اكثر موضوع محير .. انواع العازل + صيانة 1000

الحمدلله تم شراء السيارة على بركة الله ....



.

.

.

.








المشروع القادم ... تركيب تظليل عازل ...
تقريبا لفيت اغلب محلات العازل .. واستقريت على جونسون وكول كار ونايس كول .. لعدة اسباب اهمها (السعر ثم السعر)
طبعا كول كار مسوي دعاية في المنتدى ب 900 ريال ...
وجونسون عرض عندهم تظليل 1300 ريال + تشميع كامل السيارة للمحافظة على لون البودي ( لون السيارة اسود وانتم عارفين كيف حساس 200 ريال ) = 1500 .. ومتأكد راح اعاندهم وبينزل مية ريال خصم ...
اما نايس كول امره غريب شوي وهو اللي دعاني لكاتبة الموضوع .. انه محل ولكن عنده انواع عازل من جنسون وسولار قارد وسن قارد وغيرها ؟؟
وسعر جونسون عنده ب700 ريال فقط ؟ ونفس كرتون جونسون والاستيكر والطبعة والضمان وكل شي ؟؟
فهل معقول جونسون الشركة الام .. تعطي المنتج لأي شخص يفتح محل ؟
في محلات جونسون العامل يقولي مستحيل وهذا المنتج خاص فينا واحنا الوحيدين نمثل الشركة ومنتجاتها بموجب توكيل يمنع الشركة انها تزود اي محل غيرنا ؟

هذا سؤالي اللي محيرني جدا .. :confused:

فأيش الافضل برأيكم ( عن تجربة ) ورجاء لاحد يقولي في كول وزيبارت وجيوشيلد و3إم لأنهم معروفين انهم الافضل ورحت لهم اسعار نار وشلتهم من راسي..

وبالنسبة للتشميع هل منه فائدة ملموسة بالفعل ولا كلام فاضي .. طبعا الاكيد حسب كلام الموظف في جونسون انه بعد 6 اشهر يصبح التشميع كلام فاضي ولابد تجديده او مسحه نهائيا .....


والمختصر /
جونسون الاصلي وانا مرتاح نفسيا / تظليل 1300 + تشميع 200 = 1500 ريال .
كول كار ماسمعت احد جربه / تظليل فقط 900 ريال .
نايس كول تظليل جونسون مشكوك فيه 700 ريال .

طبعا التشميع في اغلب المحلات مايتجاوز 200 ريال فهل تنصحوني بمحل معين للتشميع الممتاز والفعال ..



بيني وبينكم / صرت اقرف من كلام الموظفين في جميع الشركات لأن كل واحد له عمولة وكل واحد ينقط عسل وتحس انه يستغل السعودي وعارف ان السيارة جديده و اني خايف عليها بالذات الشامي والمصري < نفسي اقلته لما يجلس يبكش .



ايش افضل شي اسويه بعد هذه الهجولة ساعدوني قبل لاتولع السيارة ...:(



* السيارة مشت 900 كيلو ماهي خطوات عمل صيانة 1000 وهل عليها رسوم وماهي الاشياء اللي يكشفوا عليها ...*

في عندك شكرة لومار اسعارها مقبولة وشغلهم مرتب

تحياتي

تشميع
لااااااااااااااااااااااااا

اذا كنت ملزم
سو لها حماية كاملة للوجهية
اذا ما تقدر كامل الوجهية
خلها الانوار بس لأنها اهم شي

بالنسبة للاسعار يا بعدي
ترى 400 ريال ما راح تفرق
لأنهم اضمن بشكل أكبر

بس نصيحة
لا تسوي تشميع

اقتباس:

---

المشاركة الأصلية كتبت بواسطة فيرآندآمرآولة

تشميع

لااااااااااااااااااااااااا

اذا كنت ملزم
سو لها حماية كاملة للوجهية
اذا ما تقدر كامل الوجهية
خلها الانوار بس لأنها اهم شي

بالنسبة للاسعار يا بعدي
ترى 400 ريال ما راح تفرق
لأنهم اضمن بشكل أكبر

بس نصيحة
لا تسوي تشميع

---

ليه تشميع لا ؟
حماية الواجهة اللي تقول عليها خاصة بالسافي وغبار الخط وتشويش الانوار وهذه مع كثرة السفر مفيده جدا ولكن انا ماني راعي خطوط ابدا وهي تحمي الواجهة فقط ..
اما التشميع لكامل بودي السيارة للمحافظة على اللمعه وتقليل الاحتكاك وربما تقول انها تسبب في اطفاء اللون يعني (لون مطفي) وهذا صحيح في حالة عدم تجديد التشميع كل 6 اشهر ...
هذا اللي اعرفه ولكن اتمنى تشرحلي كلامك يمكن فيه شي مخفي عني وياليت تفيدني بارك الله فيك قبل لا اسوي اي شي ...

زيبارت

انصحك بهداااااااا

وشكرا

انا عن نفسي مظلل زيبارت

انا أرشح جونسون

اما عن نايس كول ,, في واحد يسمونه " عصفور " كان شغال بجونسون وصارت له مشكلة وطلع منها , وكان مسموح للشغالين فيه انهم يشترون لفات بسعر زهيييد فـ هو له اخويا يجيبون له لفات وهو فاتح محل ومظبط وضعه .. هذا على كلامه

بارك الله فيكم وبعض الاخوان يقترح شركات غير المذكورة في الموضوع ؟!! عجبي ..
ومحد جاب سيرة صيانة الالف كيلو الاولى ..




