سيارتي 2010 ومركبين لي كفرات 2009 !!!! اقدر اخش بعيونهم؟؟

سلام عليكم ورحمه الله وبركاته

صباحكم ورد ياشباب

قبل تقرون الموضوع خشو على هالرابط اول وشوفو معاناتي بالمشاركه رقم 19

هذا الرابط ونرجع نكمل

http://www.hondaarabia.com/club/showthread.php?t=33207




قبل فتره رحت لصيانه الالف وصارت لي سالفه معاهم يمكن بعضكم قرى موضوعي معاهم

واخرو سيارتي يومين بسبب الحذفه يسار وللاسف عبد الله هاشم يقول الميزان حقي خربات

طلعت لرئيس الصيانه وقلت قسم بالله ما تسونها لي ورب الكعبه بالبخاخ الاسود اوقفها قدام الباب واكتب عليها سوء صيانه

واطرف شنب فيكم مو ينقلها الا بس يعتب حواليها

نخو وخافو وشالو السياره بكبرها لميشلان وردوها لي قالو اوك ولو حصلت حذفه بسيطه ترى هي عاديه قلت بجرب وبشوف والله لو في شي لا اردها بوجهكم واعرف اتفاهم معاكم

الحين طبعا في حذفه بس خفيفه

وماكله بقلبي سياره سعرها فوق الميه الف كاش وتحذف؟!!

رحت توي مشيك على الكفرات

ومحصلها كفرات 2009 الاسبوع السابع

انصدددددمت

يحقلي بره اروح اكسر روؤسهم؟؟ ولا لا؟؟

مع العلم السياره 2010

افيدوني قبل ارتكب جريمه

وش رايك تخش في عينهم بعد وتقول لهم ليش السيارة مصنوعة بتاريخ ٢٠٠٩ وحاطين بالاستمارة ٢٠١٠ :d

شيك على باب السائق وش تاريخ الصنع لا يكون لاعبين عليك بعد :p

هون على نفسك .. تراك شاري هوندا ودافع ١٠٠ الف بس ، موب ٦٥٠ الف على بورش باناميرا .. كل شي من صنع البشر لازم فية النقص وعدم الكمال ،، راجع مع الوكالة لين يصير معك حل مع هالكفرات اللى اغلب الاعضاء مشتكين منها ... على ايام ٢٠٠٣ - ٢٠٠٧ كانت صناعة فرنسية والحين من ٢٠٠٨ الى ٢٠١٠ صناعة تايلندية .. شفت الفرق كيف ...!

خخخخخخ اهدا يبوووو:d
لا ما يحقلك لان سيارتي زيك 2008 وكفراتها 2007 لوووول
اتركهم احسلك لانك بتلقى انواع التصريف اللي ماتتخيله
ناس راحت مكاينهم وصرفوهم (( اش بيسوون فيك
الله يعينك بس

عادي اخوي لازم كذا

ما في سيارة بالعالم كل شي 2010 فيها

لازم الكفر يكون بنهايه 2009 مثلاً

وتاريخ صنع السياره تلقاه نهايه 2009

طبيعي جداً

يعني لو بتروح الوكاله وش دخلهم اول شي ؟؟

انا سيارت 2009 والكفر 2008


يارجل ترا كفر 2010 ماوصل عندنا السعودية

ياجماعه

والله لا عبين علينا

السياره تجي من اليابان بكفر 2010

هم يروحون للسيارت 2009 ويبدلون كفرتها بالموديلات الجديده

عشان لا تحبل عندهم وماشي شغلهم كذا

^^ عندك اثبات لهالكلام الخطيييير ولا لأ ( طال عمركـ ) ^^

عليكم السلام ورحمةُ الله وبركاته ..

الجواب سهل يا عزيزي ..

كيف السيارة مصنوعه في 2009 ، وتبي الكفرات تصير مصنوعه في 2010 ؟

انا سيارتي 2008 ، ومكتوب انها خلصت من 10 - 11 - 2007 ، واكيد الكفرات 2007 ، لان كان ما دخلنا في 2008 ،،

هدي يا كويّس ، ترى الوضع عـادي ..

