عرض للطباعة
السلام عليكم
يا اخوان انا شريت اكورد 2007 6 سلندر
ماشي 100 الف
و ابي اغير زيت الجيربوكس
وش الزيت الي تنصحوني فية علما اني شريت زيت من محل بيع قطع غيار هوندا
لكن البنشري يقول موكويس و خذلك زيت كاسترول:mad:
و كمان فيه شي ثاني
الزيت اغيره مره وحدة و الا الافضل انزل القديم بمقدار علبه وحده و احط علبه جديدة
ياليت تفيدوني
مبروك السيارة يعطيك خيرها ويكفيك شرها
اذا الزيت ماقد تغير من الوكالة احسن تغيره على دفعات اشفط علبة وحط بدالها وكرر العملية
كل فترة وبعدين غيره مره وحده
اما اذا كان الزيت مغير قبل كذا فـ غيره مره وحده وخلاص
ونصيحه لاتحط غير زيت هوندا وماعليك من البروفسور الي رحت له تراه مايفهم شي
وكانك تبي العلم الصحيح غيره بالوكالة اريح لك كلها 180 ريال
انا اقول لك الحل وإن شاء الله يكون سهل عليك
زيت الوكالة اشوفه مناسب صراحه من حيث السعر والممشى وهي 40,000 ألف \ كم (182ريال شاملة التغيير واجور العمل)
وصدقني لما تغير الزيت من برى راح تتعب كل واحد يقولك كلام ولا تدري مين الصح او الغلط !
رجع علب الزيت إلي شريتها ومن بكرا عند باب الوكالة اتجه على الصيانة السريعة Quick Service
صدقني في خلال اقل من ساعة وانت مخلص ومرتاح بالك .
والله يعطيك خيرها ويكفيك شرها :)
لا تحط زيت غير زيت الوكاله ..زيت كاسترول يحمل مواصفة Dexron iii
وتقدر تحطه في الهوندا ..بس بيسبب لك مشاكل في تغييرات القير
والى الان مافيه بديل لـ زيت الوكاله فـ مضطرين نحطه ..وتقدر تغيره برا او في الوكاله الي تشوفه
اهم شي لاتحط غير زيت هوندا ..
وبالتوفيق...
يعني كلكم متفقين على زيت هوندا
طيب يا خوي King انت تقول رح للوكالة اريح و اكيد الوكالة راح تغيره دفعه وحدة و انا ما ادري صاحبها الاول قد غيره و الا لا
و الا امشي على كلام accordyon افضل
و بالنسبة للصورة هذي هل هي صورة فلتر القير الخارجي
http://www.m5zn.com/uploads/2010/5/8...7zzo4r7bks.jpg
و جزاكم الله خير على الدعوة الطيبة
اقتباس:
مبروك السيارة يعطيك خيرها ويكفيك شرها
اذا الزيت ماقد تغير من الوكالة احسن تغيره على دفعات اشفط علبة وحط بدالها وكرر العملية
كل فترة وبعدين غيره مره وحده
اما اذا كان الزيت مغير قبل كذا فـ غيره مره وحده وخلاص
ونصيحه لاتحط غير زيت هوندا وماعليك من البروفسور الي رحت له تراه مايفهم شي
وكانك تبي العلم الصحيح غيره بالوكالة اريح لك كلها 180 ريال
هذا الكلام السليم .. احتياطا غيره على دفعات والمره الاخيره غير الفلتر
اقتباس:
انت تقول رح للوكالة اريح و اكيد الوكالة راح تغيره دفعه وحدة و انا ما ادري صاحبها الاول قد غيره و الا لا
حتى تطمئن شيك على الزيت وشوف لزوجة الزيت ، والأفضل لك وللقير حتى ماتصير لك مشاكل مستقبلا ً خصوصا ً مع قير الـ V6
غيره وماراح تخسر شيء وابدأ بحساب عدد الكليومترات من وقت التغيير حتى يتسنى لك بالمره القادمة تغيره بالوقت المحدد من غير تأخير .
هذا موضوع بخصوص تبديل فلتر القير لكل موديلات السيارة
http://www.hondaarabia.com/club/show...E3%DD%ED%CF%E5
وهذا موضوع خاص لأصحاب الـ V6 وفيه معلومات هامه لتبديل الفلتر ، وتقدر تسويها بنفسك :)
http://www.hondaarabia.com/club/show...%D1%CF-v6-2007
الله يعطيكم العافية
شاكر مروركم و افادتكم
لكن الفلتر الموجود بالصورة هل هو حق 6 سلندر
http://www.m5zn.com/uploads/2010/5/8...7zzo4r7bks.jpg
^^^
الي موجود بالصوره خاص بـ ال4 سلندر
مشكور اخوى اكورد لؤلؤي
على كذا اروح ارجعها و اخذا حق السته
افضل زيت تغيرة زيت هوندا ولايضحك عليك البنشري
انا مجرب زيت الدركسون غيرت زيت عادي سار يطلع صوت رجعت غيرت زيت هونداء راح الصوت.