لمبات السيفيك الخلفية شغالة على طول !!

عرض للطباعة

23-08-2010, 02:59 PM
خلف

لمبات السيفيك الخلفية شغالة على طول !!

شباب ..أنا اليوم واجهت مشكلة نزلت من سيارتي سيفيك 2003 ولقيت اللمبات الخلفية الحمراء ولمبة البريك اللي خلف المرتبة شغالين والسيارة طافية !!! ورحت بعد شوي وفكيت اصبع البطارية وقعدت شوي ورديت شبكته ونفس النتيجة ...والله مشكلة وماجات غير في ذا الحر والرطوبة والدنيا صيام ومالي خلق الخضرية والنصب فياترى ايش المشكلة وايش الحل وأنا الآن فاصل اصبع البطارية وتارك السيارة وعايف حياتي ...ساعدوني قبل لاأتهور وأخربها ..ولو حلها فقط عند الكهربائي دلوني على كهربائي ممتاز وفاهم ولاينصب ويلهف فلوس ..أنا في الدمام
23-08-2010, 05:32 PM
هـsiـاجر

عندك الافيوز معلق جرب طف الليتات وشغلها مره ثانية
واذا ماتعدلت ودها كهربائي تحصلها بمحطة المباركية يشوفها لك

وانا نصيحتي توديها الخضرية
23-08-2010, 10:49 PM
خلف

اقتباس:

المشاركة الأصلية كتبت بواسطة هـsiـاجر

عندك الافيوز معلق جرب طف الليتات وشغلها مره ثانية

واذا ماتعدلت ودها كهربائي تحصلها بمحطة المباركية يشوفها لك

وانا نصيحتي توديها الخضرية

طفيت الليتات وشغلتها ومافي فايدة ..وياريت توصف لي مكان الكهربائي اللي بالمباركية
23-08-2010, 11:00 PM
هـsiـاجر

اقتباس:

المشاركة الأصلية كتبت بواسطة خلف

طفيت الليتات وشغلتها ومافي فايدة ..وياريت توصف لي مكان الكهربائي اللي بالمباركية

شفت دوار الصدفة هناك في صيدلية الدواء يمها على طوال محطة المباركية:d في كهربائي ممتاز انا مره عدلت عنده المكيف رديتر شغل كهربائي قوله انا جاي من طرف خالد راعي السيفيك
23-08-2010, 11:33 PM
عاشق سيييييفيك

هلا أخووي مالها داعي تعاف نفسك منها وتضيق خلقك ترى كلها لمبات يعني شغلتها بسيطه ولا تكلفك أبد
يعني أتوقع من فيوز أو لمبات جديده والشغله بسيطه جدا وبتوفيق أخووي.
24-08-2010, 11:58 AM
خلف

اقتباس:

المشاركة الأصلية كتبت بواسطة عاشق سيييييفيك

هلا أخووي مالها داعي تعاف نفسك منها وتضيق خلقك ترى كلها لمبات يعني شغلتها بسيطه ولا تكلفك أبد
يعني أتوقع من فيوز أو لمبات جديده والشغله بسيطه جدا وبتوفيق أخووي.

مشكور أخي عاشق سييييفك على المواساة وتطييب الخاطر وأبشرك انحلت المشكلة ولله الحمد
24-08-2010, 12:08 PM
خلف

اقتباس:

المشاركة الأصلية كتبت بواسطة هـsiـاجر

شفت دوار الصدفة هناك في صيدلية الدواء يمها على طوال محطة المباركية:d في كهربائي ممتاز انا مره عدلت عنده المكيف رديتر شغل كهربائي قوله انا جاي من طرف خالد راعي السيفيك

الحمد لله رب العالمين
ألف ألف شكر لك ياخالد وربي ماقصرت ..رحت اليوم الصباح أبغى أروح لخويك ومريت كهربائي عند إشارة في المباركية قدامها شقق مفروشة وقريبة جداً من دوار الصدفة وحصلت البنشري هناك يقول الكهربائي يجي بعد العصر وهو يماني والمحطة اسمها (محطة الواحة) وأظن إنه مو خويك اللي تقصده لأن مقابله صيدلية النهدي ماهي دواء وقلت أكيد الكهربائي المقصود بيجي بعد العصر ومايسوى أروح أطق مشوار وأعطيها على طريق الخضرية وأخش في دواعيس مكسرة مكسرة مكسرة وحفر الله لايوريك ..أكيد عرفت طريق أي ورشة في الخضرية ..طبعاً ورشة ( السعادة ) أحسن ورشة هوندا في المملكة ولقيت المعلم إقبال وطلع الكهربائي يشوفها وماشاء الله لاقوة إلا بالله فك حاجة أسفل الدركسيون وقال الحساس كويس بس فيه قطعة بلاستيك صغيرة مقطوعة ( وشكلها دائري وتشبة الصامولة والواشر )وأبغى أغيرها وخش جاب قطعة صغيرة جديدة وركبها وما قعدت عنده دقيقتين ..الله يوفقهم والله فاهمين وورشة قمة في الإمتياز مشكلتها الكبيرة طريقها مهلك للسيارة مكسر تكسير أليم وهو أسوأ طريق في كل الخضرية ..ياليت يشوفون لهم مكان أفضل ..حرام ورشة مثل هذي تكون في مكان تعبان زي كذا ..أكرر شكري لك أخ خالد