تبي نصيحتي ، اترك عنك الوسواس ، وعيش حيااتِك ، ولا بتكره حيااتِك وبتكرة سيارتك واللي فيها ..

أقول ، يا مصعب ويا شانزليزيه

المنتدى الله يعافيكم ، جايين نستفيد منه ..

وسعوا صدوركم بس ، :d

يو سفل صادق بكلامه

وانت يا شانزليزيه قلتها بنفسك الاسبوع التااسع من عام 2009 .. يعني شفت الدقة بكتابة التاريخ بالنسبة للشركه المصنع للكفر

يعني معقوله يكتبون لك انهم صنعوها بعام 2010 مثلا و سيارتك صنعت بعام 2009 ؟!

هنالك فرق بين الموديل و تاريخ الصنع

احببت ان اضيف فقط لا اكثر

و ودي لو نروق المنجا حبتين يا جماعه الخير و صلو ع النبي

اقتباس:

---

المشاركة الأصلية كتبت بواسطة silver aurion

لكن شوف انا معك بنقطة مهمة ان تاريخ الكفر ايضا يعتبر شبه قديم يعني اتصنع قبل سنة من الان

احنا الان بالاسبوع التاسع من عام 2010 .. يعني لو ركبو كفرات انتاجها بمنتصف عام 2009 مثلا بيكون افضل

:)

---

هذا الي اقصده وانااخوك

يعطيك الف عافيه وعلى راسي ياغالي

لكن شوف انا معك بنقطة مهمة ان تاريخ الكفر ايضا يعتبر شبه قديم يعني اتصنع قبل سنة من الان

احنا الان بالاسبوع التاسع من عام 2010 .. يعني لو ركبو كفرات انتاجها بمنتصف عام 2009 مثلا بيكون افضل

:)

اقتباس:

---

المشاركة الأصلية كتبت بواسطة silver aurion

لكن شوف انا معك بنقطة مهمة ان تاريخ الكفر ايضا يعتبر شبه قديم يعني اتصنع قبل سنة من الان

احنا الان بالاسبوع التاسع من عام 2010 .. يعني لو ركبو كفرات انتاجها بمنتصف عام 2009 مثلا بيكون افضل

:)

---

فية مسألة العرض والطلب مفيدة جداً ، لا مانع ان اي شركة تشتري كميات كبيرة وقت الرخص وتخزنة تخزين جيد حتى وقت اكمال السيارات التي قيد التصنيع ..

يعني مثلا لو ان عندي شركة وصار سعر الكفرات رخيص لأزمة او ماشابة وستنتهي هذة الازمة مستقبلاً فسأشتري كمية كبيرة قبل عودة الاسعار الى سعرها الطبيعي لتقليل التكاليف ..

للمعلومية .. الحين لو تروحون وكلاء كفرات السيارات ( ميشلان - بريدجستون - وغيرها ...) بتلاقي عندة شي مصنوع من قبل 6 اشهر <<<< النقل البحري لة دور كبير في وصول الجديد ..

وما اظن فية شركة بتبيع المخزون الجديد قبل القديم <<< طيب وش بيسون بالقديم ؟؟ ماظنتي بتبيع الجديد الا اذا نشبت لهم ///

- خريج محاسة fifo - lifo - :)

اقتباس:

---

المشاركة الأصلية كتبت بواسطة b useful

فية مسألة العرض والطلب مفيدة جداً ، لا مانع ان اي شركة تشتري كميات كبيرة وقت الرخص وتخزنة تخزين جيد حتى وقت اكمال السيارات التي قيد التصنيع ..

يعني مثلا لو ان عندي شركة وصار سعر الكفرات رخيص لأزمة او ماشابة وستنتهي هذة الازمة مستقبلاً فسأشتري كمية كبيرة قبل عودة الاسعار الى سعرها الطبيعي لتقليل التكاليف ..

للمعلومية .. الحين لو تروحون وكلاء كفرات السيارات ( ميشلان - بريدجستون - وغيرها ...) بتلاقي عندة شي مصنوع من قبل 6 اشهر <<<< النقل البحري لة دور كبير في وصول الجديد ..

