شباب أبشركم لقيت سيارتي المسروقة .... اى ى 6116

بسم الله الرحمن الرحيم

السلام عليكم ورحمة الله وبركاته ....
أبشركم لقيت سيارتي بعد ثمانية أيام من سرقتها على طريق الخفجي وبالتحديد طريق أبو حدرية خلف المعارض والتشاليح في الصباح الساعة الثامنة وبحضور الدوريات الأمنية والأدلة الجنائية تم إستدعائي و تم رفع البصمات للسيارة كاملة من الخارج والسيارة كانت في وضع التشغيل والمكيف على الحار( كي يتم مسح البصمات من الداخل) وتم وضع عليها لوحة مسروقة تابعة لهوندا اكورد موديل 2006 لونها أسود ... والسيارة أبشركم سليمة مافيها صدمات ولا شي بس عيال الحرام سرقوا الكفرات الأربعة مع الكفر الإحتياطي والعفريته وطفاية الحريق وشنطة الإسعافات الأولية ووضعوا السيارة على بلك بناء هذا بالنسبة للسيارة من الخارج ...
أما من الداخل فالسيارة سليمة والحمد لله بس أخذو جميع الأغراض الخاصة بي من ضمنها إثباتاتي وإثبات السيارة والكتالوجات وكتيب الضمان وباقي الأغراض من سيديهات وغيرها ... إلخ ...
والحمد لله على كل حال وفي النهاية شاكر لكم وقفتكم معي وتعاونكم
والله يعطيكم العافية وإعذروني على التأخير على كتابة الموضوع بسبب الأشغال وروحات وجيات للوكالة والتأمين وراح أزودكم ببعض الصور للسيارة عما قريب ....



محبكم ...
عاشق الهنادي _____ ا ى ى 6116

يالله الحمدلله انك حصلتها و باقي الاغراض مهونة اهم شي المكينة و القير :)

و سبحان الله قبل سنتين واحد من الشباب انسرقت سيارته بالرياض 2007 فل كامل

و حصلها قريب من المكان اللي انت قلت عليه و فوقها محصل المكيف شغال ع الحااار

الله يعين ولا يوفق كل سارق

معوض اخوي :)

الف مبرووك والحمدلله على سلامة الهنادي
والله يعوضك بخير من باقي الاغراض.
شكلهم محترفين سرقة الله يجيرنا من الاشكال وجعلهم بالبلية والمصيبة والمهانة والوهن.

مبروووووووووووووك اخووووي والله يعوضك باللي راااح

الحمد لله على رجعتها والله يعوضك باللي راح

حمدلله على سـلآمتها ,,,

والله يعوضك باللي انسرق منها ..

والله لا يوفقهم عيال الحــرآم ..



ودي اعرف وش يبون بشنطة الاسعافات ... :confused:

الحمد لله على سلامتها

يا رجال احمد الله انك لقيتها سليمة

اهم شيء البدي والقير والمكينة اما الجنوط مدبر امرها

الحمد لله على سلامة الهنادي

وان شاء الله يكون اخر مره يمر عليك الموقف

الله يحفظك ويحفظ والدينك من كل شر

الحمد الله على سلامت الهنااااااااااااااااادي
والله يعوضك بالاضراااااااار

زين أنك لقيتها الحمدالله ...

والله يجازي اللي سرقو السياره باللي يستاهلون ...

بإنتظار الصور.....

اللهم لك الحمد والشكر

الله يبشرك بالخير ولايريك مكروووه ابد ابد .....

والله الله بالحفاااااااااظ عليها وحرم تنزل وانت ما طفيت الموووتر

الحمدلله على السلامه

الله يعوضك خير

:)

والله ان شايل همك وادخل المنتدى اشيك اشوف لقيت موترك ولا لا ..

والحمد لله انه ردها لك .. والكفرات امرها هين ان شاء الله

الف مبرووك والحمدلله على السلامة والله يبعد عنك وعنا كل سوء

الف مبرووووووك وألف الحمد لله على السلااااااااااااااااامه

الساعه المباركه يوم لقيتها :d

الله يعوضك باللي انسرق الكفرات امرها هين

والله لا يوفق عيال الحرام جعلهم تريله تدوسهم ونرتاح من اشكالهم :mad:

هههههههههههه

مبروك الف مبروك :d

مبروووووووووك والحمدلله على سلامه الموتر

وعليكم السلام ورحمةُ الله وبركاته ،

من شاف مصيبة غيره ، هانت عليه مصيبته ..

والحمد لله أنك لقيتها ..

وممكن يكون لك درس في حياتِك ، عشان تنتبه أكثر للسيارة ..

وعسى الله يوفقك ..

الف الف مبروك ياغالي

وان شاء الله اخر الاحزان

مبرووووك انك لقيت السيارة
والمره الجاية انتبه تنسى السيارة شغال وتتركها حتى لو كان المكان الي تبغاه جنبك اعمل احتياطاتك وطفي السيارة
هذي الايام كثرة سرقت السيارة
مر على اقرب جمعية خيرية وتصدق منها دفعت بلا عن السيارة ومنها شكر لله انه رجعلك السيارة سالمه.

يارجال الحمدالله على كل حال انك لقيت السيارة واخر الاحزان ان شاءالله,,واذا عالكفرات تهون اهم شي مكينتها وقيرها وبوديها سليم وماجاها شي,ووالله مااقول غير حسبي الله ونعم الوكيل منهم بس..اهم شي انتبه على موترك,عيال الحرام مايصدقون ينتظرون فرصة..

الحمد للهـــ ع السلآمهـــــــ

وآنشآء اللهـ آخر الاحزآنـــــ

ويآرب لآ توفق كل شخص يمس حلآل غيييرهــــ

ابي سؤال واحد بس وش يحس فيه الى يسرق , هى مرجله لا والله هى مبزره لاوالله هلى ملحجه نعم والله هى سربته نعم والله هى قلت تربيه نعم والله هى خراب وفساد بالمجتمع نعم والله والله لو لى سلطه وربى لو اشوف حرامى لاحرمه الحياه استغفر الله وش هالعالم والله ياجماعه كثرانه سرقات السيارات وخصوصا الهوندا مدرى وش السالفه لايكون نظام الامان فيها دجه مدرى
لا كن الحمد لله وانا اخوك انك حصلت موترك والمفقوداتاسئل الله جل في علاه ان يعوظك خير منها .

الحمدلله يخوي إنك لقيتهـا وإن شاء الله آخر الأحزان والمصايـب

وكل واحد يخلي باله من لغاليغووه :d

الف مبروووووك وإن شاء الله اخر المصايب