صوت تكتك تك في ميكنة السيارة

السلام عليكم ورحمة الله وبركاتة شباب عندي اكورد مديل 2007
من 10الف الى اليوم 70 الف فيها صوت تك تك تك تك في المكينة حتى لما اقفل الكبوت واوقف جنب السيارة اسمع فية
رحت الوكالة اكثر من 10 مرات وهم يقولون لي طبيعي :( ومافيها شيئ
رحت الى واحد كان شغال داخل الورشة في الوكالة والحين فتح لة ورشة خارج الوكالة وسمع الصوت وقال لي طبيعي
بعض الورشات العادية تقول لي وزن بلوووف :mad: المشكلة في شخص عندة مديل زي سيارتي سؤلتة قال لي مافية الى صوت زنة بسيطة صوت عااادي زي اي ميكتة
ولما يحط اذنة قريب جدااااا على المكينة يسمع الصوت فقط وماذري ايش اسوي :(

انا اسمع الصوت من 60 الف ...
وحاليا 80 الف واسمع نفس الصوت ..

كل الي تحتاجه وزن بلووف .. ولاتعمله في غير الوكالة لان الوكالة عندها القياسات مزبوط من المصنع

راح يكلفك 270 ريال..

:)أكيد ملاحظ ان السيارة تصرف بنزين صح ؟

اقتباس:

---

المشاركة الأصلية كتبت بواسطة aliahmed

انا اسمع الصوت من 60 الف ...

وحاليا 80 الف واسمع نفس الصوت ..

كل الي تحتاجه وزن بلووف .. ولاتعمله في غير الوكالة لان الوكالة عندها القياسات مزبوط من المصنع


راح يكلفك 270 ريال..

:)أكيد ملاحظ ان السيارة تصرف بنزين صح ؟

---

ولله شقول لك من ناحية صرفية كنت احسها تصرف وبعد ماسويت الحركة الي قال لي عنها متصفح الي هي تصفير الحساسات شفتها صارت احسن تمشيني في البلد 350 قريب بتولع المبة مادري ادا كانت طبيعية او لا
طبعا البنزين 95 لاحمر فلها ب 29 ريال تقريبا :(

:eek: 350 كيلو بس !

سيارتي 2007 .. 4 سلندر .. استخدم 91 الاخضر ..

الفل يمشيني 550 .. خط على سرعات عالية وبعد داخل المدينة ..

هذا وانا احتاج وزن بلوف .. لو اوزن البلوف اتوقع توصل 600 بالراحة ..

عالعموم هي تعمتد على رجل السواق .. اذا كانت ثقيلة لو خفيفة ..

انت جرب روح الوكالة وسوي وزن بلوف ... وزن البلوف ضروري عند 100 الف .. لاكن انت استعجل وسويه من الان ..

ماتضر 270 ريال :) وان شاء الله تنحل جميع مشاكلك عزيري .. (الصوت الي مخلي السيارة كأنها سيارة ديزل .. وصرفية البنزين تخف )

بخصوص صوت التكتكه هذه موجوده في كل سيارة , حسب اعتقادي ان بعد ماتطفي السيارة تسمع الصوت هذا

طبعا ً هو يعتبر طبيعي مع حرارة المحرك وحرارة السيارة يطلع الصوت وبكل السيارات يطلع فيها , خصوصا ً إذا كنت في خط سفر او المشي لمسافات بعيده ,,

بخصوص صرفية البانزين إذا انك ماغيرت فلتر البنزين , غيره ..

كأننا تكلمنا بنفس الموضوع قبل سنة او أقل وقلت لك سوي وزن بلوف :)

معقولة للحين ماسويتها ؟؟

^^^^^
صدته:d
،
،
حتى عندي نفس الصوت لكن مره خفيف يعني ماتسمعه الآ اذا كان هدووووء
ومتردد اني اسوي وزن بلوف قلت بخليه ع 100الف

نفس الشي عندي :(

اكثر من واحد قالي وزن بلوف

سوالي لو سويت صيانه هل سعرها يشمل وزن البلوف ولا لازم مبلغ اضافي

دمتم بود

كانك تتكلم عن سيارتي انا اعبيها 95 وتمشيني 350 كيلو وسط البلد بس ي الخطوط ما عديت لاني مني راعي خطوط وسيارتي ماشيه 96000
اول كنت اعبيها 91 وقلبت على ال95 لازم اغير فلتر البنزين
وكمان عندي هزة بالسيارة وطلعت من الثروتل فهل هذي الاشياء هيا سبب صرفية البنزين؟؟؟؟
تحياتي.

اقتباس:

---

المشاركة الأصلية كتبت بواسطة المباشر

كأننا تكلمنا بنفس الموضوع قبل سنة او أقل وقلت لك سوي وزن بلوف :)

معقولة للحين ماسويتها ؟؟

---

ههههههههه هلا يالمباشر اتوقع تكلمنا عن صرفية البنزين وماتكلمنا على التكتكة
اممممممممممممممممممم لو تكلمنا ماذكر الكلام الي قلتة لي :confused: بس المشكلة هي اني لما اوديها الوكالة يقولون طبيعي وانا مذاوم على الصيامة من 5 الالف لين 40 الف بس ماشفت اي فايدة من الصيانة وتركتهم كل شيئ طبيعي عندهم
لدرجة مرة وديتها وفيها صوت يطلع من البور سترينج نيييييييييييييييييييييييييييينننننننننننننننيييييي يييي اول ماسمع الصوت الفني الي يقول طبيعي صفقتة على راسة قلت لة شغل لي اي سيارة بهذا الصوت وجلص يسمع اكثر وقال لي راح يدخلها ويشووف جلسوا ينظفون فقط لين راح الصورت اكثر من 3 مرات رايح جاي للوكالة عشان هذا الصوت :( الحمد الله اخر مرة راح وقال لي المهندس ماسوى شيئ غير التنظيف :confused:

اقتباس:

---

المشاركة الأصلية كتبت بواسطة dhsv2

ههههههههه هلا يالمباشر اتوقع تكلمنا عن صرفية البنزين وماتكلمنا على التكتكة
اممممممممممممممممممم لو تكلمنا ماذكر الكلام الي قلتة لي :confused: بس المشكلة هي اني لما اوديها الوكالة يقولون طبيعي وانا مذاوم على الصيامة من 5 الالف لين 40 الف بس ماشفت اي فايدة من الصيانة وتركتهم كل شيئ طبيعي عندهم
لدرجة مرة وديتها وفيها صوت يطلع من البور سترينج نيييييييييييييييييييييييييييينننننننننننننننيييييي يييي اول ماسمع الصوت الفني الي يقول طبيعي صفقتة على راسة قلت لة شغل لي اي سيارة بهذا الصوت وجلص يسمع اكثر وقال لي راح يدخلها ويشووف جلسوا ينظفون فقط لين راح الصورت اكثر من 3 مرات رايح جاي للوكالة عشان هذا الصوت :( الحمد الله اخر مرة راح وقال لي المهندس ماسوى شيئ غير التنظيف :confused:

---

الا قلت لك :) في 31 يناير 2009

في هذا الموضوع

http://hondaarabia.com/club/showthread.php?t=16932


ومثل ماذكرت لك سابقآ دخلها الوكالة واعمل صيانة ووزن بلوف وأمورك بتضبط

اقتباس:

---

المشاركة الأصلية كتبت بواسطة المباشر

الا قلت لك :) في 31 يناير 2009

في هذا الموضوع

http://hondaarabia.com/club/showthread.php?t=16932

ومثل ماذكرت لك سابقآ دخلها الوكالة واعمل صيانة ووزن بلوف وأمورك بتضبط

---

ايوووة تذكرت الحين صحيح كلامك وكنت انتظر منك رد :p سويت الوزنية او لا وبكم وهي على الضمان ولله لا وانت مارديت :d
بسؤلك يالمباشر رحت الى واحد من الشباب كان شغال في الوكالة والحين عندة محل ( ورشة خاصة بالهوندا) وقال لي الوزنية الي بسويها هي نفسها الي بتسويها الوكالة ) ويقول انة العدة الي بالوكالة عندة ؟؟ ويش رايك اسويها عند الرجال؟:confused:

فيه فرق كثير في السعر؟؟

ووين تصير هذي الورشة؟

اكيد في فرق كبير في السعر بس شغل ايدهم الحمد الله شغل وكالة بس في اشياء مادري عنها اذا عندهم اتذكر مرة قال لي انة ماعمرة شاف ميزان ادرعة قوي زي الي بالوكالة دقيق جداااااا ( اتوقع فهمت لي ايش اقصد ):d

