حل لمشكله كفرات الاكورد 2009-2010
السلام عليكم ورحمه الله وبركاته
حبيت اعرض لكم حل لمشكله بعض الشباب اللي يوجهون رجه بالكفرات وهي جديده
طبعا السالفه اني استلمت سياره اخوي امس المغرب <<قصدي هو اللي استلمها ;)
وبطبيعه الحال زرفتها مشوار بنص المغرب على الدائري امشي بين 80 الى 110 ك/س
حسيت برجه خفيفه بالطاره .. وقفت للمحطه وعبيت الهواء زين وكملت المشوار ونفس الرجه
اليوم الصبح مسنتر عند الوكاله وقلت لهم عن المشكله وطلعت لمدير قطع الغيار وسجل اسمي عشان فيه دفعه اطارات جايه لتبديلها للعملاء اللي مشتكين قبل
ورحت للمهندس اخذت منه ورقه طلب فحص للكفرات من الوكيل(برجستون) وطلب تقرير بالمشكله عشان الوكاله ماتغير لك الا بتقرير من برجستون لانها ماتتحمل المشكله ويتحملها وكيل برجستون
طبعا تاخذ الورقه لوكاله برجستون فرع الشفاء فقط وتسوي الفحص عندهم وترجع الورقه للوكاله بعد ماتاخذ منها نسخه احتياطيه عندك
وخلال اسبوعين الى شهر ممكن يتصلون عليك يقولون لك تعال غير الكفرات ونركب لك مراتب جلد ونظلل لك السيارة امممممم وش بعد يا عيال تبون :d<<فلها
هذا والله اعلم وصلى الله على نبينا محمد
سلطان بن عبدالعزيز .. المسافر ;)
