تجربة مبسطه لفحمات النيشن لاكورد 2008

بسم الله الرحمن الرحيم

السلام عليكم ورحمة الله وبركاته ,,


حبيت اضيف تجربتي لفحمات نيشن الاماميه ,,



بعد ماسمعت كلام كثير من الاعضاء حبيت اجربها

وماانكر ان احد الاسباب كان مادي ( خصوصا ان الوكاله كل يوم تنزل لها سعر مره فوق ومره تحت )

واهم سبب اني اتمنيت اني ارتاح من الاصوات والرجه وضعف الفرامل :rolleyes:

وجربتها بعد ماعمرت معايا الاصليه 50 الف كيلو وغيرتها بنيشن ,,

واليوم وانا ماشي 70 الف انتهت فحمات النيشن !!!

بعد 20 الف كيلو بس :confused:

يعني فرق اكثر من الضعف لصالح فحمات الوكاله ,,,

وركبت اليوم الفحمات الاصليه بـ 220 ريال

النيشن سعرها بحدود الـ 130 ريال = 20 الف كيلو

الاصليه سعرها بحدود الـ 220 ريال = 50 الف كيلو



http://sub3.rofof.com/img5/06hikpd19.jpg


:d

زي مانتو شايفين تركتها على الحديده مابقيت فيها ملي واحد بينما الاصليه غيرتها وكان حالها افضل من كدا ,,

كلامي قد يحتمل الصواب او الخطأ

تجربتي لاتشمل العموم وقد تكون حاله شاذه او خلافه ,,

لااله الا انت سبحانك اني كنت من الظالمين

أماااااا كدا

وانا اللي كنت ناوي اجربها في التغيير الجااااي خخخخ

يعطيك العافيه خيو على اشراكنا في تجربتك المفيده والمثيره

:)

وعليكم السلام ورحمةُ الله وبركاته

بعد تركيب فحمات نيشن ،

تم التأكد أن الـ ABS قام يشتغل كثير عندي !!!

كل ضغط بريك ، تسمع صوت الـ ABS ،

واللحين بديت اضغط البريك على الهوب !!

فـ شكلي برجع على هوبات الوكالة والله يعين ،،

ولا اشوف لي فحمات كرسيدا احسن لي .. :ANSmile08:

والله قااايل لكم



يعطيكـ الف عافية ياااابطل

وزي مقال اخونا بلال ركبوووا فحمات الجيب vr-c >> مو ماتكد من اسمة بس ماافيه الا هو :d

^
cr-v
..


طيب ماوضحت لنا ..

كيف الفرامل معك .. هل هي نفس الوكاله ..؟

ولا سيئه ؟ .. ولا وش وضعها بالزبط ؟

غريبه انا عندي كويسه الفحمات ومرتاح منها ومطوله ؟

^^

ياريت توضح نمط قيادتك ( خطوط - داخل المدينه - متقطعه )

كم كيلو مشيت عليها للأن ؟!

كنت متخوف من النيشن لسببين

الاول تكون اقل جوده من فحمات الوكالة وموضوعك وضح هالشي

الشي الثااني الي كنت خايف منه

احطها وتعدم لي الهوبات وهااتك يارجه بعد كذا وهالشي ماعانيت منه في فحمات الوكالة

الي يقهرك بفحمات هشومي غاليه مره

ثلاثه اربااع المكافاءة تروح في فحماات:d:dry:

وابغى اعرف اش الحل مع الاقمشه الخلفيه كل 20 الف وانا مغيرها المشكله انه سواقتي عااديه ناادرا اتعدى ال 110 /120

علما اني مااعرف شي اسمه خطوط بس في المدينة السيارة من يوم اشتريتها اطول خط مسكته بها 100كيلو ومرتين فقط

شكرا اخوي عالافادة

بالنسبة لي انا ما استخدم الا قماشات الوكالة من وقت ما طلعت سيارتي
والحين ماشي عليها 100000 كم

يعني بالعقل مو معقولة شركة يابانية مثل هوندا تكون قطع غيارها الأصليه
اقل جودة من شركة مقلدة لها

وممشاي اغلبة خطوط واضرب بريكات قوية ومفاجأة وانا على سرعات عالية

وتمشيني القماشات من 40000 الا 50000 كم على حسب الكرف :d

تحيتي لك اخوي

الي مشت 50 الف , فحمات الوكاله أماميه ولا خلفيه .,

والي مشت 20 الف فحمات النيشن امامي ولا خلفي .,!

؟؟؟

^^

امامي وخلفي

بالنسبه ليا اقمشة الوكاله كملت الخلفيه اقل من ٢٥ الف وغيرتها

والحين السياره ماشيه ٥٠ الف وللحين الاقمشه تمام مع العلم انه الاماميه للحين ماغيرتها ولا مره

:)

سيـآرتي مآشيـه

90.000

تم تغيير الفحمـآت مرتين , طبعـآ طقم ( أمـآمي وخلفي ) مع خرط الهوبـآت في كـل مرهـ

وآخـر مرهـ تم تغيير الفحمـآت كـآن شهـر 6 أو 7 المـآضي

يعني كمــلت سنــه وفـوق الـ 30.000 كيلو


^^


طبعـآ وكـآلـه

بدلتها على 20 الف والحين النيشن ماشي عليه 30 الف اسبوعيا الحسا - القطيف - القطيف الحسا والبحرين والخبر ...

