عرض للطباعة
السلام عليكم حبايب قلبي والله
عندي ياشباب اللمبه اللي بالطبلون d الخضراء ترمش طبعاً لما احرك العصا حق القير ترجع تولع وتطفى وهكذا..
السؤال .... هل تتوقعون المشكله من العصا نفسه ولا كهربائيه ولا إيش رايكم..؟؟ علماً أن تغييرات القير الحمد لله طبيعيه حتى واللمبه طافيه... وكم تتوقعون إصلاحها بالوكاله.
وشكراً لكل من يرد مقدماً..
وعليكم السلام ورحمه الله وبركاته
اتوقع من البطاريه
لأنه عن اخوي لكزز وتصير نفس الحركه لأنه البطاريه كانت
اصغر من الحجم الطبيعي << اخف قوه
وعلى نهايتها
وغيرتها كل شي تمام
بس سؤال بس علامه الدي؟؟
:)
نعم بس لمبة الدي
والبطاريه مغيرها قريب نفس الحجم الأول حق الوكاله
شكراً لك
احتمال كبير ان القير قريب يروح فيها
ممكن كلتشات او تروس او غيرها
الزبدة ان لمبة الدي ما ترمش الا اذا في مشكلة بالقير
انصحك تسوي فحص كمبيوتر في ورشة خاصة بالهوندا علشان اذا في شي غلط يتصحح قبل فوات الأوان :rolleyes:
ممكن ساعة (الحساس) الموجوة في الجيربوكس
المشكله في واحد من الإثنين :
1- يبغالك برمجة
2- عندك حساس عطلان وتقريباً سعره في 240 شي زي كذا
شباب شكراً لكم جميعاً
الأخ محجوب معقوله يكون كلامك صحيح (الله لايقولها) طيب الأمور طيبه التعشيق تمام.. مواظب على تغيير زيت القير مع الفلتر الخارجي ...
لاتبخلون علينا اللي مجرب الوضع.
مثل ماقالوا الشباب تحتاج فحص كمبيوتر للقير المشكلة كهربائيه
وقبل ماتسوي الفحص شيك على مستوى زيت القير ممكن يكون ناقص
مستوى الزيت تمام والحمد لله بس أخوي متصفح المشكله كهربائيه يعني بسيطه إن شاء الله ....
شباب لا تنسون إذا حركت العصا تولع وتطفى شوي وترجع تولع تمام..
س: هل يمكن المشكله بالعصا ؟
المشكلة عندي ومصور لها فديو وصور توضح المشكلة
انتظرني يومين اجهز التقرير عن هذه المشكلة وعن طريق إصلاحها .. :)
King
شكراً لك بس ياخوي طمني هل المشكله بسيطه ...
بسطية جدا ً ولا تكلفك اي مبلغ كثير ! :)
بس عطني وقت اخلص التقرير وارفع الصور والفديو ..
اذا تولع باستمرار وتطفي .... تحتاج فحص كمبيوتر ...وهذا الي فهمته من كلامك بالاول
اذا تطفي شوي وترجع طبيعي .... هذي مااشوفها مشكلة اتوقع الموضوع له علاقه بعصا القير
عموما اخونا كنق الله يعطيه العافيه ماقصر وعنده الحل الاكيد ان شاء الله
وفي كل الاحوال المشكله بسيطة لا تشغل بالك
تحياتي
شكراً لكم جميعاً
والله المشكله كانت بالبدايه ماتجي كثير بس الأيام هذي أحسها تصير معي دايم بس مجرد ماأحرك العصا شوي تولع اللمبه وتضبط الأمور.
بإنتظارك أخي كنق..
بانتظار الأخ :king ويا رب تكون المشكلة بسيطة وما هي في القير نفسه
اقتباس:
المشاركة الأصلية كتبت بواسطة King
يعطيك العافية أخوي King..
وان شاء الله تنحل المشكلة لـ صاحب الموضوع ..
اخوي الغالي
هذي المشكلة صارت معي قبل شهرين
رحت للوكالة طلعت اللمبة محروقة وغيروها واللحين الوضع تمام وترى اللمبة رخيصة مرة
صارت لي في ٢٠١٠ كوبيه لون اسود <<<<<وش دخل اللون:o
غيروا لي الطبلون كامل حتى العداد تصفر !!!!! سيارتي امريكية و صيانتها في عبدالله هاشم:d واللي يبي يستورد و عبود يرفضها الله الله بالفرع الاقليمي ،،،،،،،،،،
شكراً لكم يالغالين...
صارت معي نفس المشكلة من حساس القير غيرته وضبط
كم تقريبا سعر الحساس؟؟
وهل شغلته بسيطه؟؟
طيب اذا طنشت الموضوع هل من اضرار؟؟
شكراً لك
والله يالغالي إذا تبي النصيحه اكشف على السيارة بالكمبيوتر
عشان تتضح لك المشكلة , إذا هي على الحساس مثل ماذكرت بموضوعي فهي ماراح تأثر بإذن لله
إذا طلعت المشكلة من مكان ثاني مثل القير يحتاج إلى تغير زيت او برمجة هذه ماتحتاج إلى تأجيل للموضوع
اما إذا كانت على الحساس فهي مجرد لمبة بالطبلون تأشر مع حركة القير وإن شاء الله ماتأثر .. :)
يعطيك العافية أخوي كنق على التقرير الرائع والمتكامل
وان شاء الله يستفيدون منه الاخوان الي صادفتهم المشكلة