باركولي شريت أكوورد بس ابيكم تجاوبوني ع سؤالي ..

السلام عليكم ورحمه الله وبركاته ..


باركولي شريت أكوورد بس ابيكم تجاوبوني ع سؤالي ..

اليوم الصبح شريت اكورد 2010 اسبشل من الوكاله الي بالجبيل الصناعيه

و مثل ما تعرفون ما تجي لها كشافات وجيت بركبها من الوكاله إلا يقووول ب1500ريال

طبعا انا تخرعت :eek:


عاد الي مركب كشافات من برى الوكاله يقولنا وين مركبها

او يعرف محل في الشرقيه يبيعها بس تكون نوعيه زينه ..





و لكم ودي ..

الف مبروك يالغالي

الله يعطيك خيرها ويكفيك شرها يارب

ماشاء الله تبارك الله
الله يعطيك خيرها ويكفيك شرها

الله يعطيك خير ويكفيك شرها

بالنسبه للكشافات انا مركبها برا الوكاله ب 170

بس لازم يفكون الصدام ...


بالتوفيق

الف مبروك ،، ويعطك خيرها ويكفيك شرها .. وبالنسبة للكشافات انصحك ركبها من الوكالة لو يقولون بـ ٣ الاف .

انحششش من الوكاله .. لا يارجال .. تلاقيها عند اي محل صيانه انت اشتر القطع حقتها .. واسال عن ورشه كويسه

ولو في الرياض كنت راح اقولك اكثر من ورشه .. بس المشكله انك بالجبيل ..

ويعطيك خيرها ويكفيك شرها ..

على فكره ترى انا مو من راعي الخبره في ذا الشي لأن سيارتي جايه كشافات وكاله << اجل ليش تتفلسف :d

لا جد والله حبيت اني اساعدك ولا تفكر في عبدالله هاشم ذا النصاب .. :mad:

وعليكم السلام

على البركه الله يعطيك خيرها ويكفيك شرها

نصيحه ارجع لحق المبيعات الي في المعرض وخله يسوي لك الكشافات لانه ياخذ منك 1500 والتركيب مجانا بورشه الوكاله

لكن اذا رجعت بعد فتره بياخذون 1500 + 300 حق التركيب

بتقولي ليه اقولك حقة الوكاله , اولآ لان يجي معها فاصل زي الفل اوبشن اما التجاري يكسر لك حبه من الحبات الي عند زر الـ vsa ويحط لك زر الكشافات , التجاريه ينخاف منها وقت المطر لو دخل مويه وصار التماس لاقدر الله مابتنفعك التجاريه , ايضا التجاريه تصفر بسرعه واضائتها جايه سيده مباشره ماهي متوزعه يمين ويسار زي الوكاله .

يبآآآآآآآآآآآآآآآآآآآرك فيكم كلكم ..

ومشكووورين ع الردود ..

إأخوي , وآحد من اخوياي قبل اسبوع شرى اكورد 2010 فل كامل

و قال لهم بيركب زينون قالو له لا تركب ترى يروح عليك الضمان

المشكله قال لهم انتم ركبوه ابي حق الـ 6 v قالو ايه يروح الضمان عليك

فياليت تستفسر قبل تركب اي شيء علشان ما تتوهق و يروح الضمان

بالتوفيق

الله يعطيك خيرها ويكفيك شرها
خذ كشافات من محلات بيع الزينون
واوصيك بزينون امريكي ضمان سنه
لكن شفلك كهربائي ممتاز عشان فك الصدام

هلا وغلا اخوي ..

وهلا بعيال الجبيل الصناعية كلهم .. وترى انا وانت من مدينة وحدة ...

قبل كل شيئ الله يعطيك خيرها ويكفيك شرها ..

وثاني شيئ انا عندي اكورد نص فل ,,

ركبت الكشافات في الوكالة بـ 1500 ريال .. والحمد لله معطية السيارة منظر غير طبيعي .. ونصيحتي لا تفكر تركب غير الكشافات حقت الوكالة .. ولا تركب برا الوكالة لان بيروح عليك الضمان .. واذا صار التماس والا اي شيئ في الكهرب او الكمبيوتر حق السيارة انت الي بتتحملة ..

فنصيحتي لك .. لاتركب الا حق الوكالة وفي الوكالة ركبها ..

الله يعطيك خيرها ويكفيك شرها يارب

وانا واحد من زوار الجبيل بصفه مستمرة

ودائما تلقاني في الفناتير

وبالنسبة للكشافات اشوف تركبها في الوكالة ولا مو لازم خل الضمان ساري عليها

الف الف مبروك

الله يعطيك خيرها ويكفيك شرها :)

واحسن شي ركب كشافات اصليه:cool:

والله يعينك عليها :d

الله يعطيك خيرهآإ ويكفيك شرهآإ يآرب ..

بالنسبه للكشآفات .. آنا مركب كشآفات تجآريه من محل العوبثآني بالغرآبي ..

ومآشيه معآي زي الحلآوه ( مآشاء الله تبآرك الله ) ..

ولآ يغرك الي يقول يروح عليك الضمآإن .. :d:d

آنا مركب كشافات تجاريه وزنون وآسطبات ليـد .. ومآشي بالصيانه سلآإم سلآم

ولآ رآح الضمآإن ولآ شي .. ولله الحمـد .. :rolleyes:

بعض الاعضاء مآيدري عن الاشياء الي تلغي الضمآإن وتلقاه اي شي تقول ابي اركبه بالسيآره

يقولك آلضمآإن ينلغي ومآدري إيش .. :p

لآكن إذآ تبي يكون الفآصل مثل الفل وعشان ماتوسوس .. :d

خذ لك عصآ النور من آقرب محل تشليح بـ: 150 او 200 بالكثيــر .. وروح خذ الكشآفات اذا تبي

تجآريه او من الوكاله اتوقع قيمتها بدون العصاآإ 700 ريال تقريباً ..

وركبهآ عند كهربآئي ممتآإز بـ: 100 ريآل وخلصنــآإ ..

يعني التكلفه تكون 200 + 700 + 100 = 1000 ريآل بالحد الأعلى ..

والـ: 500 ركب لك بهآإ حمآية للوجهيـه آحسن لك .. :rolleyes:

أو إذآ تبي تآخذ الكشافات التجاريه وتآخذ العصآ من التشليح واشوف كذآ ممتـإآز ..

رآح تكلفك 200 ريآل + 150 + 100 = 450 ريآل .. :cool:

وإذآ ضعف عليك النـور بعد فتره يعني 5 شهور آو 6 شهور غير لمبآت الكشآفات من أي محل زينه

بـ: 30 ريآل ولمعها بملمع بسيط بـ: 10 ريآل وتطلع زي الحلآإوهـ .. :cool:

انا مركب تجاري ب 400 ريال وزي الحلاوه

بس لاتركبها عند ابو يمن لانه مايعرف يمينه من يساره


شف لك هندي او فلبيني