بوقشان تعديلك الفكرة الرئيسية ممتاااااااازة وتطبيق لها كان خرافي ووحش لكن اللي خرب هو التنزيلة الزايدة عن اللزوم + الجنوط يعني لو تنزيلتها اقل
وركب لها زوايد خفيفة وجنوط اكبر و احلى كان صوتت لك بدون تفكير, اضف الى ذلك ان الباب طويل جدا جدا المفروض يتقصر
ذكرايات عاشق بما انه اول تعديل لك فهو جيد بس ركز على القص والتحديدة اكثر وحاول المرات الجاية تشوف لك جنوط صورتها واضحة
مو اقل من وضوح صورة التعديل وحاول تنسق الالوان اكثر لأن بعض القطع لونها حلو وبعضها باهته
اكورد سكاي محاولة جيدة بس احس الجنط مو راكب صح صاير كفر الجنط اكبر من كفر السيارة
وبالنسبة لنور الزنون مو واقعي وتعديل الوان الصورة للأسف ما توفقت فيه
جاك بصراحة تعديلك خفيف ولطيف ورايق ودقة شغلك ممتااازة وواقعية جدا
ناقصك تظليلة خفيفة ويطلع الموتر كامل ما شاء الله عليك
أكورد في تعديلك الخلفية ممتازة والافكار حلوة لاكن التطبيق مو مرة وعندك عدم تناسق
في الالوان وحجم الاصطب والشبك وعلامة هوندا كباااااار مرة
كلاسك ديزاين ما احس تعديلك (مع انه حلو) حق مسابقة تعديل لأن ما فيه شي :confused: تنزيلة رايقة وتكبير جنوط
بالنسبة لي حتى ما تعبت روحك وربما هذا فقط ذوقك في التعديل ما تحب تزودها والامر راجع لك
عبدالسلام فكرة البانوراما حلوة بس ما ظبطت اللون عدل وحركة الاسود مكان الكشافات ما عجبتني
بالنسبة للون حلووو جدا لكن للاسف احسه غير موتناسق معا السيارة
مطنشهم تعديلك واضح متعوب عليه لكن اذا هو حق عام 2036 ممكن بس هالايام ما اعتقد :rolleyes: الواقعية فيه 6% ,
الجنوط ماكله من البودي شوي والصدام الخلفي غير واقعي وداخل في الارض والانعكاس مفروض بس على الدرايش مو على الفاصل اللي بينهم بعد,
اعجبني في تعديلك حركة الاصطب الخلفي وطريقة الانعكاسات على الزجاج والخلفية
طبعا ردي قاسي شوي وفيه انتقادات واجد لكن علشان الجميع يحاول يتفادى اخطاءه في المرات الجاية
واكيد ما في احد كامل في الحياة لازم يخطأ علشان يتعلم من خطأء
والسلام عليكم
