا

أخوي ميزان القحطاني في الدمام .. تحديدا في شارع ابن خلدون..
تخلي مجمع ابن خلدون بلازا على يسارك وتنزل من النفق الجديد وأول ما تطلع راح تلاقي ميزان القحطاني على يسارك .. تسوي U-Turn وترجع له..
بخصوص الكمر ما افتيك يا غالي لأن ما عندي خبرة فيه..

أتمنى إني أفدتك..

شاكر مروركم حبايبي

اقتباس:

---

المشاركة الأصلية كتبت بواسطة salamify

أخوي ميزان القحطاني في الدمام .. تحديدا في شارع ابن خلدون..
تخلي مجمع ابن خلدون بلازا على يسارك وتنزل من النفق الجديد وأول ما تطلع راح تلاقي ميزان القحطاني على يسارك .. تسوي u-turn وترجع له..
بخصوص الكمر ما افتيك يا غالي لأن ما عندي خبرة فيه..

أتمنى إني أفدتك..

---

شاكر لك اخوي بس أنا بالرياض - الميزان هو في الرياض واتوقع في الشمال - والسيارة لازالت في الورشة يسمكرونها وبويه

وأنا ابي اعرف لو لحمت الكمر بيضر فيما بعد وهل الأمان بينعدم وهل بيسوي رجه او شي

اخوي ابعد عن اللحام بشكل عام لسلامتك ...........
ولكن اكون صريح معاك انا ما عندي فكرة و لكن ردي بشكل عام ...........
ان شاء الله الاخوان يفيدونك .....

اذا الوضعية طفران والحالة المادية زفت يمدحون اللحام وخلة يضمن ويضبط شغلة ،،، ثم يسوي الميزان ولما تضبط امورك غيرة << شغلة فك وتركيب .

سعرة بالتشليح حول ١٢٠٠

مسمار التوازن الظاهر ٥٠ او ١٠٠ بالتشليح ، المساعد ما انصح تاخذ من التشليح

الافضل انه يتغير لان السمكري يوزن الشاصي على الكمر

فاذا ماكان الكمر سليم 100% راح يكون الشاصي مايل لو واحد سانتي

افضل الحلول هو التشليح سعر الكمر تقريبا 1500 ريال الى 2000 ريال

والله يعينك

مشكورين حبايبي والله لا يهينكم

شكلي باخذ كمر من التشليح - طيب بالنسبة للمساعد اذا لقيت في التشليح آخذه ام لا ؟
انا كلمت قطع غيار النعماني وقال بالنسبة للمساعد عندهم ياباني قيمته بـ 160 ريال بعد الخصم يقول عملي وش رايكم انتوا آخذ من التشليح وكاله ام ياباني من النعماني ؟

والله شوف اخوي من تجربه شخصية مع القطع التجاري ماتنفع ولا بريال وخاصه في الاجزاء المسؤله عن الحركة ووزن السيارة

لكن في ناس ركبوا تجاري ومشى معاهم بدون مشاكل

وانا بالنسبه لي سبق ان غيرت مساعد من التشليح ب150 ريال واهم شي مايكون مصلح او

فيه تهريب زيت ..<<يعني يفكه لك من سيارة مصدومه ولاتاخذ من المستودع

*معلومه :سعر المساعد في الوكاله 600 ريال تقريبا..

لقيت لك كمرخلفي حق 4 سلندر 2004 سلييييم 100%

بـ 900 ريال

تراي سبق ركبت كمر 2004 على 2006 , نفسة بالضبط

يا أخوان شاكر نصائحكم وأحب اقول لكم ان صاحب الورشة يقول ماتحتاج كمر لأن الضربه خفيفه وجايه في الجنب الايمن الخلفي ويقول ما تأثر
حاولت فيه اشتري من التشليح وقال لا - قلت له متأكد انت من ناحية الأمان والوزنية قال ايوه بس جب لي مساعد ايمن خلفي ومسمار توازن خلفي ايمن .

وش رايكم ؟

طبعاً هو يقول الفلبيني بيلحمه

الحمدلله علا سلامتك
حبيبي انا سويت مسوي حادث اخس منك اكورد 2008 الواجهة راحت والكمر انعوج وكثير نصحوني اغير الكمر لان مثل ما قالو الاخوان انه يعدم وزنية السيارة وبالنسبه ل كمر الاكورد 2008 سعره 3349 قبل الخصم وبعد الخصم ب 2680 تقريبا
وانا انصحك تشوف وكيل يعطيك خصم 20 % وفوق لاني رحت التشليح قالي ب 2600 وهوا جديد ب 2680
ايش رايكم في نصب بعض التشاليح ؟؟

دام قالك الضربة خفيفة << يمكن يكون انعواج مكان المسمار اللي يركب في بدي اسفل السيارة او شي زي هذا هذا ما يأثر ابد ، ودام قال ما يحتاج تغيير وبيلحمة وبيرجع مضبوط والميزان اوكي ، خلاص لا تغيرة ..

واشرط علية اذا فية مشاكل بعد فترة من استلامك السيارة ، انك تجيب كمر من التشليح ويركبة ببلاش <<< ضمن شغل يدة اذا ما ضبط كلامة عن اللحام .