تقرير غير مصور عن تغيير الفحمات لسيارتي
بسم الله الرحمن الرحيم
السلام عليكم ورحمة الله وبركاته
أسعد الله أوقاتكم بكل خير يا شباب
البارح وعلى الساعة ( 5 ) العصر رحت بالسياره عشان أغير الفحمات الخلفية
وقبل ما أروح لهم مريت عبدالله هاشم اللي بالجبيل عشان آخذ من عنده الفحمات
لكن للأسف حصلت قطع الغيار مقفل :(
الموهييييم
دلوني اللي بالوكاله إن فيه محل يبيع قطع غيار أصلية بنفس الصناعية والله وأجل أفر أفر أفر <<< وبعدين :d
الين حصلته << أحلف :d
وآخذ من عنده الفحمات يوم سألت بالوكاله قالوا لي إن سعرها ( 230 ريال ) :eek:
الموهيم والله أروح لعند الرجال ذا اللي بالصناعية وآخذها من عنده بـ ( 180 ريال ) :eek:
يعني فرق ( 50 ريال ) << حق بنزين للرياض :d
المهم يوم روحت للورشه اللي أتعامل معاها قال لي الباكستاني ضروري سوي خراطه مال هوب
قلت له قول بسم الله المووووهييييييم فك الهوبات كل أبوها الأربع
وسوالها خراطه والفحمات الأمامية سوا لها صنفره عشان باقي فيها أكثر من النص بكثييييييير
الموووووهيم <<<< أخلص أقول :d
والله ولا خلصت من عندهم الا على أذان العشاء وماشاء الله تبارك الله
تقول إن سيارتي شغل وكاله الله يعطيه العافيه الباكستاني والله عليه شغل :cool:
بس مشكلته ذا الباكستاني غالي شويتين بصراحه عشان سوالي الشغل ذا كله أخذ ( 180 ريال ) :(
بعد كذا أروح للبنشري وأخليه يغير لي الزيت والسيفون << شاك في السيفون بصراحه :confused:
وبعد كذا غسل لي السياره وشغلهم :cool:
بعدها رحت البيت عاد والا تبوني أنام برا بيتي :d
أعذروني ماقدرت أصور لأن الأخلاق كانت تجاريه البارح شويتين
كان فيه واحد ناوي يتصدق على السياره ويجيب الجنب حقها :eek:
ساعه أدق لأمه بوري ولا كأني أدق له وياليتكم تدرون وش هي السياره بعد
والله إنها ( BMW ) الفئة السابعة
والله حتى الدوريه وراي ولا سوت له شي :eek:
خاش علي من شارع على يمين وكان بياخذ الجنب الأيمن كل أبوه
وكمل الطريق والعسكري جالس يناظر :eek:
على كل جايت سلماااااات
يالله أستودعكم الله
إن كان ماتقدر ترد لو بكلمه وحده هي شكرا إضغط عليها والله ييسر أمرك :d
^^^
عجبني ذا اللون اللي فوق :d
إحترامي وتقديري
