عرض للطباعة
مسيكم بالخيـر جميعآ
حبآيبي , الموضوع ومافيه زيت المكينه لسيارتي
طبعآ اليوم جيت أغير زيت المكينه , يوم جيت أغيره جآ العآمل وعآير الزيت ولقى المصيبه
أن الزيت السياره مافي ولا شي , الا بآخر المعيآر شي بسيط
أنآ مسكت رآسي ذاك الوقت قلت وش ذي المصيبه ولا شي بزيت المكينه ؟؟؟ :(
طبعآ هذه ثآلث مره تقريبا تصير لي عند تغيير الزيت
يآليت يآشبآب تفيدوني بالموضوع لأني والله فآقع قلبي هالموضوع ومتضايق وأخلاقي قآفله
أحد صآرت له الحآله هذه ؟ ولآ بس أنآ ؟
طبعآ سيآرتي موديل 2007 v6
......
تأكد من ان السيارة مافيها تهريب لان فيه واحد أعرفه صار له نفس المشكلة لما عاير الزيت ماحصل ولا قطره بسب السفون ماركب صح
طبعا ماصار للمكينه شي لا حراره ولاصوت طقطقة ما شاء الله تبارك الله (يلوموني في الأكورد).
إذا كان مافيه تهريب ادعس لاقرب ميكانيكي .
الله يعينك...
حبيب قلبي طلول :) من شريت سيارتي وماشيه 5 كيلو مادري كم المهم من الوكالة وبعد ممشى 5000 لاحظت نقص بعد 3500 كيلومتر واستخدامي زيت هوندا
وكثير يقولون ماينفع لماكينه السته سلندر وماني عارف وللحين ماجربت زيت ثاني اثقل شوي يمكن يضبط الوضع
وترى نشبت لين قلت بس للوكالة قبل ويقولون طبيعي
والمصنع ذاكر في كتيب المالك انه طبيعي ينقص مقدار علبه كل 1000 كيلومتر ويقولون ان معدل الاستهلاك يكون اعلى اذا كان المحرك جديدآ
المهم انك تابع الزيت كل 3 الآف او 3500 كيلومتر وراح تشوفه ناقص نص علبه او اكثر شوي كل مامشيت عليه اكثر
والسبب الرئيسي اذا دايم ممشاك بحدود الـ 160 وزياده على الخطوط شبه يومي
زي ماقال اخونا المباشر ..
طبيعي اذا هو في حدود الطبيعي ..
وبالعكس ياخي هذا شي حلو ..انا اتمنى ان سيارتي تنقص ..
عشان ازودها زيت جديد على الزيت القديم الي في المكينه
يعني لاتخاف السياره طبيعيه ..بس انت شيك على الزيت كل 2000 كيلو وماعليك
وبالتوفيق..
الله يعافيكم على ردودكم . ماقصرتو يالذيابه
رآح اشيك وأشوف , بس الي مخوفني أنه اذا جيت اغير الزيت يكون زيت السياره القديم مافي الا شي بسيط
طبعآ الزيت الي اغيره هو , بترومين واغيره كل 5000 كيلو
طيب أخوي المبآشر , المشكله أن ممشاي قليل يعني اذا سرعت بالكثير أمشي 110
طيب ياشبــآب ,,,, يعني الحين اذا نقص معي الزيت ازود عليه , ولآ شسآلفه :d
صباح الخير :)
عزيزي غريبه اذا هذا ممشاك وينقص !!! حاول تفحص المكينه اذا فيها تهريبات ولا شي واذا قدرت تفحص كمبيوتر يطلع لك كم ضغط البساتم يكون افضل علشان ترتاح نفسيآ
وعادي كل مانقص زوده ماعندك أي مشكلة بتاتآ
اخوي طلال
الزيت الوحيد الي استخدمته ولاحظت عليه نقص واااضح هو بترومين الترا سفن
وزيوت غيرها مااشتكيت منها في النقص
يعطيكم الف عآفيه مآقصرتو (المباشر - متصفح ) ولا يهونون الباقين
أخوي المتصفح , ترا مب بس زيت بترومين ينقص معي , كنت من قبل احط زيت كاسترول وبرضو كان فيه نقص
على العموم ماقصرتو وشكلي بشيك بالوكالة واتاكد شسالفه
تراي نسيت اقولكم , لاحظت فيه زيت خفييييف على مكينه السيارة تتوقعون فيه تهريب من المكان هذا ؟؟ :confused:
زيت كاسترول مااستخدمه وماافتيك في الموضوع بصراحه
عموما في البداية شيك على السياره اذا في تهريب
الزيت الي استخدمه موبيل اكس اتش بي ( زيت عادي وليس تخليقي ) امشي عليه 5000 وماالاحظ نقص يستدعي اضافة زيت
واستخدمه من فترة طويلة واكثر من مره اشيك عليه بعد 5000 ومااشوف فيه نقص ...ولزوجته مثل زيت هوندا 15-40
بخصوص الزيت الي على المكينة الافضل تروح لورشة او الوكالة عشان تتأكد من الموضوع
اقتباس:
الزيت الوحيد الي استخدمته ولاحظت عليه نقص واااضح هو بترومين الترا سفن
اخوي انا استخدم الترا سفن لي سنه ونص الحين
يعدي 3500 كيلو وماينقص ولاقطره .. ماشاء الله :cool:
الترا سفن حده 3500 كيلو عاد اذا زودت ممكن ينقص
قبلها كان عندي نقص في الزيت والسبب :
كنت اغير عند بنشري الله يسامحه بس
خرب الصره .. رحت غيرتها وضبطت الامور
اخوي تاكد لايكون في تهريبات :)
حبيبي أنا صارت معي مره غيرت الزيت وبعدها بيومين
لحظة أن فيه زيت في موقف السياره عايرت الزيت لقيت فيه زيت بسيط في أخر العيار
أخذتها لمكانيكي قال هذا السيفون يهرب وديته لبنشري وغيرت السيفون وقال هذا سببه الربط الزائد
على السيفون لكن دام ما ولعة لمبة المكينه إنشاء الله ما فيه مشاكل , وانت تأكد إن ما فيه تهريبات
عندك , وبعدين دوس لسياره وشوف هل فيه دخان يطلع مع الشكمان
الله يعطيكم الف عآفيه
رآح أتأكد من كل شي , الله يوفقكم ماقصرتو
حبيبي الشقاوي , ماظنيت انه فيه دخان يطلع من الشكمان , بس مب متأكد , بتأكد والله يستر