سيتم تطبيق نظام ساهر في بريدة بعد يومين + السرعات المحددة لكل الطرق ..!

السلام عليكم ورحمة الله وبركاته



سيتم تطبيق نظام ساهر في بريدة بعد يومين أو ربما غدآ

أرجوآ أخذ الحيطة والحذر



يالله سترك :(

السرعات المحددة للطرق المحتمل تواجد ساهر فيها

http://store2.up-00.com/Jul10/pol04543.jpg

أيضآ احب أنبه انه فيه أشياء يمكن ناتعرفوها

مثل

* عند الالتفاف الى اليمين عند الاشارة يجب أن تكون في المسار الأيمن وأن تتوقف على الأقل 5 ثواني

ثم تلتف

* عند اجتياز خط المشاة تأخذ مخالة قطع الاشارة

* عندما تكون في المسار الأوسط وتكون واقف في اشارة ثم تغير رأيك وتلتف الى اليمين تأخذ مخالفة قطع اشارة



ان اصبت فمن الله وان اخطأت فمني ومن الشيطان

ياليت اي احد عنده معلومه ياليت يفيدنا فيها وجزاكم الله خير ..

طيب والمدينة ماعندكم عل متى بيشتغل النظام ,, والله يعينكم ويعين الشعب السعودي :(


...

حسبنا الله ونعم الوكيل

مسوي ستار اكاديمي مثلن :d

بكل زوايـة كآم

لا يشغلونه بس بالشرقيـه وربي مصخره ايـه مصخره

فالحيـن بس كيف ينهبـون فلوس الناس ومسوين فيهـا يعني على حساب سلامة الناس

نص الحوادث إلي قعد اشوفهـا وترفع ضغطي من الهنـود ..وسببها مو سرعه ولا شي

عارفين وش سببها يجي الهندي يوقف قبل الإشارة بنص ساعـه وماعليه من إلي وراه ولا شي
وقال لك السبب السرعـه

اي سرعـه يبوو اسحبوا الرخص من الهنود ولاتخلونهم يسوقون..ونفتك من السواقيـن مره وحده:mad:

الله يعين


ما كنت ادري ان النظام بيطبقوننة قريب عندنا :(

الممشكلة :

سرعة + قطعت كم إشارة :eek: كنت مظطر + اتعدى خطوط المشاة + الف يمين بدون وقوف وانتظار 5 ثواني


الله يستر بس

بروح اشيك على المخالفات

بموقع الداخلية >> قسم المرور >> الإستعلام عن المخالفات

-------------

جزاك الله خير

وتسلم يدينك على التنبيه

لا الحمد لله

ما فيه مخالفات ( اضافية )
ولا جتني رسائل على جوالي << محدث البيانات
:d

اللهم لك الحمد والشكر

------------------------------
الحين خلاص
بصير شايب ههه :d
يا رجال سواقة الشيبان ارحم

بخلي احتياط 5 أو 10

مثلا 60 >>> امشي 50

لا والله ماعندنا علم عن المدينة

أشكركم على التواجد والله يكفينا ويكفيكم شر سارق ..

دايم احصل ساهر متواجد بطريق الشاحنات بعد خياط دبي والدولي على اليمين انتبهو منه :d

شكلي بروح بتكسي للجامعه اوفر لي

الحين في السواقة لامجال للفهياان (جمع فاهي وهو السرحان :d)

النظام حلو لكن تطبيق النظام يجي تدريجي واوال شيء يضبطون الشوارع

وتبدأ توعية للناس ويضعون لوحات ارشادية واضحه في كل مكان

والكاميرات ماتكون مخفيه

ولاتكون الباصات في طريق بداية سرعته 90 وفي وسطه 70 وباص ساهر واقف ورا اللوحه

ومن الحين اقولها اذا استمر النظام على ماهو عليه راح ابيع سيارتي واتكي ببيتنا

مقطع للدعاااااابه بس
لاحد يزعل ويقول داخل عرض

[ame=http://www.youtube.com/watch?v=sNXef2JNBFg]YouTube - &#x202b;نظام ساهر&#x202c;&lrm;[/ame]

آآآآآآآآه يابطننننننننننننننننننننننني وربي ياضحكت الى مادخت

والله الشعب السعودي مافي زيه
تحياتي

فيه باص دايما يصير جنب القصور الملكيه على طريق حائل قبل وكالت هوندا اذا كنت متجه شمال
{ معروف هذا الطريق بأسم طريق المدينه }

فيه قصه سمعتها من صديقي :eek: قبل كم يوم كان موقف باص ساهر ويلقط مخالفات كالعاده ولكن كان فيه واحد صورته الكاميره كان مسرع ورجع لمها بكلاشنكوف وكسرها تكسير :eek: بعدها صار اذا وقف باص ساهر لازم تكون جنبها دوريه وهذي القصه مااتأكدت منها 100% ..

ايه صحيحه هالقصه وحصلت عند مخرج الفروسيه والحين مابقا الاباصين بالقصيم واحد بطريق الملك فهد دايم والثاني بطريق الشاحنات

وانتبه قبل كم يوم شفت واحد وانت راجع من الجامعه الي بالمليداء من عند طريق حايل قبل ماتفرق لطريق المدينه تلقاه عند المقهى موجود والظاهر انه بيدخل ذهب من المكان ذاك لان دايم تكون فيه السرعه عاليه :d

مشكووور اخووي على التنبيه

اللي بطريق الجامعه بس خلووه يووم وبعدهاا شالوه لانه كان فيه حادث قبل بيووم وحطووه من بعده

تدرري وش اللي يرفع الظغط طريق مدرسه مجمع الامير سلطان اللي هو شارع الحسون تمشي فيه 60 كان قبل ساهر ما انزل عن 120
اذا صرت اتمشى بذااك الشارع امشي 80 من كبره....

وتقبلو مروووري....