هوندا من أسوء الصيانات بالدمام ، !
.
.
.
الســلام عليكم ورحمةُ الله وبركاته ،،
أسعد الله أوقاتكم بكل خير ..
ما يحتــاج اطول بالموضوع ..
,
,
كانت عندي مشكلة في سيارتي من فترة ولا عطيتها اهتمامْ ..
اللي هي ، كان القير يتحرك من مكانه بشكل بسيط جداً ، يعني تحس انه مب ثابتْ ..
انا قلت دام التعشيق ما عليه كلام ، وكذلك التبديلات ماشيه زي العسل ، فليش أهتم بالمشكلة ..
لكن مع مرور الوقت ، تفاجأت خلال آخر أسبوع أن القير فيه مشكلة ..
لما أجي أغيّر التعيشق من P إلى R ، يطلع لي صوت ، كأن واحد صادمني من الخلف ،، :confused:
..
المهم رحت لوكالة صيانة الدمام ، اللي جامعين أكثر من 7 مدن في صيانة وحدددددده بس !!!!
رحت لهم وشرحت لهم المشكلة ، مع اني ماخذ موعد ، ومداوم على تشيكات الوكالة ..
قالوا تدفع 160 للتشيك ، نشبت لهم انهم يسوونها على الضمان ، قالوا ما فيه ،،،
في الأخير ، مر تقريباً ، يوم ، يومين ، 3 ايام ، اما اتصلوا فيني ، !!
اضطريت اني انا اللي اتصل فيهم ، وقالوا اي سيارتك السوداء خلصتْ < يعني السيارة مخلصه ولا قالوا لي ، !!!
المهم رحت لهم ، وقالوا اني مسوي عليها حادث من تحت السيارة ، !
يعني ابغى افهم ، السيارة على يدي من الوكالة ، كيف مسوي حادث من تحت ،، !!!
آمنت بالله ، وشلت سيارتي لاني كنت مستعجل ورجعت للأحساء مع الغبنه ، :(
..
رحت وديت سيارتي للرياض ، اللي فيها فرعين ، هذا هي مدينة وحده وفيها مركز صيانتين لهوندا ، والشرقية ما فيها الا مركز واحد !!
المهم دخلت عليهم ، لا حجز ولا شيء ، واستقبال من اروع ما يكون ، واحلى شيء الشاي حقهم :d
شرحت لهم المشكلة ، ومسوين لي حجز للصيانة ، ومن يوم ثاني راسلين لي رسالة ان سيارتِك جاهزة ،،
وتأخرت عليهم يومين ، وكل يوم يرسلون لي رسالة جديدة ، ترى سيارتك خلصتْ ، :rolleyes:
تم عمل الصيانة ، وتصليح جميع الاعطال على الضمان ، وطلع كل السالفة ان القير يبي له برمجه فقط لا غير ، !!
واللحين السيارة ، ما شاء الله ، تبارك الله من اروع ما يكون ،
.
.
ما يستفـــاد من موضوعيْ
ان فرع صيانة الدمام ، زباااااااااااااااااااااله بكل ما تعنيه الكلمهْ ،
أعتذر عن هالكلمة ، ولكن كم مرة صادفتني مشكلة وياهم ، ولما اودي السيارة فرع الرياض ،
ألاقي كل حب واحترام واستقبال من اروع ما يكون ، وكأنهم يحسسونك ان سيارتك بي امْ دبليو .. :rolleyes:
تم كتابة الموضوع على السريع من القهــَر ، ولكن عشان يستفيد منه بقية الاعضاء وخاصة أهل الشـَرقيةْ ..
.
.
.