سؤال للي ركب كفرات اكبر من المقاس المطلوب ... تكفون يا اخوان

السلام عليكم ورحمة الله وبركاته

اخواني الاعزاء ......... ودي اركب كفرات للسيارة وبصراحة طفشت رحت لشركة قودير واذكر ان الشركة كفراتهم امريكي او الماني لقيت عندهم ما في الا فرنسي وش راييكم .............
الشي الثاني رحت لكفرات ميشلان ولقيتها غاليه بــ 2750 ريال اربع كفرات وش راييكم فيها بس سؤالي المهم الي اتمنى تجاوبوني عليه / هل مقاس اكبر من المقاس الاصلي يؤثر يعني مقاس الكفرات الاصل 215 / 60 / 16 .........وانا لقيت 225 / 56 / 16 هل يوثر وهل احد ركب كفرات اعرض صار عنده مشكله ......... تكفون علموني اذا احد عنده علم ..........
انتظر الرد باسرع وقت ممكن .........
اخوكم / ابو شهد

انا مركب كفرات اعرض من حقات الوكالة مافيها مشاكل ابد من ناحية السيارة
بس لاحظت زيادة بسيطه في صرفية البنزين
مع اني قريت كثير انها تقلل عزم السيارة وانها ماتجيب السرعه الكامله
بس عندي مو صحيح العزم ماحسه فرق وتجيب 220 زي اول بكل راحه

اليوم انا في الغرابي سألت راعي محل كفرات يقول مافيه مشكلة تركب كفرات اعرض من مقاس الكفر السابق

اما الاسعار اللي في الموضوع والله نااااار >>فيه دنلوب الماني ب2300طقم اربع كفرات وش رايكم بهالنوعية؟؟

نصيحتي خلك على مقاس الوكالة لا تزيد ولا تنقص وعيبوبها أكثر من منافعها و تأثر على المدى البعيد غير الثقل و سواقة السيارة

راح تختلف عليك أكيد ما أتوقع للأفضل و جربت على أنواع كثيرة من السيارات شد بلد وبس أقصد المقاس أما النوع شي راجع لك

و شوف اليوكوهاما نفس المقاس حق السبشل بصراحة جدآآ ممتازة عن قريب راح أركبها طبعآ بعد تجربة

انا مركب اعرض مافيها اي مشاكل
وزياده على رساوه الاكورد احسها ارسى بالكفر العريض

تفرق عندك بالرساوة تصير ارسى من اول
بس ترى بتستهلك بنزين اكثر وتثقل من الموتر

اقتباس:

---

انا مركب اعرض مافيها اي مشاكل
وزياده على رساوه الاكورد احسها ارسى بالكفر العريض

---

اقتباس:

---

تفرق عندك بالرساوة تصير ارسى من اول
بس ترى بتستهلك بنزين اكثر وتثقل من الموتر

---

كلام سلييييييم

انا مع الأخ برق نصيحه خلك على مقاس الوكاله وتغيير المقاس له اضرار لكن ما تبين الا على المدى البعيد

الله يعطيكم الف عافية .... ما قصرتوا طيب بالنسبة لنوع الكفر محتار ما ادري اركب قودير او مشلان .... وش تنصحون واذا عندكم نوع اخر مجربينه علموني اهم شي يكون لين على السفلت ويتحمل الحراره وما له صوت مثل البرجيستون ..............
في انتظار ردودكم

جرب التويو .. يمدحونها الاعضاء ..

وهذا تقرير عنها

http://www.hondaarabia.com/club/showthread.php?t=28870

بالتوفيق

انا حالياً

مركب هانكوك < كوري > لي تقريبا سنة

والحمد لله كويسة

الهانكوك بعض أنواعه لينة :)

لكني ما جربت الـ toyo

---------------------------------
نصيحة خلك على مقاس الوكالة

أو تزيد زيادة بسيطة
مثلا الوكالة 205
ركب 215

ولا تشتري إلا من وكيل الكفرات ( ولا تنسى الفاتورة :d)

اقتباس:

---

المشاركة الأصلية كتبت بواسطة احبك يالاكورد

تفرق عندك بالرساوة تصير ارسى من اول
بس ترى بتستهلك بنزين اكثر وتثقل من الموتر

---

هلا بك يا غالي ومشكور على ردك بس
عندي سؤال بخصوص تصير اثقل من اي نا حيه يثقل الموتر
اما صرفيه البنزيم بسيط امره

والله انا في نظري بيرجستون وارفع يدك gt-r80
يتحمل الكرف ماشاء الله صحيح ان سعره غالي بس يحلل قيمته
اما التويو انا مجربه في غير الاكورد حده بالكثير سنه وانتهى