كراسي المكينة

السلام عليكم ورحمة الله وبركاته

شباب انا معاي أكورد 2005 وصار علي حادث الحمدلله سليم
كلفتني 15000ريال مومهم
المهم عندي كراسي المكينة لكم عليها مانتبهتلها أحس برجه أذا كانت السيارة ع d المهم تأكدت انا من كراسي المكينة رحت
للوكالة وسألت عن سعرها تصدقون بكم قالي الموظف
والله ماتصدوق
بــ2300ريال تقريبن لهدرجه كراسي المكينة سعرها كذا
والله تعبت من الأسعار المبالغ فيها
وفي نفس الوقت كان عند الموظف شاب وقال لنا أنا شاري
كراسي مكينة للباترول بــ300ريال
شوفوا الفرق
تكفون ياشباب أبي رايكم تعبت وانا أدور بتشاليح القصيم
ماحصلتها دلوني وعطوني رايكم بصراحة مليت راتبي
كله راح بقطع الأكورد

الحمد لله على السلامة

بالنسبة لكراسي المكينة بالفعل سعرها مبالغ فيه بس تقدر تدبر حالك بالتجاري اعتقد سعره لل 2004 بمبلغ 400 ريال وبيقعد معك اللي الله يكتبه لك واول ما تحس برجه ولا شي غيره بأصلي....

اذا ما تعدت 120000 كيلو تقدر تغيرها ببلاش في الوكالة

اخوي فيه عضو هنا من اهل القصيم يدبرلك القطع من التشليح كلمه
اسمه
aen alshqa

اي شي من التشليح هو يدبرك
الله يسهل امورك

الله يعينه اخوووووي انا مغيرها قبل اسبوعين بنفس القيمة الي قالوها لك قسم بالله حرامي عبدالله هاشم

أذا انت تبي الأصلي وهو الأحسن والأفضل دق على النعماني وأسألهم ترهم أقل من الوكاله ونفس القطع الي عند الوكاله , ونصيحه بعد عن التجاري لأنه ما يعيش أما بنسبه لتشليح ما تحصل شي سليم هذا بعد إذا حصلتوالله يوفق

الحين كرسي المكينه ماينفع نوديها عند حداد يلحمها ؟!
برضو فكره حطوها في الخطه ~_^

اقتباس:

---

المشاركة الأصلية كتبت بواسطة al_admiral

الحين كرسي المكينه ماينفع نوديها عند حداد يلحمها ؟!
برضو فكره حطوها في الخطه ~_^

---

ههههههههههههههه

اما يلحمها كرسي المكينه لو تشوفه كلها جلد يمسك بالبدي حق السياره او بالشاصي والجلد هذي فايدتها انها تمنع الاهتزاز وماتطلع صوت وفي بعض كراسي المكينه مايعتمد على الجلد يعتمد على الزيت اللي داخل الجلده فهذي افضل لان كان عندي مازدا 6 2003 كان الجلده حقها داخلها زيت

^
^
عاد وش تقول جهل جهل

بس كأني كنت فهمان أن الكرسي يوم يهزهز أنه سارله شعر في المعدن
وأنت تقولي الحين السالفه فيها علوم زيوت وجلود :d
خلاص أجل شيلو الفكره من الخطه :p

لقيتك وبلغتك ..

1300 ريال واصلة وجاهزه .. وضمان 3 ايام

اقتباس:

---

المشاركة الأصلية كتبت بواسطة al_admiral

^
^
عاد وش تقول جهل جهل

بس كأني كنت فهمان أن الكرسي يوم يهزهز أنه سارله شعر في المعدن
وأنت تقولي الحين السالفه فيها علوم زيوت وجلود :d
خلاص أجل شيلو الفكره من الخطه :p

---

هههههههههه

عادي يابعدهم مااحد طلع من بطن امه متعلم :)

السلام عليكم

الصراحه والله قهر ان قطع هوندا غاليه انا ابي اعرف شغله ليش الاسعار مبالغ فيها ؟؟؟؟

يعني اقارن الهوندا بالمرسيدس ؟؟؟؟؟؟؟؟؟؟؟ هل هذا يعقل

انا ابي سبب واحد ومقنع اقتناع كلي ان القطع غاليه وش اللي يفرق قطعها عن الكامري او عن اي سياره ثاااانية لو اقول ان اركب القطعه وانساها بس مااتوقع ؟

استخدمت مازدا وكان بالفعل ان قطعها غاليه اني اركبها وانساها لمدة من بين سنتين الى 3 سنوات

بس مااقول الا حسبي الله ونعم الوكيل عليهم