لقيت قير 6 سلندر بعد جهد جهيد

السلام عليكم

انا قبل فترة نزلت موضوع بخصوص قير 6 سلندر وين ممكن احصله وما قصر اخوي المباشر لكن مالقيت تفاعل من

قبل الاعضاء الاخرين فقررت الذهاب للرياض بحكم اني من الشمال فلقيت قير يقول انه جايهم من الامارات ياباني جديد

ولقطته معي للورشه وركبوه لكن الســـــــــــؤال المحــــــــــير ؟؟

س /بعد التركيب حطوا (8) علب اكسيدلكوا هل العدد صحيح لانهم ماشغلوا السيارة ؟وكم العدد الصحيح للعلب ؟

س/ هل من الضروري تشغيل السيارة اذا نويت تعاير الزيت ؟زيت القير ؟؟

س / ماغيرو الفلتر يقولون ماهو لازم لانه جديد هل كلامهم صحيح ؟؟

وفي الختام غسلت السيارة بستم وبعد ماوقفت بالبيت اشوفه تهرب زيت وش السواة معهم اذبحهم ؟؟:mad:

يمكن صوفة القير ضاربه معك اذا عندك تهريب

اذا كلامي صحيح الله يعينك لازم تنزل المكينه والقير ويغير الصوفات


وبالنسبه لعيار الزيت الافضل انك تطلع العيار وتنضفه والسيارة شغاله بعدين ترجعه مكانه وتروح تعشق القير لـ r بعدين ترجعه لـp وبعدها تقيس

اذا الزيت زايد لابد يطلع تهريب حاول تشيك على الزيت فقط واذا زايد سوله شفط وتنتهي المشكله وعلى فكره بكم شريت القير يعني عطنا نبذه عن السعر

اقتباس:

---

س /بعد التركيب حطوا (8) علب اكسيدلكوا هل العدد صحيح لانهم ماشغلوا السيارة ؟وكم العدد الصحيح للعلب ؟

---

السعه الاجماليه لـ زيت قير ال6 سلندر 7.2 لتر بالضبط
وسعة التغيير 2.9 لتر ((الي يخرج من الصره))

بس الغريب انك تقول حطيت زيت اي سي ديلكو ..ودي لو انك حاط زيت الوكاله افضل
صحيح غالي شوي لان الوكيل محتكره ويتحكم في السعر حسبي الله ونعم الوكيل
وحنا ماعندنا زيوت بـ مواصفات عاليه تتوافق مع قير الاكورد للاسف

لكن مو مشكله زيت اي سي ديلكو يمشي الحال
وبالنسبه للتهرب ..تاكد من لون الزيت ..هل هو زيت قير او مكينه
زيت القير لونه احمر ..

واذا تبي تعاير الزيت تشغل الى ان تصل الى درجة حرارة التشغيل ..


وبالتوفيق ..

رحت للوكالة وسالتهم عن عدد علب الزيت فقال 3 علب اذا غيرته بدون فلتر واذا زاد راح يخرب عليك الصوف

ورجعت للورشة اللي غيرت القير عنده وقالي ان التهريب من الصوف قسم بالله بغيت اصكه كف على وجهه ومن الجراة يقول هات

الصوفه وافك القير والمكينة من جديد وعلى حسابك ولما قلتله الخطا منكم حطيتوا 8 علب بدل 3 علب قالي خل الوكالة تصلحه لك ؟؟؟

على باله فاهم الوضع يقول شغلي صحيح ومعاند على 8 علب

الحين متخسر فوق 6 الاف ريال فقررت اني اخربها معه واشتكيه فهل في امل اني استعيد لو حق التركيب منه ولا قضيتي خسرانه

لوكنت مكانك ياعبادي كنت صكيته كفين

عشان يفهم انو في ناس فاهمه وواعيه

والشكوه لله بس حتى اذا اشتكيت ماعتقد راح تاخد حقك

انا ماادري وش معجبكم بالاكورد هذي السيارة دمرت حياتي من شريته وانواع المخاسير ولا بعد ماتلقى القطع الا بالرياض وجدة

وأخرته وصلت المحاكم بعمري كله مادخلت محكمة الله لايبارك بالاكورد صارت قضايا والله يستر لاندخل السجن بسبته

انا لا اقصد الاهانة لكم لكن السلامة منه مطلب

اقتباس:

---

المشاركة الأصلية كتبت بواسطة a n m a r

لوكنت مكانك ياعبادي كنت صكيته كفين

عشان يفهم انو في ناس فاهمه وواعيه

والشكوه لله بس حتى اذا اشتكيت ماعتقد راح تاخد حقك

---

ليش ما اخذ حقي معي فاتورة التركيب ومسجل عليها /

تركيب قير 6 سلندر 1200 ريال
علب زيت عدد 8 القيمة 10 80 ريال

اقدر احجه على علب الزيت اللي مزود

ولا تبي ادفع غير قيمة القير وتركيبه والزيوت وهو فاحصه بالكمبيوتر ويقول سليم

بالعربي انا صنعت السيارة من جديد كل شي يطري على بالك غيرته وصل الضغط معي h

اخي الكريم احب اوضح لك نقطه ..
في فرق بين سعة التغيير ..والسعه الكليه

سعة التغيير زي ماقالوا لك الوكاله >> 3 لتر

لكن السعه الكليه >>>7.2 لتر

واقصد بـ سعة التغيير الزيت الي يخرج من الكارتير عند تغيير الزيت
ولكن يبقى زيت بداخل القير لا يخرج مع فتح الصره
وهذا الزيت المتبقي في داخل القير مايتفرغ الا بـ فك القير

يعني العامل صحيح زاد في كمية الزيت ..لكن مازاد زي ماانت متصور
يعني مازاد 4 علب ..هو زاد تقريبا 800 ملي فقط

وترا شغلتها بسيطه ..مجرد تغيير صوف وان شالله القير ماتأثر
وحاول تطلعها من خشمه ..ولا قله يغيرها وبعطيك فلوس ولا تعطيه
والشكوى لله تحمل حق الصوف وان شالله ماتكون غاليه
الى متى واحنا ضحيه ل هؤلاء الجهله ..!!!!

اقتباس:

---

المشاركة الأصلية كتبت بواسطة اكورد لؤلؤي

اخي الكريم احب اوضح لك نقطه ..
في فرق بين سعة التغيير ..والسعه الكليه

سعة التغيير زي ماقالوا لك الوكاله >> 3 لتر

لكن السعه الكليه >>>7.2 لتر

واقصد بـ سعة التغيير الزيت الي يخرج من الكارتير عند تغيير الزيت
ولكن يبقى زيت بداخل القير لا يخرج مع فتح الصره
وهذا الزيت المتبقي في داخل القير مايتفرغ الا بـ فك القير

يعني العامل صحيح زاد في كمية الزيت ..لكن مازاد زي ماانت متصور
يعني مازاد 4 علب ..هو زاد تقريبا 800 ملي فقط

وترا شغلتها بسيطه ..مجرد تغيير صوف وان شالله القير ماتأثر
وحاول تطلعها من خشمه ..ولا قله يغيرها وبعطيك فلوس ولا تعطيه
والشكوى لله تحمل حق الصوف وان شالله ماتكون غاليه
الى متى واحنا ضحيه ل هؤلاء الجهله ..!!!!

---

المشكلة الان السوري خرب القديم وسكتنا والحين خرب علي القير الجديد وهو مفحوص بالرياض ومضمون ومشواري

من الرياض الى الشمال علشان يركبه المتخلف ويقول بلسانه انه السيارة سليمه وفحصها بالكمبيوتر وقال القير سليم

ميه بالميه ولما وصلت البيت احترقت الصوفة بسبب زيادة الزيت بالقير

ولما رجعت له رفض يصلحها حاليا قدمت فيه بلاغ شكله سباك يتعلم بالسيارات والمخاسير اطلعه من فوق خشمه

اقتباس:

---

المشاركة الأصلية كتبت بواسطة abdelslam

يمكن صوفة القير ضاربه معك اذا عندك تهريب

اذا كلامي صحيح الله يعينك لازم تنزل المكينه والقير ويغير الصوفات


وبالنسبه لعيار الزيت الافضل انك تطلع العيار وتنضفه والسيارة شغاله بعدين ترجعه مكانه وتروح تعشق القير لـ r بعدين ترجعه لـp وبعدها تقيس

---

عملت الطريقة وهي فعلا ناجحة لكن طلع الزيت في منتصف العيار متعدي الفتحتين

انا ماعندي خبرة لكن على وصفي هل الزيت زايد ؟؟؟؟؟؟؟

العبادي : الظاهر انا وياك مكتوب لنا العناء من الاكورد v6 2007 حتى انا خسرتني كثير ، والآن احاول ابحث لي عن حل في القير غير التوظيب ، (على فكرة كان معاي اكورد l4 2006 ، ياليتني مابعتها اقسم بربي اني مرتاح معها ولا غيرت فيها اي حاجة وهذا يفسر قل الطلب على v6 )