وما اظن فية شركة بتبيع المخزون الجديد قبل القديم <<< طيب وش بيسون بالقديم ؟؟ ماظنتي بتبيع الجديد الا اذا نشبت لهم ///


- خريخ محاسة fifo - lifo - :)

---

وضحت الفكرة و تسلم يا باشا :)

انا مثلك تآريخ الكفرآت بسنة 2008 وسيآرتي 2009

الكفرات استهلاكية ومن اول كيلو محسوبه عليك ومالهم دخل بتاريخ الصنع

وفي نقطه مهمة ان السيارة لابد يكون فيها حذفه بسيطه بعد مسافة طويله لما تترك الطارة حتى تنبهك انك خرجت عن مسارك
عند ملامسة الكفرات لعيون القطط في حالة الاغفاء اللاإرادي
______
ونقطة اخيرة لاتدقق في كل صغيرة وكبيرة في الاكورد لانه قد يكون فيها اخطاء مصنعية لكن تأكد انك اخترت السيارة الاقل عيوبا في فئتها


والف مبروك السيارة مؤخرا..:)

الله يبارك فيكم جميعا

وليتني طقيت الماكس والله كان ابرك لي

لكن الحمدلله على كل حااالـ

اقتباس:

---

المشاركة الأصلية كتبت بواسطة شانزليزيه

وليتني طقيت الماكس والله كان ابرك لي

---

قالت لك أترك الأكورد :)
قبل متطقهآ أنت كنت كآتب موضوع وأنا قالت لك أترهآ أحسن لك :mad:

انا مثلك لي اسبوع مطلعهاا


بس مدري اشوف الكفرات كأنها قديمه شوي بدوون زززرع مدري ليه وألاستبنه كلها زرع وجديده


وش رايكم اروح انا ولا لا ؟

طبيعي يااخي مع هشومي كل شي يصير

الله يعينا على جشع ونصب التجار لانهم مالقو من يوقفهم عن حدهم والدليل ارتفاع الاسعار

الله يعينك يااخي بس هدي اعصابك وكل شي له حل باذن الله والحلال مايضييع

اخووي اقوول لك الله يعينك على نفسك وتراا بالطريقة ذي راااح تتعب كثيـــر من السياره

السياره ترااا وسيله وليست غايـــه وانا اخووك

فكر بالعقل شووي تراا السيارة وضعت لسبب واحد تنقلك من مكان لمكان ولا تعطيها اكبــر من حجمها

وتحــــرق اعصـــابك على شي مايســـوى

طيب وناخوك يعني الكفر مصنوعة بشهر 2 /2009
والسيارة مصنوعة بشهر 11/2009
أشوفها مافيها شي

وإذا كانها محبّله بيرسلونك للوكيل تغيّر الطقم كامل على الضمان

لو دققنا مثلك صدقني تشوفنا على سياكل ياخي الحذفة كل الأكوردات تحذف خلل مصنعي بسيط والكفرات شي طبيعي الكفر 2009

والموديل 2010 أظن وضحوا لك الشباب شوف باقي السيارات مشاكل بالهبل وهذا صنع البشر تبي كل شي 100 % مستحيل

فيه سيارات 2009 تنقص زيت و ما تثق بها أبد لعلمك الأكورد أفضل خيار بالوقت الراهن من جميع النواحي و مبروك عليك الله

يعطيك خيرها ويكفيك شرها ولا تدقق على كل شي حافظ عليها وطنش الباقي

اقتباس:

---

المشاركة الأصلية كتبت بواسطة aldawsee

انا سيارات 2009 والكفر 2008


يارجل ترا كفر 2010 ماوصل عندنا السعودية

---

:cool:
انا قبل يومين مركب كفرات جديدة وتاريخها 2009 بس شهر 9 وكل محلات الكفرات يقولون لي ان تاريخ 2010 مانزل منه شي حتى الان ,,,

والله يحقلك تسوي كدا وأكثر..!
وإدا ودك تخش في عينهم انا بجي معاك.!.هههه
الله يساعدك ويساعدنا عليهم