كارتير المكينه مضروب بالهوندا
السلام عليكم ورحمه الله وبركااته
الحمد لله على كل حال وشيء اهون من شيء
قدر الله علي اليوم وهج بي الموتر في صحراء بلادي ومثل ما انتو عارفين افضل شبكه طرق بالعالم عندك هنا
تخيلوا يا شباب طريق زراعي والحركه فيه مستمره ما حطو لوحه امامك منعطف خطير يعني هذا استهتار بارواح الناس ولا كيف
يعني الواحد يمشي في امان الله وشوي يشوف الدنيا تدور به فجأه بعد ما كان مستمتع براحه ورساوه الاكورد يصير يستمتع بملاهي الحكير لاند بالبر
اليوم يا طويلين العمر كنت ماشي في احد الطرق الزراعيه القريبه لمنطقه القويعيه شويه يلف به الخط يسار وهو ما يمديه حتى يتشهد وراح الموتر صوب الردميه وهج بي شويه وضربت حصاه متوسطه الحجم في بطن الموتر مما ادى الى انشقاق الكارتير حق المكينه وانسكب الزيت كله عاد انا انجن جنوني ونزلت حمدت الله على العافيه وقلت زين انها جات على كذا واتصلت باحد الاقارب علشان يساعدوني بالمشكله وجوني حوالي بعد اذان العصر وانا على احر من الجمر ابيهم يستعجلون علشان نلحق الصيانه قبل لا تقفل
ولكن الوقت كالسيف مثل ما تعرفون ولا وصل الموتر للوكاله الا سبعه ونص حتى الموتر منطول قدام باب الصيانه اقول لهم دخلوا الموتر وبكره اجي نتفاهم على الموتر وكيف بتصلحونه يقولون ممنوع ندخل الموتر بعد الساعه سبعه انطلها عند الباب يعني فرقت على مترين وبعدين بكره الصباح من فيه حيل يدف معي الموتر داخل بس هذا نظام ابو هاشم
كني طولت عليكم
بس بغيت اسألكم يا طويلين العمر ما عندكم خلفيه عن اسعار تصليح السياره عند الوكاله وللعلم ترا موديلها 2009 سبيشل الجنوط سود <<< وش دخل الجنوط انت ويا رشتك النايمه
يعني يا شباب ما احد لا سمح الله قد صلح عند الوكاله كاتير المكينه عند الوكاله وكم تتوقعون يصلحونها به وهل تنصحوني الحم الكارتير بره عند اي ورشه لان الشايب يقول ما تستاهل غلى الوكاله وانا جاي ابي مشورتكم
عاد الشايب الله يجزاه خير اول مزعجني بالهايلكس يقول احسن وارفع وانشط واصبر وكان يحذرني من الاكورد ويشهد الله علي يقول انتبه على الموتر تراه نازل مره اتفه مابه يحك بــ............. هههههههههههههههههههه الله يقلع سوالفه
واسف على الاطاله يا شباب لكن ابي مشورتكم باسرع وقت ممكن قبل الساعه 8 الصباح ليوم الاثنين اصلحها عند الوكاله ولا اروح الحمها عند اقرب ورشه
والله لا يهينكم والله لا يوريكم مكروه ويكفيكم شر شوارع الرياض وغير الرياض
تحيااااااااااتي ............. اخوكم ابو راشد