اخي
abdUlrahman naF http://www.hondaarabia.com/club/imag...ser_online.gif
من كلامك ان محل نايس كول لديه منتج جونسون الاصلي ... اذا كانت معلومة اكيدة فالافضل اكيد ان اركب العازل عندهم واتجه للتشميع في اي محل تنصحوني فيه .... ياليت احد يأكد لنا هالمعلومة ..


في انتظار باقي الاستشارات والمداخلات ..

صيانة الالف كيلو الاولى
رح للوكاله يغيرون لك الزيت مجانا وبس

لا تستعجل في التظليل وشوف مواضيعي راح تفيدك جداً
بالنسبه لصيانة الالف كيلو
بس تغيير الزيت وراح ينسملك شويه من الكفرات ولما سألته ليش قلي انه في الوكاله عشان السياره واقفه يعبوها زياده وبس عشان لا تحبل
وهذه هيه صيانة الالف فقط

أنا مركب تظليل عازل كوري كل السيارة ما كلفت 200 ريال
منذ اكثر من 6 أشهر وحتى الان التظليل ماشاء الله تبارك الله
آخر حلاوة وفعلا أحس بفرق بالنسبة لأشعة الشمس عند القيادة

أما بالنسبة للتشميع فهناك منتج من ميقوايرز أسمه ( تيك واكس )
ولونه تقريبا بنفسجي منتج رااائع جدا واستخدامه سهل للغااااية
فقط اغسل السيارة ومن ثم رش المنتج على السيارة وامسحه بسفنجة
بحركة دائرية واتركه حتى يجف وبعد ذلك امسحه بمنشفة جافة
ثم بمنشفة رطبة وسترى الفرق
وسلامتكم

الله يعطيك خيرها ويكفيك شرها

الصيانة:تغيير زيت مع سيفون مجانا(ماتدفع ريال)

العازل:كنت مظلل Drive7بـ1700 ما اعجبني وبعدها غيرت الى جيوشيلد:cool: بـ2000(روووعة)انصح به.

انصحك ب زيبات


هو غال واغلى نوع بس ليه تنصح به


ادا احد كان خلفك وكان نوره عالي او قوي او زنون


ادا كنت مضلل الخلفيه زيبات 01

,ولا كانه الي خلفك مشغل انوار قويه ولا شيء تصير انوار خافته

هدا هو السبب اما بقيه الانواع

يبين انه عالي النور ويالم العين

تحياتي لك

جالاردو لوفر

تقريبا رسيت على عازل كول كار بسبب غلاء شركة جونسون وبسبب زيارتي لنايس كول ولقيت ابو يمن لابس فوطة ويبغى يركب لي عازل ويقولي جونسون اصلي ؟؟؟ والمحل بدون شروحات ولا بروشرات ولا ستاندات ولا اي امكانيات تذكر فقط رول ومشرط وعامل واحد يماني وماارتحت له ابدا ..



طيب افيدونا في مسألة التشميع ..
هل له فايدة ملموسة في المحافظة على لمعة البوية (لون اسود) ام انه كلام فاضي .... نبغى احد جرب وهل حس بالفرق بعد كم شهر ..
هل يختلف من محل لمحل ومن اسم لإسم ؟ وش الافضل منهم ؟ والتسعيرة الله لايهينكم ..

اقتباس:

---

المشاركة الأصلية كتبت بواسطة د.عزت

ليه تشميع لا ؟
اتمنى تشرحلي كلامك يمكن فيه شي مخفي عني وياليت تفيدني بارك الله فيك قبل لا اسوي اي شي

---

د.عزت
انت بردك سألت وجاوبت على نفسك
ههههه

لكن اقول لك
التشميع يبي يخرب البوية حقت السيارة << مجربها انا
اول شي لازم تسويها كل سنة او كل ستة شهور علشان ما تخرب رشة السيارة
ثانيا التشميع سواءا سويته كل فترة او ما سويته راح يخرب اللمعة حقت السيارة
ان كانت لؤلؤي تبي تصير صفراء
وان كانت غامقة راح تصير باهته وتطير البوية كأنها متقشعة
مثل ما تشوف بعض السيارات اللي تكون واقفة كثير تحت الشمس

الحماية للوجهية اهم شي لانها الاساس بالسيارة سواءا راعي خطوط او بوسط الديرة
افرض طار عليك قوطي ببسي ومخش لك الوجهية .. والله ان تقعد تصيح قدام الصدام وتتحسف
بوقت الشتاء الماء والامطار تصير واللي قدامك ما يرحمون يطيرون عليك الرذاذ ويمكن يأثر على وجه الموتر ويقشع البوية

وارجع واقول لك
لا يهمك كلام محلات التشميع
لو قعد يمدح لك من اليوم لييييين بكرى بالتشميع وانه زين
صدقني من تجربة شخصية ندمت عليها وندمت اني نصحت اخوياي فيها
التشميع والتلميع تنبسط عليه شهر او شهرين
وبعدين !!!!؟؟
تطير اللمعة
حتى لو قال لك راعي التلميع انها ما تطير فهو يبي يمدح بضاعته ويجبرك ترجع له مرة ثانية
وراح يضبطها لك ويحط فيها تشميع وتصير تلق وتلصف وزينه
اسبوعين وتروح وترجع يضيق صدرك على شكل السيارة
الجو عندك هنا ما يساعد على هالموضوع

هذا اللي عندي واتمنى اني افدتك