عرض للطباعة
السلام عليكم ورحمة الله وبركاته
اخواني الله لا يهينكم زي ما قريتوا الموضوع ابي ارش السيارة كاملة لانها طالعه اللحين تشكيلة الوان
ولما وديتها لورشة كشف لي ان السيارة مرشوشة من قبل يعني لو ارشها ما عليها حسوفة
فـ اللي ابيه منكم تدلوني على محل كويسه رشته وعليها ضمان واللي يعرف السعر يقول وانا بالرياض
علما اني ناوي اللؤلؤي او الاسود على حسب السعر الارخص برشه
واسف ان كنت ثقلت عليكم
وعليكم السلام
اخوي انا عندي اقتراح بسيط
بما انك بترش كامل السيارة ورا ما تحاول تتميز بلون معين خاص فيك يعين مثلا من 2003 -2007 نادر جدا تلاقي وحدة لونها عودي
اما بخصوص ورشة ممتازه . انا اسف ما عندي خلفية
بالتوفيق
إذا تقدر توديها القصيم في ورشة إسمها الضمان في عنيزة ... أحسن من رشة الوكالة بمراحل ....
ورشة المدار في الصناعية القديمه شغل جبااار وسعر معقول
ورشة النافع في صناعية بدر
صراحه ممتازة
شوف يا صاحبي
دايم اسعار رش السيارة بالكامل بـ 3000 الي 3500 اكثر من كذا انا اعتبرة استهبال ، افضل شي تسوية بعد ما تاخذ الكلام من الاعضاء ، تروح للورش الي قالوا عليها ورشة و تمسك السيارة بيدك علشان تشوف خشونة او نعومة اللون ( قبل كل شي الاسعار على حسب اللون )
اهم شي تكشف على سيارة يكون رشها بالكامل و لمعها بعد الرش ، علشان ما يكون له حجة ان يقول لك ماكانت ملمعة او ماكانت مرشوشة بالكامل
بالنسبة للضمان .. هذا متفاوت ، فيه ورش تعطيك 6 شهور و فيه سنة و فيه 5 سنوات ، و فيه بعض الورش القوية مثل العيتاني بجدة مستعد يعطيك ضمان مدى حياة السيارة على للون بشرط ما يكون اللون خرج بسبب ضربة او مشكلة بالبدي .
اسعار اللالوان تختلف من لون الي لون ، مثلا :
1 - اللون الماجيك 5 او 7 الوان : هذا اغلى اللالوان الموجوده لانه بيكون فيه طريقة معينة للرش و كم طبقة يرش و ايش لون الاساس ، غير ان نفس اللون لما تشترية يكون غالي اصلا .
2 - اللون الماجيك لونين او 3 : هذا يكون ارخص من الي قبلة ( على حسب اللون ) يعني الغوامق تكون ارخص من الالوان الفاتحة و زي كذا
بس الي يعيب هذه الالوان .. ان مو كل ورشة ترشها و تظبطها ، و بعض الورش تاخذ شغل اليد شي جامد لانه يرش لك اكثر من طبقة، و بعدين الاهم : هذا اللون لا سمح الله لو انحك او صار اي شي راح يكون تكلفة الرش للجزء المحكوك غالية جدا .
............
3 - الالوان العادية : هذا يا الحبيب عادي و يختلف من لون للون ، مثلا :
أ - اللون الابيض اللؤلؤي : هذا برضة غالي نوعا ما ، بسبب انه يخلط لون ابيض مع الوان ثانية مع اللمعة علشان يطلع لك اللون اللولي و كمان بداخل الفرن راح يستخدم اساس للبوية ... الخ ، و يعتبر غالي نوعا ما
ب - اللون العادي : مثلا اللوان العادية مثل اللون الاحمر او الاسود او الابيض السادة ( مثل الوان الكامري - الكرولا - الياريس .. الخ ) بيكون لونها عادي جدا مافي اي شي يفرق فيه ، ميزتة انه رخيص بس عيبة لون سقيم يعني مافيه اي حركة او تميز ( و ارخص لون هو لون الفورد لانه لون اسود بس بدون اي اضافات )
ج - اللون المطفي : هذا لون رخيص جدا و مايحتاج تعب في اي شي ، حتي رشة يكون رخيص ( شغل اليد ) لكن عيبة انه يتعبك وقت الغسيل و يتعبك وقت الغبار و غيرة .
...................
و سلامتك
أخوي ورشة وفاء في صناعية الدائري
الصراحة شغلهم نظييييف من باب تجربة
والله يوفقك
انا سألت بنفسي في الوكاله عبدالله هاشم في جده الرشه كامل السياره ب 12000 ريال
ايوه صح الوكالة غالية بس هل تتوقع انه على هذا السعر ان البوية تجي من اليابان ؟اقتباس:
المشاركة الأصلية كتبت بواسطة kozombay
اليوية تجي من محلات
العامودي للبويات
اخر مره شفت مندوبهم بالوكالة
الدمام ورشة السعادة الموقع الخضرية انا افضل ما أن موديلها جديد وحديث ترشها أسود ملكي او توتي
عندك يالغالي ورشه الوفاء شغلهم لايعلا عليه بس غاااالي وضمان خمس سنوات
وعندك ورشه تيما شغلهم ممتاز واسعارهم حلوووه
ومكانهم في الصناعيه القديمه بعد زجاج السالم خش يمين واسال عنهم
اسف على المداخلة
اذا كنت ناوي ترش فتوكل
من ناحية ورش بالرياض ما اعرفلك
بس اذا انت ناوي رش عليه الكلام ومحد يقدر يقلك عينك في راسك
عندك ورشة السواط بالطايف مشهورة في السعودية
ومن ناحية تغيير اللون فانصحك رش اللون الابيض الثلجي قسم بالله دمار شامل يالغلا على الاكورد لانه مانزل منها هاللون