باقي يآرس تقوم ع الاكورد

قمه في السخريه
قمه في المهزله

صرت استحي اقول معآآي اكورد
صرت مااحتك حتى في اليآرسآآت
صرت ماعاد استعرض عضلات سيارتي
صرت ...

ياعيال والله اهانه
صآآرت الاكورد تلقب بسلحفآه الاربعه سلندر

لااحد يجي ويقول الاكورد مو للقومآآت
ok .. فخمه ومو للقومآآت لاكن لازم تكون قوتها منافسه لفئتها وتلبى احتياجك في سيارة فخمه

اتركم مع احد اهآآنآآت اللي دايم يآكلونها اصحآآب الاكوردآآت وانا منهم طبعاً :(

[ame]http://www.youtube.com/watch?v=upvxh0oTkJY&feature=player_embedded[/ame]

حتى التيدآآآ قامت ع الاكورد لا وبفرق كبييييييييييير

ناقص ينزل مقطع ليآآرس تقوم ع اكورد

اقسم بالله امنيه حيآآتي بس اعرف مهندسين هوندا
ودي اقابلهم بسسسس

اترك لكم الكيبورد لتعبرون عن شعوركم واحاسيسكم :cool:

غــريبه والله !! آكيــد موديلاآت 2008 وما فوق

آلله عز 2007 وتحتـ :cool:

بس ياشيخ كلام فاضي تلاقي السواق هو السلحفاه ما هي الاكورد
ممكن يصدق المقطع الي ماعنده اكورد لاكن الي عنده اكورد ماراح يصدق الا اذا كان
من جد سلحفاه في السواقه

1- التيد عادي والكورد اوتومتك
2- السواق هو السلحفات كانس للموتر من البداية الاكورد فيه نطام مانع انزلاق واذا كرشت للموتر تصير تجن بدون فايدة يعني بس صوت

وشكراُ

اقتباس:

---

المشاركة الأصلية كتبت بواسطة عبودي 2009

بس ياشيخ كلام فاضي تلاقي السواق هو السلحفاه ما هي الاكورد
ممكن يصدق المقطع الي ماعنده اكورد لاكن الي عنده اكورد ماراح يصدق الا اذا كان
من جد سلحفاه في السواقه

---

رأيي من رأي عبودي .. من جد أجل تيدا تقوم على الأكورد مابقى الاهي .. :mad: ..

الا وش ذي تيدا , صدق أول مره أسمع فيها .. ههههه :d ..

ياخي وش يحس فيه الي معاه v4 ويقاوم

انا معاي v6 ولا عمري فكرت اقاوم مع انه كذا مره يجوني يبون يقاومون معاي

لوكان معاي موستنغ او لومينا او من هالسيارات راح اقاوم ..

أدخل على ملف صاحب المقطع
حتحصل ماشاء الله مافي سياره ولا طرحها بالتيدا حقته
الله يوفقه :d

اقتباس:

---

المشاركة الأصلية كتبت بواسطة AL_ADMIRAL

أدخل على ملف صاحب المقطع

حتحصل ماشاء الله مافي سياره ولا طرحها بالتيدا حقته
الله يوفقه :d

---

هههههههههههههههههههههههه

ماشاء الله مزراتي ماهي بتيدا :d

طيب هذا هو قاااشع كاابرس 6سلندر وكامري والتيما

ليش ماقالوا عااار وعيب واخجل :d

راااعي التيد عااوز كذا اش تبغى تسوي:p:d

وتبقى التيدا سيارة توصيل طلبااات البيتزا

لاومن قوة الوجه كااتب وحش الاربعة سلندر ومرعب الكبار ههههههههههههههههههه

خلوه يفرح بكرتونه ياجماااعه

هي حلين بالنسبه لك
1- اشتر لك آكورد 2007 وبتحس بفرق.

2- ولا خلك على الجديده بس خذها قير عادي وبتطيب خاطرك
[ame]http://www.youtube.com/watch?v=UwmNSU7Vvco[/ame]

لا تستهين بالتيدا >> قير عااادي

من اقوى السيارات في فئتها

اكيد ان السواق ما يعرف ينشط السياره زين او ما يعرف بالتبديلات للقير او الكل يعرف ان الاكورد سرها كبير بالمقاومات او خصوصا بالقير مو اي واحد يعرفله

بعد تشيكـ في حساب ( عضويته ) راعي المقطع في اليوتوب

:d

www.youtube.com/user/msh3lhamad

عطني ارقام المهندسين الي صمموا الكابرس :d

ليس كل من لديه اكورد فهو سواق
يعني صح معاه اكورد بس أول مره يسوق ، ما عاد الا سياره الطلبات تقوم على اكورد حتى لوكانت قير عادي

