عرض للطباعة
السلام عليكم
ياجماعة عرضت علي هوندا اكورد 2004
اربعة سلندر ماشية 140000
فل كامل اللي هو فتحة وجلد وووو الخ
والسيارة نضيفة جدا من ناحية البودي لا سمكرة ولا اي رشات
فكم تسوى السيارة برايكم
وهل تنصحوني فيها لاني شخص مستخدم على المدى الطويل
بالرغم من مشيها 140000
وعليكم السلام ورحمة الله
حياك أخي خالد
في الحقيقة لا أنصحك بها وإن كان البدي نظيف جداً، لأن مشيها كبير بشكل هائل 140000! أرى أنها استهلكت :)
الله يوفقك
نسيت اضيف انه يضاف لها انوار زينون وتضليل عازل
يعطيك العافية اخوي هوندا على سرعة ردك
والله يكتب اللي فية الخير
وبانتظار ردود باقي الشباب
والله شوف من غير فلسفه ولا شي...
اذا أنت مثل صاحبها الاول بتكرف والديها مشاوير فما تصلح لك ..
أما اذا انت مشاويرك قصيره وقليله فما يهمك لأنها هوندا (( مع احترامي لنظرة أخوي HONDA ))
بالعكس فيه واحد من الشباب معه 2005 وممشيها 112000 كيلو :eek: ويقول الحمد لله ماشكت من شي ..
بس نصيحه أفحصها كمبيوتر قبل كل شي واستخير وان شاء الله يصير الي فيه الخير ..
معروف عن سيارات هوندا ان جودتها عاليه
لكن رأيي ان اي سياره مشت هالمسافه بتطلب قطع استهلاكيه و غير استهلاكيه
و انت عارف كيف اسعار قطع الهوندا
عشان كذا انصحك ما تاخذها .... و تشوف لك اكورد ثانيه
من المعارض موديل اجدد و ممشى اقل خصوصا ان اسعار السيارات هاليومين طااااااايحه
مثلا الاسبوع اللي راح بالمعارض اكورد 2006 فل كامل جلد ماشيه 7 آلاف بس
بـ 74 الف ريال :eek: بلاااااش
و وحده ثانيه فل مخمل 2006 لونها ذهبي ماشيه حول 12 الف بـ 68 الف ريال
و بالتوفيق ان شاء الله
أخوي ممشاها كثيييير بالنسبة ل 2004 ...
ما قلت لنا بكم معروضة ؟؟؟
تقريباً ماشية 70 ألف في السنة ... الظاهر إنها كلها سفرات ...
كلام أخوي أكورد 06 حلووو ... بس قولنا كم السعر ... و اللون ...
اقتباس:
المشاركة الأصلية كتبت بواسطة accord 06
نسيت اقول ان هذي لونها لؤلؤي اللي هو اغلى لون
يعني الالوان الثانيه بتكون ارخص من كذا
و موديلات 2005 ارخص من الثنتين
انننننننننننننننننننننننننننننننحش :eek:
الله يعطيكم العافية شباب على ردودكم وارائكم
سعر السيارة كان 50000 ريال
ولازال البحث مستمر عن سيارة افضل
نسيت اسألك ياخوي accord 06
الاسعار اللي تقول باي معارض الرياض والا جدة
بصراحة عروض مغرية
معارض النسيم بالرياض
اخوي شوف انت تبغى قاعده تمشي عليها انا اتبعها السياره النضيفه يكون مشيها 30 الف كيلومتر ففي السنه يعني مثلا سياره موديل 2004 واحنا في 2006 يعني فرق سنتين مفروض مشيها الطبيعي 60 الف انت متخيل الفرق وعلى فكره انا ادور على اكورد 2003 بكم ممكن احصلها
السلام عليكم يا شباب اذا كانت المكينه نظيفه فما اتوقع هناك اي مشاكل يعني اذا راعيها الاول مهتم فيها في تغيير الزيت فاتوقع ان المكينه ممتازه هذي وجهة نظري وانتم عندكم الاكثر وشكراز