معلومة جدا مهمة والأغلبيه مايعرفها
السلام عليكم ورحمة الله وبركاته
صباحكم ومسائكم زين>>>>عالم جميل:d
اشلون الشباب وكيف الأختبارات>>>خلص جامعة ومرتاح:d
ندخل في صلب الموضوع
طبعا هي معلومة انا قلتها حق الشباب اللي اقابلهم وفي ناس سويتها وفي ناس مترددة
وفي ناس انتظرتني اسويها عشان يشوفون فرق عزم السيارة:rolleyes:
طبعا انا انصح كل شخص مابين 2500-4000 كيلو يغير زيت المكينة+السيفون(فلتر الزيت) بسبب الصيف
لزوجه الزيت في الصيف تروح مثل الهواء
وهو غسيل للمكينة في فصل الصيف كل 5 تغيرات للزيت
وفي حلول الشتاء غسيل المكينة كل 8 تغيرات للزيت
طبعا البعض يسأل ماهو الزيت؟
الزيت هو غسيل للمكينة يفتحون العلبة الكبيرة حجم 4 لتر ويضعون الزيت حقها معا زيت المكينة القديم
ويشغلون السيارة مابين 5-10 دقائق الى ان يتم غسيل المكينة من الداخل
طبعا اثناء حدوث العمليه ممنوع منعا بات دعس بانزين السيارة فقط قم بتشغيل السيارة وخل الوقت يمشي
وسعر الزيت هو 40 ريال مكتوب على العلبة زيت غسيل للمكينة وهو جدا ممتاز
واكثر الشباب ترى مايعرفون ان هذي الملعومة تفيد من ممشى السيارة
لأنه طبعا الزيت في داخل المكينة يتجمع ولكن الأغلبية يقول كيف الوصخ داخل المكينة تطلع؟
بهذا الزيت جميع الأتربة والوصخ اللي داخل المكينة تطلع
لدرجة اذا رحت عند اي محل يغسل لك المكينة انزل وشوف كيف لون الزيت :eek:
وهذي معلومة ياشباب ترى جدا هامة
وانا دائما اسويها على سيارتي
واذكر في اخر تجمع في هافمون قلتها حق الشباب اللي جو من الغربيه وماأدري مين هم :)
واللي عنده اي استفسار او سؤال انا حاظر
وسلام عليكم ورحمة الله وبركاته
اخوكم عثمان بن خالد
o-k-r
يعلم الله اني خايف تخبط مكاينكم أو تتأثر ... وابي لكم الخير
[quote=o-k-r;401018]
اقتباس:
المشاركة الأصلية كتبت بواسطة جاكي2
لا ياحبيبي
زيت القديم يكون موجود+اضافه زيت الغسيل
والصرة تكون مسكره
وتشغل الموتر حول 5-10 دقايق
وبعدها تطفي الموتر
وتغير السيفون وتغير الزيت وكان الله غفور رحيم
امس سويناها في موتر واحد
وهو اول مررة يسويها
وعزم الموتر مرررررة فرق
من اول دعسه فرق بشكل ملحوظ
وعلى قولتك تاخذ مدة معينه
في ناس سويتها بالعمر مررة فقط
وفي ناس مرتين او 3 والحمدالله مافيه اي اضرار على المكينة
لأنه اذا الزيت مشيت عليه واجد بتجي وصخ وحوسه وألخ.....
واذا عملت تنظيف بالعكس
يكون جدا مناسب
بسبب ان اضفت زيت جديد بيكون زيت الجديد عليه الوصخ وكل معا تغير الوصخ بتكون موجودة وقتها منت مستفيد اي حاجة
بعكس لما تعمل تنظيف انت المستفيد وقتها
ومشكور على النقاش اخوي
وان شالله وصلت لك الفكرة
اسمحلي اخوي مع احترامي لك ( طريقتك × غلط × )
مافيه انسان ما يخطأ ( لكن الانسان الفاهم والذكي يصحح أخطائه ويتعلم منها )
أول شي زيادة الزيت بالكمية الكبيرة هذي ( مضرة ) لا وبعد لمدة 10 دقائق :eek: >>> تضر المكينة والصووف وممكن الوجيه (تبدأ ترشح المكينة )
واذا ما تضررت مكينتك ( احمد ربك ) عدت على خير .. ولا تنسى ان مكاين الهوندا وقطع غيارها غالي
ثاني شي انت حسيت بالفرق بسبب ( زيت الغسيل )
ثالث شي الطريقة الصحيحة هي :
1) افراغ الزيت القديم بالكامل .
2) تنظيف الصرة وتركيبها . ( عدم تغيير السيفون اذا ما تبي تزيد التكلفة ) >> اذا بتغير السيفون يكون أفضل
3) تعبئة زيت الغسيل ... ويكون أصلي وممتاز مو أي كلام ( الكمية حسب المعلومات المكتوبة على علبة زيت الغسيل أو السعة المعتادة عند تغيير الزيت)
4) تشغلها وبدون ما تدعس بنزين أبدا ... وتخليها لمدة 10-5 دقائق ( على حسب الزيت والمعلومات المدونة على العلبة )
5) تطفي السيارة وتفك الصرة وتنظفها ... وتفرغ الزيت بالكامل .
6) تغير السيفون بأصلي جديد .
7) تعبئة الزيت الجديد المناسب ( حسب حرارة الجو تحدد اللزوجة المناسبة )
انا حبيت اصحح المعلومات ... واحذر الأعضاء ( لا تعبون < تضيفون > 4 لتر على الزيت القديم :eek:)
واحس انه واجب علي اني احذركم ...
وعموما زيت الغسيل ( لا أنصح فيه خصوصا السيارات اللي ماشية كثير < قديمة حتى لو شوي > )
واذا انت خايف من زيت الغسيل تعبيه لوحده
تقدر تعبي 2 لتر زيت غسيل و2 لتر زيت مكينة ( الكمية حسب المكينة )
^^^^^^^^^^^^^^^^^^^^^^^^^^^^^^
أفضل من أنك تعبي كميه كبيره من الزيت لأن المجموع يصير بعد اضافة زيت الغسيل على الزيت القديم = ( 7 أو 8 :eek: لتر زيت )
هذي وجهة نظري
وأرجو ما احد يزعل أو يتضايق من كلامي
انا ممكن يكون أسلوبي جاف شوي لكن اعذروني