انا مره وحده في حياتي تهورت وقاومت راعي كامري 2009 جي ال اكس.. كلنا قير تامتيك ... اقسم بالله قمت عليه ومشيت مسافه تقريبا 300 متر وانا متقدم عليه بمترين او اقل بشئ بسيط .. بالرغم من ان سيارتي سياحيه 2008 :rolleyes:
طبعا بعد دقيقتين وانا متقدم عليه هديت~> مسكتني اشارة ...
وقف بجنبي وقعد يطالع بحقد هو وخويه ... انا بلعت العافية قلت باانجلد :d ... يوم فتحت الاشارة فحط قدامي ودز وانا مهدي ... عقلت :d ..

من يقاوم < ولا صح تخافون من الياريس :p

قامت او ماقامت طرحت كسرت خشوم ناس كسرو خشمها ماهمني

ويش الفايدة محرك 4 سلندر L4 ونهايط

ايش بقينا لاصحاب المحركات الكبيره V6-V8-V10-V12

:d<<بس ياواااااااااااد لاياكلوك الجماعه دحينا

عمركم شفتو واحد دب يسبق واحد نحيف وضعيف برغم انه الدب اقوى من النحيف ويفرشه ويصقعه بكل سهولة وسلالسة

^_^

:p يمديكم على التشبيه يلي فوق بس:p

يارجال اولاً ما نقيس على اكورد وحدة

ثانياً الاكورد ما صنعت للدعس و المقاومات لان وزنها وزن لومينا و كابريس للمعلوميه

ثالثاً اذا تبي مقاومات ليش شاري موتر بـ 100 الف 4 سلندر وتبي مقاومات وخفه

السيارة مكينتها تلبي احتياجاتها وزياده ..


يعني نقول 100 الف تجيب لك كابريس SS 2008 مستعمل

ولا كابريس 8 سلندر LS بـ 90 جديده


والتيدا الي بالمقطع وزنها 900 كيلو و قير عادي و معدله

وش تبي منها :d

اخ على الاكورد
ليش جدي بطيئة بس تختلف
السيارة اذا كانت نشيطة او السواق
الي يسوقها يعرف اشلون يتقاوم او لا
والله ياريت اتكون الاكورد الجديدة بمستوى
الاكورد 2007
لو يرجع الزمن ما اشتري اكورد بس الواحد
وش اقول الحمد لله على كل حال الي اجوف
غيره الي ما عنده سيارة يتحمد ربه مليون مرة
حتي لو كانت السيارة سلحفاة بمشيها


والواحد يتقبل الي عنده ويترك حركات الورعان
واعرف اذا عندك اكورد انسى تتسابق لان السيارة
وزنها مأثر على ادائها والسيارة مخصصه للفخامة
مو على اساس السرعة

والله انك قلتها وجبتها بالصميم الاكورد سلحفاة ال4سلندر لان وزنها ثقيل مره

طيب يااخوان اللى يبي يقاوم ولا يسوي حق قومات
ياخذ له كابريس ولا ماكسيما ويهايط بكيفه
لكن لاتنزلون مواضيع زي كذا بالله
لاننا ملينا صراحه
وانت ليش أخذت سيارة بالله .؟؟
خلاص خذ تيدا بعدين تعال وقول والله صني قامت علي !!!
<< والله اهل العقول في راحه >>

اولا : والله لو تقوم علي افيو اني ماني مستخسر ريال دافعه في الاكورد

وثانيا ودي احد يقنعني بالقومات ذي

تبي تقاوم وعاشق لهالشئ اشتر سياره رياضيه وريح راسك

تحياتي

اذا كنت تبقى سياره حق قومات .. اخذلك 8 سلندر .. لومينا مثلا ..
الأكورد وزنها ثقيل اولا .. ثانيا السياره ليست سياره رياضيه ..ثالثا التيدا خفيفه جدا.. واتوقع قير عادي .. والعادي يجي 6 تعشيقات ترا فيها ..

وعلى فكره انت دافع سعر الأكورد علشان تقاوم فيها ولا علشان تدوم معاك عمر :)

التيدا هذا قايم على
كابرس + كورولا + اكورد + سيفيك + كامري + فورد + كامري + التيما + بليزر

اصبروا شوي وبيحط مقطع قايم على موستنق ..

..

لـوهله حسسيت اني هندي .. :d
..

كبر عقلك انت ويااو ..

خذ لك سيفيك تاب ار من الوكالة وشوف :cool: