السلام عليكم كيفكم أعضاء منتدى هوندا
اليووم السيفيك في الصناعيه:(المهم كان يوم الثلاثاء أتمشى بسياره وعاديه ما فيها اي مشكله
المهم يوم جت الساعه 11 في الليل وأجيك اشتري من المطعم يوم شغلت وجيت أحرك شميت ريحة مثل الكهرب:eek:المهم قلت يمكن من الفحمات عشان فحماتي منتهيه المهم طنشت ورجعت للبيت ونمت يوم قمت الصباح وأنا في الطريق رايح للجامعه واشم ريحه بعد وأرجع من الجامعه واشم ريحه بعد:(قمت وقفة السياره يو جى اليوم الأربعاء قالت الوالده الله يحفظها ودني للمستشفى قمت وديتها أمشي شووي والريحه والله تقوى قلت ايش السالفه يووم جيت أوقف بظبط في مواقف المستشفى قامت الريحه ودخلت عند خشمي قالت الوالده وش هذي الريحه
قام طلع من نفس الدركسوون دخان وريحه قوويه قمت طفيت السياره علطول دقيت على أخووي الكبير قام قال لا تحركها دقينا على كهربائي متخصص ونعرفه زين قال لا تحركها شيلها في سطحه
المهم جت السطحه وشالت حبيبت قلبي:cry:وديناها الصناعيه وقال عندك مشكله في جلده بين البوري والرباق يمكن محترقه قال بكشف عليها الصباح بكره واعطيك ايش فيها يقول انشاء الله بسيطه يمكن يبغالها تصليح ويمكن يبغالها تغيير قطعه قولو انشاء الله هينه والله ظايق صدري على سفوكتي اتمنى من ألي قد مرت عليه المشكله يقول لنا وبكره راح أعلمكم ايش فيها بظبط واسف على الأطاله.
