عندي مشكلة تهريب زيت { أكورد 2008 } والوكالة ترفض إصلاحها على الضمان

السلام عليكم

ياشباب عندي تهريب بصوفة المكينه والوكالة اتفقت معهم يصلحونها على الضمان

وقالوآ اتفقنى لكن قلتلهم انا مااستغني عن السياره بهالوقت لأن عندي اختبارات كلها اسبوعين وتخلص

المهم خلصت الإختبارات وجيت لمهم وشيكوآ قالوآ لا مانسويها لك قلت ليش ويين الاتفاق قالوآ ماعلينا منك

قلت السياره ماشيه 96 الف للحين ماخلص الضمان عاد قال المهندس إننا إتصلنا على الفرع الرئيسي وجانا رفض تام

عاد كل الوكالات نصابه يعني مو بس هم لكن حسابهم عند رب العالمين قال ضمان قال

مااطول عليكم الوكاله تقول نصلحها على حسابك شغل يد 1750 والإجمالي 2266ريال

وفي ورشه تسويها بـ حوالي 600 إلى 900 ريال

ايش رايكم أسويها في الوكاله ولا برا ..؟ وانا الصراحه خايف من الورش انهم

يسرقون قطع من السياره ولا يبدلونها كل شيء جايز هاليومين

حسبي الله عليهم
اجل وش فايدة هالضمان اللي زي قلته :mad:
وانا من رايي انك تصلحها بورشة احسلك
من نصب وجشع الوكالة
اجل 2266 ريال على صوفة :eek:
توكل على الله وشفلك ورشة كويسة وان شاءالله تضبط امورك
والله يعينك :)

اا اشوف دام الضمان ما انتهى تتصلح عليه وشوف رأي الشباب وانت تحكم بس يبيلك تعطيهم العين الحمراء

الله يعينك اخوي
الغريب في الموضوع ان المشكلة من المكينة و ما يصلحوها عجل و يش فايدة الضمان
سؤال
انت وين كنت اتسوي صيانة في الوكالة ولا برة ؟
اذا كنت اسوي الصيانة في الوكالة راجعهم بدفتر الصيانة
انا من راي سوية في الوكالة حتى لو على حسابك و الله يعوضك و يحاسبهم
انا ما اثق في الورش

لو انا منك ما اسكت عن حقي يصلحو السيار يعني يصلحوها والله ما اطلع من الوكاله اجل الضمان وش يشمل ادا هدي مايصلحوها الظاهر الضمان يشمل مخابيك ومحفظتك وحسابك في البنك ما يشمل المكينه والجير ..

اركب للمدير وقول له تفاهم وياه قول له فهمني ايش يشمل الضمان حق اعرف وقول له يقنعك ليش ما يشملها الضمان واشكيهم للشركه الام ادخل وياهم تحدي

ملاحظه ( السالفه مو سالفة فلوس السالفه سالفة غصبا عنهم يصلحوها ما ينصبو على العميل )

وعليكم السلام

الله يكون في عونك أخوي عبد السلام أنا عندي لك أقتراح وإلي هو تدق على صيانة الرياض فرع خريص وتأخذ موعد وإذا أعطوك الموعد تروح لهم بس لا تقول لهم أنك جاي من القصيم لانهم رفضو تصليحها على الضمان أنت أدخل وقل لهم عندي مشكله التهريب وإن شاء الله ما تطلع منهم وإلا هم مصلحينها على الضمان وإذا رفض المهندس أطلب مدير الصيانة وقول له إن المسألة مهمه ولازم يصلحونها على الضمان ومن الكلام هذا .

اقتباس:

---

المشاركة الأصلية كتبت بواسطة ن ع ر السعودية 0005

وعليكم السلام

الله يكون في عونك أخوي عبد السلام أنا عندي لك أقتراح وإلي هو تدق على صيانة الرياض فرع خريص وتأخذ موعد وإذا أعطوك الموعد تروح لهم بس لا تقول لهم أنك جاي من القصيم لانهم رفضو تصليحها على الضمان أنت أدخل وقل لهم عندي مشكله التهريب وإن شاء الله ما تطلع منهم وإلا هم مصلحينها على الضمان وإذا رفض المهندس أطلب مدير الصيانة وقول له إن المسألة مهمه ولازم يصلحونها على الضمان ومن الكلام هذا .

---

كلام صحيح

شوف اخوي صور السياره الطبلون طبعا عشان العداد وارسل للشركه الام وطلب التعويض منهم وتصليح خارج الوكاله افضل
والذي يصلح قول بغى ضمان لمده شهر وجرب افضل وشوف اخواني يقولون لك ورشه زينه

قرأت ردودكم يااخواني جزاكم الله خير

تم إدخالها لورشة والإتفاق على اتمام العمليه بأذن الله

وتم إنزال المكينه والقير :( وجاري تبديل الصوفه المكينه الوسطى وصوفة القير

يارب ترجعها لي أحسن من أول :(

والتكلفة 600 ريال شغل يد و حوالي 70 ريال قيمة الصوفتين حسب كلام مسؤل الورشه

إن شاء الله بكرا او بعده تطلع ..

والله مافهمت ايش تقول !!

ايش سبب رفض اصلاح السياره اذا كانت كل الشروط حق الضمان عندك مستوفيه !!

^^

إآحتمآل غير منتظم في الصييآنه الدوريه :p

اقتباس:

---

إآحتمآل غير منتظم في الصييآنه الدوريه

---

صح عليك بس موب كلام هذا انا اسوي الصيانات من اول مااشتريتها بس المالك الأول ماكان يسويها:thumbdown:

يا بوي اتصل جده وكلهم وربك يسهلها ويسوونها لك

كم ماشيه السياره وهل جاها حادث قبل ؟؟

السياره ماشيه 96 الف للحين ماخلص الضمان

وهم أخذوها عذر ان المالك الاول ماكان يسوي كل الصيانات بس انا اسوي

لكن انا صلحتها والحمد لله بورشه جيده نوعا ما ولا خلصت اليوم وكلفني 750 ريال خلال 24 ساعه صلحوها نزلوآ المكينه والقير وغيروآ الصوف ورجوها مكانها



والوكاله تصلحها بـ 2266 غير كذا تجلس بالقليل اسبوع

وشغلهم مو ذاك الزود وخصوصآ انه الفرع الي عندنا ببريده اي كلام
مشي حالك زيت وسيفون هذا الي يقدرون عليه ..