مرحبا
اول شي الحمدلله على سلامتي من الفجعة والحمدلله السياره ماصرلها شي غير خدشة بسيطة في الصدام الامامي وماتنشاف
يافي ناس قليلة ادب وتحب الاستعراض...
اليوم الصباح وانا اودي الوالدة للمستشفى كعادتي الطريق زحمه لزوم التصليحات والتحويلات عشان يسوو كوبري في شارع التحلية عند تويز ار اص وبنده العزيزيه
جاي واحد راعي اكسنت 2005 قدامي يسرع ويسقط بين الناس في الاخير كبس فرامل والسياره تزحلق وانا فرامل والي ورايا واديلو احلا بوسه في صدام سيارته وادقله بوري على استهتاره
ويطلع من السياره ويصايح ويستعرض عضلاته قدام اهلي وطلعني من السياره ويديني احلا كف ليش هدا كلو
عشان دقيتله بوري والوالده طلعت بلعكاز وبهدلته وقالتله انتا ماتستحي سياره فيها حريم وانت تتهجم وهو قليل ادب
طبعا انا ماسكتله وصفقته كم كف طيرتلو نضارتو هدا عشان الكف واتكسرت قزازها واديتو احلا ركبه في"طوووووووووط"
:p
اعتقد من بعدها ماراح يخلف وينجب بزارين مستهترين مثله
ووهدا عشان سب الوالده وقلها كلام مو كويس فيه قذف
:eek:
وكنت بلمشعاب افتحلو راسو واخلي الدكتور مايعرف يعالجه
لاكن
طلعو الناس الي فزع معايا وكان ورايا جمس بليزر 77 الحمدلله ماصدمني وطلع ولعن وسخط في راعي الاكسنت
طبعا بعد الاخ راعي البليزر ماخد حقي وحق استهتاره سكت
وفي الاخير ركب سيارته ومشي وجالس يساقط على الناس ويسويلي حركة وسخه وانا اكبسله بلعالي
السؤال
متى تجينا كميرات ساهر عشان الناس هدي تخف وعندي رقم لوحة سيارته المعتوه هدا ايش ممكن اسويله