تحياتي اخوي والله يعيني وياك "الصبر"

استخدامك لزيت اي سي ديلكو معناه كأنك ياعبيد ماغزيت

انصحك بأقرب وقت تعمل تنظيف للقير وتستخدم زيت هوندا فقط وراجع خاصية البحث وان شاء الله تحصل الطريقه لأننا ذكرناها كثير او راجع كتيب المستخدم مذكوره فيه :)

يا شباب حاليا افكر اني اركب قير رقم 3 واتمنى تكون التركيبة الاخيرة حصلت قيور يقول انهن مخبطات ومصلحات من جديد

مادري وش رايكم مع العلم ان الضمان حق القير اللي معاي لازال ساري فقلت اتغانم الفرصة قبل ماينتهي مدة ضمانه

والله ياخوي انا صارت معايا وتعاملت مع الورش هذي والله لو ما تكون فاهم خرابك يضحكون عليك سلام سلام يعني انصح كل واحد يسال عن الخراب الي بسيارته قبل لا يروح للمكيانيكي عشان يروح وهو فاهم
رحت ابغى اوزن البريك الا خربه اخينا في الله ولما رجعت له وحاول يصلحه ماعرف وجا يقولي ما عرفت روح عند واحد متخصص هوندا بعد خصام ومضاربه انا وهو رجعت وقفت السيارة بالعرض قدام الورشه وقفلت عليها وقلتله السيارة ماتتحرك الين تعطيني حق تصليحها واذا فيك خير اسحبها او المسها بس بعدها رجعلي حق الوزن يعني بالعربي ماينفع مع الميكانيكين الطيبه والضحك اخربها
انا اخر مره ابغى اغير جلدة العكس الخارجي يقولي لازم افك العكس والقير قلتله انت صاحي ولا تستهبل معايا اش دخل الجلدة الخارجية للعكس مع القير يقول لا لازم قلتله حسستني انه القير جاي قالب واحد مع العكوس قام قال خلاص ما عرفت لها
احذروا من الورش هذي يا شباب
تحياتي

اقتباس:

---

المشاركة الأصلية كتبت بواسطة العبادي

يا شباب حاليا افكر اني اركب قير رقم 3 واتمنى تكون التركيبة الاخيرة حصلت قيور يقول انهن مخبطات ومصلحات من جديد

مادري وش رايكم مع العلم ان الضمان حق القير اللي معاي لازال ساري فقلت اتغانم الفرصة قبل ماينتهي مدة ضمانه

---

القير الموضب يرجع يخبط حتى لو كان توضيب الوكالة برضوا يخبط ماينفع بتاتآ

لاتخسر نفسك حاليآ ومشي امورك بالقير اللي معاك واذا خبط ولا شي ذاك الوقت فكر بالتبديل لانك ماتدري ممكن يمشيك مسافات طويله وشهور ويمكن سنين :)

اخوي المباشر لو السيارة ماشيه ماازعجت نفسي بالقير الثالث لكن السيارة حجرت ماتمشي بتاتا البته وضمان القير

ماانتهى باقي شهر وش رايك ؟؟مع العلم ان القيور هذي مجربها واحد ويقول الى الحين ماخربت معاي اكثر من

شهرين وانا من زود الثقة قير اماراتي مافك وخرب من اول يوم ؟؟؟

لاحول ولا قوة الله بالله

الله يعوضك ويفرج همك ويعينك على ماجاك من موترك

انا اشوف دام القير باقي عليه ضمان روح لهم يركبون غيره واستخدم زيت هوندا الاصلي وان شاء الله يطول معك

واذا قدرت تاخذ فلوسك افضل وتاخذ لك قير هوندا سعودي مش موضب من التشاليح ابرك لك :)

السلام عليكم
كيفك يالعبادي
حصلت لك هذا الاعلان وان شاء الله يفيدك

قطع غيار مرسيدس مستعمله مكائن فورد هوندا
نحن نوفر لكم قطع غيار للمرسيدس ( شبح _ ابو عيون _ فياغرا )

يوجد مكائن لسيارات الفور د مع القير

يوجد مكائن لسيارات الهوندا مع القير

للاستسفار ارجوا الاتصال على تلفون الورشه
0596242184


038231427
ودمتم سالمين :)

اخوي العبادي طلع الزيت الزايد من القير ... وجرب السياره بعدها

اذا السياره ماتمشي مو معناه القير فيه مشكله لان القير يعتمد على ضغط الزيت في التغييرات وانت معيار الزيت عندك اكثر من الطبيعي

والله يعينك وانا اخوك

اضغط هنا