أحس السيارة أتهربدت , أكورد 2008

السلام عليكم ورحمة الله وبركاته


قبل ماأبدء بالموضوع أحب أقول أنا ما أشوه سمعت الأكورد عشان ماتفهمون غلط

السياره صارت تطلع أصوات والكفر الامامي جنب السائق أسمع منه أصوات تر تر تر اذا صار الطريق متعرج

طبعآ كل الطرق ببريده متعرجه لكن اذا كان بزياده :mad:

والتنده أسمع فيها خشخشه مدري من وين جت طبعآ هذي غير الأصوات الي انتم تعرفونها مثل حق البيبان والشنطه

السيارة ماشيه 99 ألف أكورد 2008 ماشاء الله




ملاحظة : الأكورد بصفة عامه جيده وتتحمل وااقتصاديه ولاكن لاتصلح بالمدن المتعرجه مثل برررررررررررريده على بلاطه :mad:



أيش الحل اوديها للوكاله ولا اسوي تربيط ولا ايش ..؟

مشكورين مقدمآ ..

هل انت مواضب على صيانات السيارة بالوكاله .. ؟!

اذا لا ..


فالمشكله من عندم التزامك بالصيانه ..

لان الصيانات يتفادون المشاكل و تصليحها قبل وقوعها ..

انا اشوف انك تدخل سيارتك صيانه 100 الف و تنفظها ..

وتريح مخك , صحيح انها بتكلف فوق 1500 لكن بتحس بالفرف :rolleyes:

دخلها الوكالة واستغل الضمااان

قبل الوكاله ..

اقرب ورشة تربيط كويسة ..

وشوف الفرق

انا مثلك بالتمام ..

وكل يوم اقول بروح اوديها للورشة يسوون تربيط..

وان شاءالله تروح ..


موفق

بريـــــــــــــــــــــــــده وش لك بالأكورد أنتم أهل الربوع و الهلي :d

والله شفت سيارات أكورد 2008 ماشيه 178 الف وراعيها شويه عليه مطنش و عشوائي والسيارة عال العال

وشفت اكورد فيه مثل الصوت إللي تقول بالكفرات القدام و السبب آكل مطب قوي بالحيل وبعدها الموتر إختلف وصار

يطلع اصوات و حذفة وبعضهم موسوس و لعلمك كل السيارات الجديدة تماسكها صار أقل ما عاد فيه مسامير كلها كلبسات

ومش حالك .................................................. ........................................

الأخ / مجودي

لو رحت لورشة وش أقوله ربط لي ما فهمت . . . ؟ ؟ ؟

^^^^^

اهم شي ورشة شغلهم تمام.. مو اي ورشة تضبط الشغله ..

قل ابي اسوي تربيط لكامل السيارة

موفقين

اقتباس:

---

المشاركة الأصلية كتبت بواسطة برق

بريـــــــــــــــــــــــــده وش لك بالأكورد أنتم أهل الربوع و الهلي :d

والله شفت سيارات أكورد 2008 ماشيه 178 الف وراعيها شويه عليه مطنش و عشوائي والسيارة عال العال

وشفت اكورد فيه مثل الصوت إللي تقول بالكفرات القدام و السبب آكل مطب قوي بالحيل وبعدها الموتر إختلف وصار

يطلع اصوات و حذفة وبعضهم موسوس و لعلمك كل السيارات الجديدة تماسكها صار أقل ما عاد فيه مسامير كلها كلبسات

ومش حالك .................................................. ........................................

الأخ / مجودي

لو رحت لورشة وش أقوله ربط لي ما فهمت . . . ؟ ؟ ؟

---

مو كل القصيم ( ربوع وهلي )
أغلب اللي أعرفهم ( أكوردات " كثيرة " - أفالون - أوريون - ألتيما - كوريلا الخ ...)
لكن الهلي منتشرة عند الشباب خصوصا المراهقين :d

شوارع بريدة ما ينفع معها إلا ( الجيوب الكويسة - الهايلوكس والددسن )

----------------------------------

فعلا المطبات تأثر

- يا كثر المطبات والطرق المتعرجة ببريدة :mad: -

المفروض يصلحون سياراتنا على حسابهم :p

في بعض الشوارع :a038: << الله يعين المساعدات واليايات والسيارة بشكل عام
:shawrma:

الله لا يحللهم :mad:

اقتباس:

---

المشاركة الأصلية كتبت بواسطة abdelslam

السلام عليكم ورحمة الله وبركاته


قبل ماأبدء بالموضوع أحب أقول أنا ما أشوه سمعت الأكورد عشان ماتفهمون غلط

السياره صارت تطلع أصوات والكفر الامامي جنب السائق أسمع منه أصوات تر تر تر اذا صار الطريق متعرج

طبعآ كل الطرق ببريده متعرجه لكن اذا كان بزياده :mad:

والتنده أسمع فيها خشخشه مدري من وين جت طبعآ هذي غير الأصوات الي انتم تعرفونها مثل حق البيبان والشنطه

السيارة ماشيه 99 ألف أكورد 2008 ماشاء الله




ملاحظة : الأكورد بصفة عامه جيده وتتحمل وااقتصاديه ولاكن لاتصلح بالمدن المتعرجه مثل برررررررررررريده على بلاطه :mad:



أيش الحل اوديها للوكاله ولا اسوي تربيط ولا ايش ..؟

مشكورين مقدمآ ..

