السلام عليـكم :cool:...
ياجماعـة الخيـر اقسم بالله انا مليـت وحاس يـوم من الأيام سيارتي بيتتفكك كل شي فيهـا..يعني ما في امل احافظ عليها:(
للأمانـه عندنـا منطقـه شوراعهـا مش محفره ولا متعوجـه لكـن فيها حفر صغار:confused:
يعني الزفلـت نفسـه صار متهربد ومتفكك وبينه جزئيات صغيره:rolleyes:
طبعن هالمدينه هي التحليـه إلي بالجبيـل :p..
اقسم بالله كل شوراعها كذا يعنـي كل سته شهور غير الجلـد حقت العكوس اليمين واليسار وانت ماتشوف الدرب ..
اصلن تمشي بالسيارة وانت تسمع الأصوات تحس إنك تحت مطبااات صغيييييييييره ولا يمديك تتخلص منهـا :mad:
تحس إنها بظهرك من القهر
مليـت :(
كلمت مسؤول ليـه مايغيرون الزفلـت قام يستهبل يقول هذا في الخطـه الخماسيـه
قلت له مابدل ماتحطون مطبـه إلكترونيـه عند البوابـه إلي مال امها داعـي
حطو زفلت زي الناس
ياعالم حاطين مطبـه مثل ذيك إلي في الشركات الكبيره إلي تطلع لك من تحت الأرض ومكتوب عليها stop
حسسونـا إننا بسكن امريكان ماحنا بسكن التحليـه
غير الخدمات إلي زي وجيهم فيهـا بس ما ابي اتكلم بالموضوع ذاا
وشوارعـهم من اول ماجينـا التحليـه من ثلاثين سنه و اكثر وللحين هذي الشوارع
ما غيروهـا
بس فالحين يصبغون الأرصفـه و المطبات ....
وعلى طاري المطبات إلي ساكن بالجبيـل او يروح الجبيل البلد
الملاعيـن حطو مطبـه ورا سوق الخضار
ياجعل من حطهـا تزحف خشتـه عليها همن يصفق فكـة السفلي في المطبـة وينقز واول ما ينقز يرجع على جبهتـه ويزحف متريـن وبعدهـا يدخل بالرصيف إلي قدام على كتفه مع فكـه عشان ينكسر عظم الترقوه مع الفك السفلي ..واتمنـى بعد إن حصل يجيه رباط صليبي مره وحده
وإلى الحين ما صبغوهـا ومطبـه جااااااااااااامده من النوع إلي تحس إنك طلعت رصيـف حتى لو إنك ماشي 20
اشوى ماكليتهـا لأن في واحد شايب قدامي مع عياله كلاهـا ما شفت إلا الطواقي تتحاذف من الدرايش
قلت وش السالفـه
على طول طفيت المسجل اول شي ..عادة السعودين الواحد يضيع يشوف موقف قدامـه يطفي المسجل طيب وش دخله هو
واجي ابي اهدي
عاد كلكم تعرفون بريك الأكورد إلي مافي زيه بأي سياره
والف السيارة يمين لأخر المطبه وانا رابط بريـك
ما ادري من علمني الحركـة ذي بس السيارة تمسك لا لفيت وانت ماسك بريك احسن من وهي ماشيه سيده
فحبيت اقول لكم
أمـا شوارعنـا ومعانتنـا معهـا ماراح تخلص
طيب من يذكـر طريق الجبيل الدمام يوم كان فيه تحويلـه
كم عائلـه راحت وكم حادث صار غير كذا الحفر إلي كان بيمين الخط عشان التريلات
والحين بعد التعب كل زينوووه وركبو فيه انوار
ولو إني ما احب الأنوار بالطريق
احلى الشي لا صار الخط مضلم عشان تشوف لمبات طبلون الأكورد وهي تشع
<<<<كل هواء ما هو بوقتك
ماعلينـا
نرجع لموضوع شوراع التحليـه المخيييييسه
اقسم بالله بالعربي مصخرة واهمااال
اصلن العالم تعودو هناك
ومتعاقدين مع كم ورشة التحليـه عشان إلي يصلح الورشة تعطي التحليـة نسبـه من الأرباح عشان جابت لهم زبائـن
<<<<<ذي من رأسي لا احد يصدق بس
المهم إني مقهور ودي اشتري سيكـل
ولا جيت ادخل التحليـة وقفت الأكورد برا
وخذيت السيكل اروح فيه البيـت
وبس
لحظـة بقول شي
طيب من يعرف مخرج ابو حدريـه وانتي تمسك خط الرياض وجاي من خط الجبيل الدمام
اول ماتلف
تلقـى زي الحفره إلي تحس إن الكفر يصير بالهواء شوي وبعدين يضرب بالأرض :eek:
لدرجـة إن المسجل يفصل شوي :p
وبس
<<<<<خلصت اكيـد:confused:
أيـه :d
