الاكورد والكفرات الخلفية

السلام عليكم ورحمة الله وبركاته
انا عضو جديد على المنتدى وحبيت اشترك في المنتدى الرائع اللي استفدت منه كثير
وياليت تقبلوني اخ وصديق لكم
وحبيت اطرح مشكلتي حتى نفيد ونستفيد سيارتي هوندا اكورد موديل 2005 فل
المشكلة في الكفرات الخلفية كل 6 شهور او تقريبا كل 15 الف كيلو تحتاج تبديل كفرات خلفية بسبب تآكل الكفر
من الجانب الداخلي
وتكون مايلة على جنب بشكل واضح حتى بالنظر بسبب فشحة الكفرات الخلفية للهوندا
وتسبب ازعاج واصوات غريبة عجيبة وونه وحنه تقول راكب طياره
ولما تغير الكفرات ترجع السيارة هادئة جدا ولا اي صوت
ياريت اللي سمع او كانت عنده المشكلة هذي يفيدنا .. الجنط مقاس 16 .. الكفرات اللي استعملتها هي النوع الاول الدنلوب
والنوع الثاني تويو اللي ما انصح فيه ابدا
ــــوهل يوجد وزن للكفرات الخلفية لتخفيف من حدة الفشحة اشوي حتى لا تتآكل الكفرات من جانب واحد ؟؟؟؟
لانه بصراحة صعبة كل سته شهور او 15 الفغ كيلو مغير كفرات ...

الظاهر انك اذا بدلت اللي ورا قدام أحسن لها <~ ترى ماتأكدت

بس أن شاء الله الشباب يفيدونك . . :)

انا معي أكورد 2004 عندي نفس مشكلتك بالضبط بس الكفرات ما تتأكل , غير كل الرمانات الي وراء والي قدا والصوت للحين موجود والكفرات بعد وما فيه فايده وديتها للوكاله قالوا ركب كفرات برجستون ويروح الصوت بس ما ركبت لين الحين لأن كفراتي جديدات , لكن ممكن الأخوان الي عندهم خبره ممكنيفيدونا ...

وعليكم السلام ورحمه الله وبركاته
والله يالغالي الحل والوحيد أنك كل 10 ألف تسوي تبديل أوتدوير للكفرات إلي ورى قدام والعكس وتركب كفرات برجستون تورنزا gr 80 وهذي الكفرات إلي يميزها أنها هادية ولا لها صوت وأغلبية الشباب هنا مركبينها وأنا من ضمنهم ومرتاح لا إزعاج ولا غيره .

انت مهبط السياره؟ احتمال يكون منها ...

http://img171.imageshack.us/img171/8149/camberangle.jpg

اعتقد الي عندك negative camber
الصوره كانت للتوضيح (اذا كان هذا الي تعاني منو) ,واعتقد لو تروح لميزان يعمل اللازم وباقي الاعضاء يفيدوك عن اماكنها.

واعتذر عن التقصير...

^^^^^^^^^^^
ممتاز


^_^

ميزان وان شاء الله تنحل المشكلة

لكن أتوقع انها مهمة بالثبات أو انها معززة للثبات لأنها مايلة من الخلف فقط

طبعا اذا كان الميلان بسيط

أما اذا كان قوووي لازم تسوي لها ميزان

ويمكن من الرمانات :( الخلفية
غيرها اذا هي خربانه
قبل تسبب لك مشاكل بالجانبيات والخ ...

المشكلة في كل الاكورد والله معناه خلها على ربك:(

أخوي هذي المشكلة في الأكورد وخصوصا في موديلات 2003-2007 بس سوي وزن أذرعة وحافظ على تدوير الكفرات كل 10 الاف كيلو وإن شاء الله تنحل المشكلة..