---

وعليكم السلام ورحمة الله وبركاته

الله يستر لا يكون العكس بدأ يخرب :(
انا حاليا خربان عندي ويطقطق بقوة

صدقت والله كل شوارع بريدة متعرجة ومطبات وحالتها حالة :mad:

والله بصراحة .. صعب الواحد يقرر

وكالة القصيم >> من جنبها في بعض الأمور .. وآخاف تدفع مبلغ وقدرة ولا يحلون المشكلة .

أغلب الورشات >> يتعلمون على سيارتك . وبعضهم عال العال :cool:

* حاول تسأل أقاربك " الخبراء " والمجربين للورش واذا بغيت تصلح شيء بورشة خلك على راسه :) :

1) تضمن انه ما يخرب شيء ولا يسرق شيء .. أن شاء الله .
2) تتعلم ؛ وممكن بعدين تصلحها بنفسك :cool: وبسهولة .


العفو ..

والمعذرة على القصور ..

اقتباس:

---

المشاركة الأصلية كتبت بواسطة THE SILVER ACCORD

مو كل القصيم ( ربوع وهلي )

أغلب اللي أعرفهم ( أكوردات " كثيرة " - أفالون - أوريون - ألتيما - كوريلا الخ ...)
لكن الهلي منتشرة عند الشباب خصوصا المراهقين :d

شوارع بريدة ما ينفع معها إلا ( الجيوب الكويسة - الهايلوكس والددسن )

----------------------------------

فعلا المطبات تأثر

- يا كثر المطبات والطرق المتعرجة ببريدة :mad: -

المفروض يصلحون سياراتنا على حسابهم :p

في بعض الشوارع :a038: << الله يعين المساعدات واليايات والسيارة بشكل عام
:shawrma:

الله لا يحللهم :mad:

---

نفسي اعرف متى يخلصون من مشروع الكبري اللي عند فندق موفنبيك والله السيارات اتكسرت منهم :p :p

^
هي جت على الكوبري اللي جمب الموفمبيك وبس . .!

عد واغلط يارجال . . شوارع مكسسرهـ مع انها جديده ماصار لها اكثر من سنتين

بسمه تعالى :


بما أن تعليق الأكورد قاس قليلآ فيحتاج النقيض من العجلات ....الحل هو بتغيير عجلات ميشلان القاسية إلى عجلات أكثر ليونه و مرونه لتخفيف قوة الصدمة المؤثرة و التي بدورها تؤثر على باقي مكونات السيارة و سماع تلك الأصوات بأغلب الأحيان ....عجلات غوديير و تويو تفي بالغرض بالنسبة لمرونتها و نعومتها بالطريق عكس الميشلان و لكن إذا كنت غير مهتم بشكل الكفر و موائمته للجنط فعليك بهما من تجربة ....و طرقاتنا يندب لها الحال فمن جديد مهتريء إلى قديم صديء ...بالتوفيق.

اقتباس:

---

انا اشوف انك تدخل سيارتك صيانه 100 الف و تنفظها ..

وتريح مخك , صحيح انها بتكلف فوق 1500 لكن بتحس بالفرف :rolleyes:

---

ان شاء الله بدخلها لكن على حد علمي انها تكلف 1100 :confused:

اقتباس:

---

وكالة القصيم >> من جنبها في بعض الأمور .. وآخاف تدفع مبلغ وقدرة ولا يحلون المشكلة .

---

والله مدري ايش اقولك الوكالة الي في بريده عندهم مهندس حبيب وأخلاقه عسل لكن صراحه مايعجبني شغلهم ويرصونك اقل شيء ساعتين :mad:

اقتباس:

---

انا مثلك بالتمام ..

---

والله غريبه تشتكي يامجودي انت من اهل الرياض قبل فتره كنت هناك والله صراحه الشوارع ممتازه مقارنه بشوارع القصيم

حياك الله اذا تبي تنفض سيارتك :) لكن انتبه ترا كل كيلو مطب وقبل كل مطب 500 من عيون القطط تنفض السياره نفض :eek:

اقتباس:

---

آكل مطب قوي بالحيل وبعدها الموتر إختلف وصار

يطلع اصوات و حذفة

---

والله هذا الي خايف منه كلها عندي لكن ماكلت مطب :(

اقتباس:

---

* حاول تسأل أقاربك " الخبراء " والمجربين للورش واذا بغيت تصلح شيء بورشة خلك على راسه :) :

---

والله الي اعرفه ان افضل ورشه عندنا القافله لكنهم ينفضون جيبك مثل الوكاله وخبرك عاطل :o

اقتباس:

---

هي جت على الكوبري اللي جمب الموفمبيك وبس . .!

