مخالفة مرورية لايمكن تسديدها !؟
السلام عليكم ورحمة الله وبركاته
كيفكم يا اخوان ان شاء الله تمام
معذرة يا مشرفين ولكن مدري وين احط مشكلتي فيه مالقيت الا المنتدى العام لانه عام
المهم
سالفتي طويييييييله
باختصار الشديد
قبل ست شهور كنت اسوق موتر خويي فجاه وقفني الشرطي قال حول ,, قلت سلامات قال انت مفحط وانا جايك من المركز وجايني بلاغ باسم موترك لك هنا ساعه تفحط ,, قلت له اصلاً تو واصل هنا شلون افحط ؟؟؟؟؟
والموتر الي معي البريك فيه مب يدوي على الرجل شلون تبيني افحط به !؟
قال شفت هالدفتر ؟ ,, وسطه البلاغ قلت له ورني ,, قال مب شغلك << يا سلام
مالكم بالطويله السالفه طالت وجاتني انواع الاهانات وودوني الحبس واهانوا كرامتي طلعت بعد اللعنه
بعد ما طلعت ورحت اراجعهم علشان اطلع موتر خويي قالوا خلاص خذ هذي الشهاده (المخالفه) ورح طلع موتر خويك من الحجز ,, قلت له ما ثبت علي اني مفحط علشان تعطوني مخاله ,,
المهم يمين يسار ومع المدير حق المركز الييييين قال خلاص وعطوني ورقة تعهد على اني ما اسوق موتر خويي ,, قلت اصبر واحتسب ,, واوقع وامري لله كله علشان خويي له يومين وهو بدون موتر
واتفاجا قبل كم يوم من موقع الوزاره الداخليه وادخل على السجل المدني حقي
لقيت مخالفه مروريه قيمة 1000 ريال ,, اخذت رقم المخالفه وتفحصت نوعها لقيتها سالفتي الي اهانوني فيها ,,
شوفوا كيف التسيب هنا !!
قلت طيب مووووووووووو مشكله نسدد ونحتسب
تفاجات يام جيت اسدد من الصرافه قال فيه خطا ايش السالفه ما ادري
المطلوب كيف اسدد هالمخالفه الي ظالمتني وماكله حقي
طبعاً تفحصت حسابي فيه اكثر من 1000 ريال لكن مدري ليش ما تسددت
ممكن يفيدني احد الاخوان الي شغالين في المرور او عندهم معرفه بهالمشكله
واكون لكم من الشااكرين واسف على الاطاله :rolleyes:
