السلام عليكم جميعاً ، ياشباب انا بحاجة إلى متخصص قير او فني عندي مشكلة كبيرة في القير (نتعه وتعليق القير) القير يعلق علي احياناً احطها بالd3 ياليت تشوفون لي حل مع اني وديتها ورشة الجنوب يقولون يبغالك تغيير القير بالكامل لأنها من عيوب 6سلندر
عرض للطباعة
السلام عليكم جميعاً ، ياشباب انا بحاجة إلى متخصص قير او فني عندي مشكلة كبيرة في القير (نتعه وتعليق القير) القير يعلق علي احياناً احطها بالd3 ياليت تشوفون لي حل مع اني وديتها ورشة الجنوب يقولون يبغالك تغيير القير بالكامل لأنها من عيوب 6سلندر
كان الموضوع سابقاً كل اسبوع الآن اصبحت المسألة يومياً هالمشكلة تصير معاي بالسيارة وانا ياليت تشوفون لي حل .
كم ماشية سيارتك وايش المسافة اللي غيرت فيها زيت القير؟
ايضاً : وهل دوار القاعدة وطريق الملك عبد العزيز يشتكي منكـ ؟اقتباس:
المشاركة الأصلية كتبت بواسطة بلال العلمي
;)
الله يعوض عليك ياالدحمي ومالك الا التغيير وابعد عن التوضيب
او القيور اللي جايه من اليابان او الامارات
وخلنا نشوفك :)
اهلا بلال العلمي : السيارة ماشية 122000كم ودخلتها صيانة 100الف وغيروا الزيت في صيانة 80الف بس ماني متأكد إذا كانوا غيروه في صيانة 100 ،
b useful : اهلين مصعب عامل ايه ، طريق الملك عبدالعزيز اكسنا عليه من 8 شهور , الملك اكورد : شكرا على النصيحة وهي وحدة من الثنتين يااغير القير يااغير السيارة بالكامل .
بالنسبة للي يؤيدون تغيير القير ، طيب ممكن القير اللي راح اركبه يكون برضه فيه مشكله حتى لو كان عليه ضمان شهرين او ثلاث شهور طيب ممكن بعد سنة يكون فيه مشكلة ، مالمهندس في ورشة الجنوب يقول ان 6 سلندر فيها عيب القير ومرت عليه حالات .
طيب وراك ماتسوي فحص للقير عند الوكاله ممكن حساسات
وبالمره غير الزيت مع الفلتر للقير
يا عندما تكون الاكورد 2007 بشاشة سويت لي إعادة فرمته بهالشاشة وشلون !!!! طيب كم راح يأخذون مني الوكالة هنا السؤال وإذا كان عندك مكان ثاني لفحص القير يكون افضل ، مشان نأخذ العلم من كذا مكان ونأكد ياتغيير القير ياإصلاحه .
وش لك بوجع الراس يا دحوم
توضيب و على طول للمعارض
طبعا اذا عندك قدره انك تشتري سياره بالوقت الحالي
اخي دحوم قسم بالله اني احس بالمعاناة الي تحس فيها انت بسبب القير
انا اتوقع أنه اي مشكلة تجي في قير الهوندا على طول غيره .. هذا اللي فهمته
شوف صارت علي مشكلة قبل عشرة ايام
وفي الاخير رحت وشريت قير من التشليح
ولكن نصيحة أخوية ابعد عن التوظيب لأنه مكلف وغير كذا ما راح يرجع القير زي أول
لكن راح اوصيك على ورشة اذا كنت في الرياض
صناعية العروبة مجمع علي بن علي / ورشة رقم 20 فيه عاملين اسمهم ( تحسين أو فيصل )
رقم جوال تحسين اذا احتجته : 0502190776
كان الله في عونك
accord 06 : والله شكله هذا اللي بيصير وشكرا على مرورك ، العمدا : يالبى قلبك ياشيخ اعجبني فيك انك مريت في نفس المشكلة وعن جد هي مشكلة كبيرة لازم لها حل ، وشكرا على رقم الورشة ورقم تحسين سيفته عندي وإن شاء الله بتصل فيه السبت وجزاك الله الجنة .
ياشباب انا في حاجة في راسي تدور هل معقولة الوكالة ماتغير زيت القير وتهمله وهو من اساسيات السيارة ، والله لأشكيهم ان تبين اي شيء من جانبهم ولأخذ بالثأر .
هذي نتايج المطارحات يا دحوم ما وراها الا الهلاك الروحي والمادي
اخوي دحوم .. لا تتعب نفسك مع الوكالة وما راح تتطلع بنتيجة
ولله العظيم أن هذا اللي صار معي
اذكر قبل سنة وشهرين
جيت الوكالة اغير زيوت السيارة ومن ضمنها زيت القير
لقيت عندهم نموذج لازم توقع عليه قبل يستلمون السيارة منك
وينص هذا النموذج على انك اذا غيرت زيت القير والفلتر
وخرب بعدها ان الوكالة ما تتحمل المسئولية
وش رايك .. ولا يهونون الشباب آرائكم !!
اقتباس:
المشاركة الأصلية كتبت بواسطة العمدا
مشكلة القيور انها حساسه جدا بكل السيارات ما هو بالهوندا بس
الوالد مسوي صيانه لـ لاندكروزر بالوكاله .. و بعد ما طلع و الله انه ما كمل الف كيلو الا و القير مخبط
كثرة تغيير الزيت تضر اكثر من انها تنفع
رأيي ان الزيت يغير مرتين او ثلاث بالكثير خلال فترات معقوله و ثابته
مثلا .. 40 .. 80 .. 120 .. بعدين خلاص ما تغيره ابد
او 60 .. 100 .. 140 .. بعدين خلاص ما تغيره ابد
اعتقد انه بـ هالطريقه راح يمشي القير اطول مسافه ممكنه بدون مشاكل
سيارتي غيرته على 40 و 80 بس
و الحين ماشي 185 و بدون مشاكل و لله الحمد
الله يكون بعونكـ ماعندي شي زياده او اضافه اكثر من الي قالوه اخواني الاعضاء
بالتوفيق
أخوي دحوم علمنا وش صار معاك :) ؟؟