---

يارجل الكوبري الجديد هذا اتشطب قبل مايفتحونه وباقي حوالي 4 سنوات يخلص والله انه متشطب الحين هههه :d

اقتباس:

---

الحل هو بتغيير عجلات ميشلان القاسية

---

والله من ناحية قاسيه فهذا قليل عليها لكن ميزتها تتحمل وانا ناوي اغيرها لكن انتظر تحسن الميزانيه :rolleyes: ناوي على تويو ان شاء الله


جزاكم الله خير جميعآ وشكلها بتصفى على هايلوكس ولا بهاااجر عن هالديره :mad: ..

اقتباس:

---

المشاركة الأصلية كتبت بواسطة abdelslam

حياك الله اذا تبي تنفض سيارتك :) لكن انتبه ترا كل كيلو مطب وقبل كل مطب 500 من عيون القطط تنفض السياره نفض :eek:

والله انك صادق :(

والله هذا الي خايف منه كلها عندي لكن ماكلت مطب :(

انا آكلت كم مطب .. لكن الشكوى لله .. المشكلة بعضها ( على سرعه والسيارة مليانة ) وغصبن عني


والله الي اعرفه ان افضل ورشه عندنا القافله لكنهم ينفضون جيبك مثل الوكاله وخبرك عاطل :o

القافلة ممتازة .. وانا قد سويت صيانة عندهم
وبصراحة :cool: لكن مثل ما ذكرت .. غالين ..


يارجل الكوبري الجديد هذا اتشطب قبل مايفتحونه وباقي حوالي 4 سنوات يخلص والله انه متشطب الحين هههه :d

ههههههه :d


والله من ناحية قاسيه فهذا قليل عليها لكن ميزتها تتحمل وانا ناوي اغيرها لكن انتظر تحسن الميزانيه :rolleyes: ناوي على تويو ان شاء الله

هانكوك .. لينة وسعرها معقول

والتويو اعتقد ممتاز

الله يرزقك

جزاكم الله خير جميعآ وشكلها بتصفى على هايلوكس ولا بهاااجر عن هالديره :mad: ..

---

آمين وياك

-------

بصراحة انا مثلك فكرت بالهايلوكس خصوصا انها ( دفع خلفي ) وأكثر تحمل للمطبات والحفر

وتقدر تطعس :d فيها أوقات المطر

وسعرها مقدور عليه إن شاء الله .. عكس الجيوب غالية

لكن بصراحة .. ماااش لك عليها :p
اذا تعودت على الصغيرة وراحتها وثباتها وهدوئها وفخامتها والخ ... وجودة الهوندا .

بتندم اذا اشتريت هايلوكس .. لأنك بتخسر أشياء كثيرة موجودة بالأكورد .

بالإضافة إلى ان الهايلوكس فيها بعض العيوب .
وتلفيق أبو جميل :mad:


المشكلة بشوارعنا .. مدري متى تصير مثل العالم :confused:


السعودية من أكبر المصدرين للنفط
وغير فقيرة ولله الحمد

ياليت تنحل بعض المشاكل بأسرع وقت ممكن ( الشوارع + الوظائف + الخ ...) من الأشياء المهمة

اقتباس:

---

بصراحة انا مثلك فكرت بالهايلوكس خصوصا انها ( دفع خلفي ) وأكثر تحمل للمطبات والحفر

وتقدر تطعس :d فيها أوقات المطر

وسعرها مقدور عليه إن شاء الله .. عكس الجيوب غالية

---

وأيضآ لك وللزمن :d

وبعد ماتكرفها تبيعها بـأقل من قيمتها بـ10 ألاف بالكثير يعني مو ذاك الخساره :d

لكن عيبها السمعه واما من ناحية المواصفات فهي احسن من الاكورد فيها حساسات الاكورد مافيها :d

اقتباس:

---

لكن بصراحة .. ماااش لك عليها :p
اذا تعودت على الصغيرة وراحتها وثباتها وهدوئها وفخامتها والخ ... وجودة الهوندا .

بتندم اذا اشتريت هايلوكس .. لأنك بتخسر أشياء كثيرة موجودة بالأكورد .

بالإضافة إلى ان الهايلوكس فيها بعض العيوب .
وتلفيق أبو جميل :mad:

---

والله عاد كلهم في الهوى سوى سواء ابو جميل او غيره يعني وقفت على المسجلات :d

على الاقل من ناحية الصيانه يمدحونه :) احسن من ابو هاشم فرعهم لي عندنا تقول محل دجاج هههههه :d

اقتباس:

---

المشكلة بشوارعنا .. مدري متى تصير مثل العالم :confused:


السعودية من أكبر المصدرين للنفط
وغير فقيرة ولله الحمد

ياليت تنحل بعض المشاكل بأسرع وقت ممكن ( الشوارع + الوظائف + الخ ...) من الأشياء المهمة

---

اي والله الله يسمع منك

جزاك الله كل خير على تعليقك الجميل :)..