تصير في القطيف ( تركية الصناعية ) قريب من منطقة لمشاري والمنيرة ( واسمها ولله ناسية بس هذي الي اتعامل معها):cool: تصير بعد شيشة بنزين محل قطع غيار هوندا وتحتة الورشة مباشرة......<<<<فيها عاملين سعودين كانو شغالين في الوكالة وعامل هندي واتوقع فيها عامل فلبيني اظن انها بعد من الوكالة :rolleyes:

وفي وحدة وانت جاي القطيف اتوقع تصير في سيهات طبعا على الشارع العام في شيشة بنزين وانت جاي تشوف علامة هوندا اتوقع اسم المحل الموسى وانت جاي القطيف تصير على ايدك اليمين ( طبعا هذا كان شغال في وكالة هوندا) ..<<<< عامل سعودي فقط كان شغال في وكالة هوندا

اذا الرجال عارف شغلة ودها له لأن الوكالة سعرها مرتفع شوي

يعني مثلي سته سلندر سويتها بـ 500 ريال في الوكالة مع صيانة الـ 60 الف

يعني موترك 4 يمكن تكلف 300 أو اقل وبكذا الأفضل توديها عند الرجال اذا شغله نظيف

نفس المشكلة عندي وربي ماخليت محل ما رحته الكل يقول وزن بلوف والبعض يقول التكايات يبغالها تغير وانا مني عارف ايش اسوي والوكالة تقول طبيعي مع العلم أن سيارتي سته سلندر أيش رايكم
وما سمعتو عن التكايات قبل كده .؟؟

اقتباس:

---

المشاركة الأصلية كتبت بواسطة lokan

نفس المشكلة عندي وربي ماخليت محل ما رحته الكل يقول وزن بلوف والبعض يقول التكايات يبغالها تغير وانا مني عارف ايش اسوي والوكالة تقول طبيعي مع العلم أن سيارتي سته سلندر أيش رايكم
وما سمعتو عن التكايات قبل كده .؟؟

---

اولا مشكور يالمباشر على مساعدتك لي
ثانيا لوكان اسمع الكلام لاكيد المشكلة الي عندي وعندك طبيعية وماتضر بالسيارة ابدا بس بعد فترة طويلة تسبب رجه في السيارة الوكالة مافي امل تسوي لك وزن للبلوف الى ادا انت طلبت منهم وزن بلوف باضافة مبلغ على سعر الصيانة مثل ماسمعت من شباب المنتدى سعر وزان البلوف 250 ريال تقريبا (وزان البلوف لايدخل ضن اصيانة الدورية لسيارة)
وهذا الكلام مضمووووون وماعليك من الفاتورة الي مسجل عليها وزن بلوووووف :mad:



سمعت انة السيارة مابين كل فترة تحتاج وزان بلوف وهذا شيئ طبيعي ولله العالم وشكرا

طيب وش فيك معصب يالحبيب :d

وزن البلوف انا طالبه مع الصيانة وهم مايسوونه لك ضمن الصيانات ولازم تطلبه

والسعر اللي سمعته صحيح اذا مارفعوا السعر وطبعآ يختلف سعر الأربعة عن سعر السته

اقتباس:

---

المشاركة الأصلية كتبت بواسطة المباشر

طيب وش فيك معصب يالحبيب :d

وزن البلوف انا طالبه مع الصيانة وهم مايسوونه لك ضمن الصيانات ولازم تطلبه

والسعر اللي سمعته صحيح اذا مارفعوا السعر وطبعآ يختلف سعر الأربعة عن سعر السته

---

لا يالمباشر مو معصب هذا مجرد رمز :d بس حبيت انبه انة وزان البلوف لازم طلب لانة اكثر من مرة اسمع من الشباب يقولون انة الوزن البلوف يصلحونة مع الصيانة :d

اصلآ في الوكالة يصرفونك بعض المرات يقولون لك مايحتاج مثل ماصار معي

لكن زنننننننن زننننننننن على راسة قوله انا ابي اسويها وبدفع مش ببلاش .. بعض المهندسين كأنه راح هو بنفسه يوزن البلوف ويحس بتعب علشان يكتبها في طلب الصيانة

حبيبي إذا صوت تكتكه فإحدى حاجتين :
إذا تكتكه خفيفهـ بسيطهـ (وزن بلوف)
إذا صوت صرصرهـ فهو (شداد) قطعه اسمها شداد إذا ما قد غيرتها ,,,