يا شباب
ترى الاكورد من 2003 الى 2007 تجي الكفرات اللي ورى مايله للداخل شوي وطبعا هذا عشان الثبات
ولو تلاحظون هذا مثل نظام المرسيدس sel 560 مثلا القديم وهو حق الثبات
...........
وعلى ما اظن ياخوي انه يبغالك ميزان محترم يوزنهم لك صح وتنحل المشكله ان شاء الله
ومثل ماقلت لك اصلا هي تجي شد بلدها الكفرات اللي ورى فيها ميلان خفيف طبعا مش قوووووي عشان الثبات
اذا كانوا على داخل واااااجد سوي ميزان في مكان محترم وقول لنا ايش يصير
.....
تحياتي

اشكر كل من رد وتفاعل مع الموضوع
متكرود السيارة ما هي مهبطه واللي عندي هو negative camber بالضبط
ذا سيلفر اكورد المشكلة من الكفرات ما فيها شك لاني لما غيرتها راح الصوت تماما بس هذي مكلفه كل شوي مغير كفرات..
i vetic 2005 هي صحيح من وكالتها ولكن اذا بتخرب الكفرات فهذه مشكلة
كثير من اشهر شركات السيارات ما تفشح الكفر ات الخلفية وما في اي مشكلة في الثبات واحسن مثال تويوتا
salamify اتوقع حلك هو احسن حل لهذه المشكلة

يعطيكم العافية شباب

انا في سيارتي مثل مايقولون فشحه خفيفة جداً يعني مو لدرجه تخرب الكفرات بسرعه
رحت لمحلات الميزان وكل مانزل تحت السيارة يشوفها يقولي ماينفع لها ميزان
لازم سحب كمر وشغله طويله عريضة وتكلف تقريباً 450 الى 500
طبعاً ماقتنعت بكلامهم وخليتها مثل ماهي ولأنه مافي صوت بحكم اني مركب
تورنزاgr80

اقتباس:

---

المشاركة الأصلية كتبت بواسطة بوثامر

السلام عليكم ورحمة الله وبركاته
انا عضو جديد على المنتدى وحبيت اشترك في المنتدى الرائع اللي استفدت منه كثير
وياليت تقبلوني اخ وصديق لكم
وحبيت اطرح مشكلتي حتى نفيد ونستفيد سيارتي هوندا اكورد موديل 2005 فل
المشكلة في الكفرات الخلفية كل 6 شهور او تقريبا كل 15 الف كيلو تحتاج تبديل كفرات خلفية بسبب تآكل الكفر
من الجانب الداخلي
وتكون مايلة على جنب بشكل واضح حتى بالنظر بسبب فشحة الكفرات الخلفية للهوندا
وتسبب ازعاج واصوات غريبة عجيبة وونه وحنه تقول راكب طياره
ولما تغير الكفرات ترجع السيارة هادئة جدا ولا اي صوت
ياريت اللي سمع او كانت عنده المشكلة هذي يفيدنا .. الجنط مقاس 16 .. الكفرات اللي استعملتها هي النوع الاول الدنلوب
والنوع الثاني تويو اللي ما انصح فيه ابدا
ــــوهل يوجد وزن للكفرات الخلفية لتخفيف من حدة الفشحة اشوي حتى لا تتآكل الكفرات من جانب واحد ؟؟؟؟
لانه بصراحة صعبة كل سته شهور او 15 الفغ كيلو مغير كفرات ...

---

انامجرب ونجحت معي سوي وزن للكفرات (( الخلفيه لها ميزانيه )) كمبيوتر وذا خلص اوزنها بالكمبيتر مع الي قدام وباذن الله تشوف نتيجه بس اذا لاحضت فيه فرق كبيررر فالعمليه نجحت معك مايبقى الا الكفرات القديمه يمكن طلع صوت خفيف مره مثلي انا وثمن ركب جديده وذا ركبت جديده مايمنع انك تسوي
وزنيه للي قدام والخلفي بس انا للحين ماركبت كفرات جديده انا انشاء الله من يوم اركب كفرات جديده بزنها ثانيه . طبعا كثير من الناس يازن الي قدام فقط والخلفي مايزنها مسئلة الكفرات الخلفيه حتى لو تفرش ما طلع صوت. وموفق:);)

نفس المشكله عندي غيرت كفر وتمسح بسرعه والميزان رفض يسوي وزن يقول لازم سحب ,وانا متررد اسوي السحب خايف يسبب كسر

يمكن المشكله عندك من ياي المساعد