شيئ غريب ,,,, ممكن لحظة من فضلك,,

السلام عليكم ,,,

في البداية هذا اول موضوع لي في هذا المنتدى الرائع بكل صراحه ,,,,
واتمنى اني اكون واحد من اسرة هذا المنتدى,,,

في البداية انا اشتريت اكورد لؤلؤي سبيشل من الوكالة دافع رسوم الحجز وبعد يومين داق علي الموظف ,,السيارة وصلت كملي المبلغ عشان ننقل السيارة باسمك يعني مستغرب بيومين يجهزلي السيارة ولا يجيبها من جده ,,,
حاب اعرف اذا كان في شيئ غامض في الموضوع ,,,,,

وثاني شي اهم نصائحكم عند استلام السيارة ,,,,

وشاكر لكم جزيل الشكر وارجوا ان اجد ردا وافياً على استفساراتي ,,,,,

اول شي اهلا فيك اخوي بين اخوانك الاعضاء

و مبروك على السياره و الله يعطيك خيرها و يكفيك شرها

حبيبي ممكن الموظف يكون يقصد الف شي في كلمته

ليه اخذت الجانب السئ من الموضوع و التشاؤم

ممكن يقصد انها وصلت من اي مدينه ثانيه او ممكن بيكونو يغسلوها و يكيسوها

او ممكن اللوح خرجت من المرور

يعني اكيد قصده هذا الشي

و تفاؤلو بالخير تجدوه

و اذا انت من البدايه موسوس فالله يعين قسم الصيانه من مواضيعك << امزح :d

و لكن الموضوع فعلا ما يحتاج تكبره او تفهمه غلط

في رعاية الله

حياااك اخوي ومنور المنتدى بوجودك وانشالله تفيد وتستفيد
والف الف مبروك السياره الله يطعمك من خيرها ويكفيك شرها

وبنسبه للوكلاء ماعندهم شي غامض عادي يمكن جابوها لك من اي فرع متوفر عندهم واذ جيت تستلم السياره استلم سيارتك كامله شيك واهم شي شنطة الاسعاف(السلامه) تجي بشنطه

ونصيحه اذا طلعت سيارتك من الوكاله اقراء الاذكرا والمعوذات واية الكرسي الناس هالايام ماتعطي خير واناخوك وشغل سورة البقره فيها عشان الله يطرح لك البركه بحلالك

^^^
الله يحييكم ,,,
وانا كان قصدي انو سرعة احضار السيارة غريبة لانو اغلب الوكلاء على الأقل اسبوعين من موعد حجز السيارة ,,,

عموما ممكن تكون وكالة عبدالله هاشم احسن من غيرها في تعاملها مع عملاءها وبصراحه الموظف راقي في تعامله معاي ,,,

طيب اخواني ما ادري اسمع كثير يقولوا لاتعدي 100 في الالف كيلو الاولى ما ادري هل فيه ضرر على السيارة ,,,,

وانا بكل صراحه استفدت من هذا المنتدى الكثير وانشاء الله اني افيد زي ما استفدت ,,,,

عادي في الالف كيلو الاولى
شغل المكيف وانبسط
لاتضرب فرامل قويه
لاتتعدى 110 كم
لايتعدى الار بي ام(عداد ضغط المكينه) 4,5
وبعد الف غير زيت المكينه وادعس لها للفصله,<<< لاتصدق
بس قصدي جربها شوف عزمها ورساوتها مثلا على 160 ,تعرف على سيارتك

والله يعطيك خيرها ويكفيك شرها شر الحساد..

اخوي ., والله اول نصيحه ذكر الله واقرا على سيارتك ..
خذلك سيدي فيه البقرة وال عمران ... وشغله اول اسبوع او اسبوعين واذا على طول احلى واحلى

سيارتي في المنطقة الجنوبية (اجارنا الله واياكم) كانت كل ما تطلع من مغسلة السيارات يحكها واحد <<شغل احترافي في الحسد
وبعدما صرت أقرا عليها الحمدلله ..

الاخ يقول 100 وواحد يقول 110 .. والله انا قالي الموظف خذ راحتك .. واروح فيها على ظهرة الامير احمد قبل الصالات الرياضيه .. وامشي السياره طبلونها .. والحمدلله الى الان عال العال ..

اهم شي وجهية السيارة من سفريات الصيف .. شوف لك برقع
واذا الداخليه جلد .. شف لك اي شي على المقاعد عشان ما تتوسخ بسرعه

وسددوا وقاربوا مع الصيانة .. شهر لها وشهر عليها خخخ .. يعني يمدحون تغيير الزيت وتشييك على 40 ... 60 ... 100 وبيض الله وجهك ..

اهم شي في الموضوع تاخذ لك لوحات عريضه ... :d

لاتوسوس وانا اخووكـ ...خذ موترك واللهـ يبااااركـ لكـ فيه
ويعطيك خيره ويبعد الله عنك شره..واانا اقولك عن تجربة لسى

قبل اسبوعين مطلع فل كامل جلد 4 سلندر ولمن وصلت 600

كيلو وانا ماعاد فيني صبر
واشحط فيها على 160 <<ولد عبد الله هاشم ...بس انا اللي اعرفه انا السيارات الموديلات الجديده

تجي ممرنه... بس زي ماهو مكتوب بالكتاب اللي يجي مع الموتر

اول 300 كيلو لاتحمل الفرامل كثير يعني دوس ع الفرامل ع خفيف..هذي وجهة نظري وانا مجربها بس مو يصير شي

بموترك تجيني ترى مااعرف ولا تعرفني <<عاش مصرف :p

وان شاء الله الشباب مايقصروون معاك ..:cool:

الله يبارك فيكم,,
والله ان من كثر الواحد ما يسمع بقصص الحسد انه يخاف يطلع سيارة لاكن الله يبعد عنا شر الحساد,,,

اخوي ذي وقتها يومين ولا ثلاث ايام حتى انا اخذت يومين بس الموضف ماعلمني الا باليوم الرابع بعد ماطبيت عليه
لانه يجيبونها من المخزن حقهم مو من فروعهم الي بالمدن الثانيه
بس شيك عليها وكانها موديل 2009 شيك عليها من تحت وع الكفرات لانه في بعض الدفعات تجي كفراته مقسيه من سوء التخزين
وع البركه ان شالله