نتعة ( طقة ) في التحويل من n إلى d أكورد كوبيه v6 ?

السلام عليكم و رحمة الله و بركاته

اعضاء منتدى هوندا ... صبحكم الله بالخير

اواجه مشكلة في سيارتي هوندا اكورد كوبيه 2008 6 سلندر

و هي إني لما احول من الـ n إلى d و انا ضاغط على الفرامل احس بنتعة أو طقة احيانا تكون قوية و واضحة و احيانا ما أحس فيها طبعا تكون خفيف لما اكون طالع مشوار بس لما اترك السيارة مطفية لمدة طويلة تكون الطقة قوية
و ايضا تتأخر ثانيتين عشان تمشي طبعا من الـ n إلى d و طبعا كل شي باقي في السيارة سليم يعني من الـ n إلى r مافيه اي مشكلة تمشي بسرعة و لا نتعة و لا شي و ايضا عند التنقل من الـ 1 إلى d2 إلى d3 إلى d مافيه اي مشكلة

فهل احد فيكم واجه هذي المشكلة و هل هي بالفعل مشكلة ام هي طبيعية ؟؟؟؟؟
طبعا وديت السيارة ورشة عشان يشيكوا على كراسي القير و طلعوا سليمين 100%

السيارة ماشية 80 الف

انتظر ردودكم الحلوة

تمنياتي لكم بالتوفيق

السياره توك شاريها ولا لا

السيارة شريتها و هي ماشية 77 الف و من اخذتها فيها هذي المشكلة

السلام عليكم ورحمة الله وبركاته

اولا : اخوي عاشق الكابرس :رمضان كريم وكل عام وانت بخير

مشكلة (الطقة) لما تعشق من n الى d طبيعية جدا جدا ولا تخاف من شي

وانا اقولك سبب الطقة من ايش : سبب الطقة هذي من الاستخدام الكثير للسيارة فهذا شي طبيعي جدا وشكرا .

وعليكم السلام ورحمة الله وبركاته

الله يعطيك خيرها ويكفيك شرها

النتعه طبيعيه

وفي الغالب تقوى النتعه بعد الدعس والقياده الرياضيه

بس اهم شي لاتشيل رجلك من الفرامل الا بعد ماتنتهي النتعه

يعني بعد ماتتأكد انه القير اخذ موضعه

مو تعشق وتشيل رجلك بسرعه وتخلي السياره تنط

:)

اقتباس:

---

المشاركة الأصلية كتبت بواسطة dr.is

السلام عليكم ورحمة الله وبركاته

اولا : اخوي عاشق الكابرس :رمضان كريم وكل عام وانت بخير

مشكلة (الطقة) لما تعشق من n الى d طبيعية جدا جدا ولا تخاف من شي

وانا اقولك سبب الطقة من ايش : سبب الطقة هذي من الاستخدام الكثير للسيارة فهذا شي طبيعي جدا وشكرا .

---

و عليكم السلام و رحمة الله و بركاته

اولا: اخوي dr.is و انت بخير و صحة و سلامة و اعاده الله عليكم و علينا بالخير و البركة

والله بيني و بينك بديت اوسوس دائما يروح فكري إن القير فيه شي مع إني فاحصه كمبيوتر و سليم مية مية و تعشيقاته احلى من العسل
و بنسبة للأستخدام الكثير فممكن.. و لكن عندنا كامري ماشي اكثر من 180 الف اربعة سلندر و مع ذلك مافيه هذا الشي

أشكرك لك مرورك و اطلالتك و افادتك
تحياتي لك

اقتباس:

---

وعليكم السلام ورحمة الله وبركاته

الله يعطيك خيرها ويكفيك شرها

النتعه طبيعيه

وفي الغالب تقوى النتعه بعد الدعس والقياده الرياضيه

بس اهم شي لاتشيل رجلك من الفرامل الا بعد ماتنتهي النتعه

يعني بعد ماتتأكد انه القير اخذ موضعه

مو تعشق وتشيل رجلك بسرعه وتخلي السياره تنط

:)

---

الله يسلمك و يخليك و شاكر لك دعوتك الطيبة
تصدق احس إنك معاي في السيارة كلامك صحيح .. بعد الدعس و المراصص احس النتعة تصير قوية مرة و لما اسوق بشكل عادي تصير النتعة جدا خفيفة و لكن احيانا بعد بدون دعس تصير قوية و ملحوظة
و فيه سؤال بما إن عندك كوبيه مثلي يا بختي :d لما تعشق من الـ N إلى D هل تتأخر السيارة على ما تتحرك تقريبا ثانيتين مو على طول تمشي طبعا فقط من N إلى D
انتظر ردك
سؤال ثاني <== ادري غثيتك :o
إذا سويت تسارع مثلا من صفر و حطيته على الـ 1 على كم الـ RPM تعشقه للثاني لأني اعشقه على تقريبا فوق الـ 6.5 احس السيارة تمسك و تنقز
في النهاية شكري لك على مرورك و حظورك و افادتك لي و انتظر اجوبتك على اسئلتي
تمنياتي لك بالتوفيق

^^^^^
ماسوينا الا الواجب طال عمرك

بالنسبه للسؤال الأول نعم يتأخر القير عبال مايشبك عالدي

السؤال الثاني مافهمت قصدك

كيف السياره تمسك وتنقز؟؟؟

:)

السلام عليكم و رحمة الله و بركاته
أخونا ( عاشق الكابرس ) هذي الطقة طبيعية جدا ، أنا كنت مثلك بعد ، مطلعها من الوكالة و رجعتها لهم قالوا كلهم كدا ، حتى شفت أنا بنفسي أكثر من و حدة ، يعني مو من كثرة الاستخدام بل عادية ، و الله يعطيك خيرها و يكفيك شرها .

طبيعه جداا.,
عشان كذا سالتك متي شاري السياره .!:)

السلام عليكم
أنا شريت السيارة وفيها مشكلة تأخير التعشيق حوالي 2-3 ثواني و رحت للوكالة مرتين ويقولولي كل ال 6 سلندر نفس المشكلة
وبطريقة ما وجدت الحل اللي هو برمجة القير الى أحدث سوفت وير
طبعا مدير الصيانة ما وافق وقال ما دام مو جاي عليها أمر من اليابان ما نقدر نحدثها
و لكن أصريت و على مسؤوليتي الخاصة وعلى حسابي .. وعملتها !!
والحمدلله من أول ما تركب يمسك القير علما ان المشكلة كنت أعاني منها من سنة كاملة

السلام عليكم ورحمة الله وبركاتة

أخوي إن شاء الله السيارة مافيها شي

بس يالغالي لا بد انك تنتظم في تغيير زيت الجربوكس
اما النتعة لما تكون السيارة باردة قوية هذا لان الضغط يكون معاك مرتفع في وقت لما تكون السيارة باردة انت لو سبتها تسخن شوي ونزل ضغط الهوا للوضع الطبيعي راح تسمع الطقة خفيفة

وإن شاء الله مافيها شي