ياشباب رجول الناس تختللف من شخص الى اخر

فيه ناس رجولهم على نار على الاقمشة

وفيه ناس رجولهم بلسم على الاقمشة

^^^^^
ما اختلفنا

بس هذا مايمنع الاعتراف بالعيب المصنعي

ياعمي لو تفضل طول الوقت ماشي وساحب البريك ماتغير اقمشه خلفيه بعد 20 الف خخخخ والله مهزله

فما بالك باللي قيادته نوعا ما رايقه ويغير اقمشه خلفيه على 20 الف

والله كنت ما اعرف شي اسمه اقمشه خلفيه زمان

ماكنت اغيرها الا كل كم سنه

والاماميه كل سنه ونص الى سنتين مع اني كارف اختها ورجلي حاره عالفرامل

الأكورد عذاب في الأقمشه بصراحه

اول شي تعقدك في السواقه وتخليك ترفع رجلك عن البنزين قبل اللفه بكيلو عشان تخف السرعه لوحدها بدون فرامل خخخ

المشكله لو ماعندي التزامات في الفتره الحاليه كان غيرتها بهوبات رياضيه واقمشه سيراميك واشتريت دماغي

بس الله يفرجها وأخلص مشاريعي وبعدين اغيرها ان شاء الله

:)

أنت على 20 خلصت أنا على 18 ألف :d

بس رجعت غيرت نفسها لاني مرتاح من أصوات الابقار :p

وأنا أشوفها ممتازة لا رجة ولاصوت الهم تخلص بسرعة

وبعدين أنت ماخذها بـ 130 أنا أخذتها بـ 100 ريال و 35 تركيب قماشات يابلاش صح

انا كملت فيهن 30 ألف

اقتباس:

---

المشاركة الأصلية كتبت بواسطة ::: كـاكـا :::

أنت على 20 خلصت أنا على 18 ألف :d

بس رجعت غيرت نفسها لاني مرتاح من أصوات الابقار :p

وأنا أشوفها ممتازة لا رجة ولاصوت الهم تخلص بسرعة

وبعدين أنت ماخذها بـ 130 أنا أخذتها بـ 100 ريال و 35 تركيب قماشات يابلاش صح

---

كملت معاك بس 18 الف كيلو ناقص الفين عشان فرق الـ 30 ريال :d << مخصومه يعني :p

وبالعكس الاصلي افضل بكثييير ع الاقل ارتاح من قيمة التركيب مرتين ولاتنسى الخرط

اقتباس:

---

المشاركة الأصلية كتبت بواسطة zx1

انا كملت فيهن 30 ألف

---

تعتمد على السواقه اكييد ,,

لكن قولي الاصليه كم كيلو قعدت معاك ؟؟

انا معك ان الوكالة فحماتها ممتازه....لكن الي رجله ثقيله على الفرامل تروح عليه الهوبات

انت واضح استخدامك صحيح للفرامل بصفه عامه والدليل ان الهوب صابر على فحمات نيسن المخلصه

نيسن لو استخدامك للفرامل رايق ولا ثقيل الهوبات مايجيها ضرر كبير وهذا الي مصبرني عليها (استخدامي ثقيل للفرامل)


مشكور على التقرير المصور :cool:

بصراحه انا مركبها تقريبا من فترة يمكن شهرين او ثلاثه ماني متآكد بالضبط ... مشت معي زي اللوز الى قبل يومين احسها تمسك بالطقاق :mad: ... واضرب فرامل قوة كني مهدي :mad: .... وهي توها ماكملت 15 الف !!!!! :mad: .....
على كذا الوكاله ابرك بالرغم من فرق السعر :mad: ...

تخوفون انت ايش الافضل الوكاله الان طيب ما قصرت اخوي

اقتباس:

---

المشاركة الأصلية كتبت بواسطة كوكو2008

بصراحه انا مركبها تقريبا من فترة يمكن شهرين او ثلاثه ماني متآكد بالضبط ... مشت معي زي اللوز الى قبل يومين احسها تمسك بالطقاق :mad: ... واضرب فرامل قوة كني مهدي :mad: .... وهي توها ماكملت 15 الف !!!!! :mad: .....


على كذا الوكاله ابرك بالرغم من فرق السعر :mad: ...

---

اجل خلاص قربت تمووت وتديك عمرها :d

اخواني الكرام.احب اضيف معلومة بسيطة،شركة نيسن هي اللي تصنع نظام البريك للاكورد.الكليبرات و الهوبات و الفحمات.حتى اللي يفتح الكليبر يلاقي عليه مختوم شعار نيسن،و هي بالسين و ليست بالشين للتصحيح.قماشات الوكالة هي قماشات نيسن لان هوندا ما تصنع قماشات،هي تعطي حق التصنيع و البيع و التوريد لشركة نيسن.قد تختلف حشوة او تركيبة مادة القماشة نفسها بين قماشات الوكالة و قماشات نيسن،لكن هذا لا يمنع ان نيسن هي المصدر للنوعين.

عندي استفسار يا اخوان :
انا اخذت من الوكاله فحمات اكثر من مره مكتوب عليها نيسن
هي نفس اللي تكلمون عنها ولا لا.