عرض للطباعة
انا بشتري الله يسلمكم هوندا اكورد 2010
والهوندا مافيها كلام هذا اكيد واللي بيشتري ماراح يندم
بس السؤال قبل لااشتري كثيرين يرغبون هوندا اكورد 2007 عن الموديلات الجديده 8و9و10
ابي اعرف ليش وهوندا اكورد 2007 مافيها كلام بس وش معنى يرغبونها عن الموديلات الجديده
وعذرا على الاطاله ,
وكل عام وانتم بخير .
هلا بك اخوي
انا اقولك ليش الأكورد الـ 2007 افضل من الموديلات اللي بعدها
أنا الله يسلمك كان معي أكورد 2007 فل كامل جلد لؤلؤي مطلعها وكالة
وجلست معي سنتين ونص تقريبا
السيارة ماشاء الله بدون مبالغة تكاد تخلو من العيوب المصنعية :cool:
لأن الشركة الأم تلافت جميع العيوب من 2003 الى 2005
ووضعت كل جهدها في موديل 06 و 07
لكن بعد ماتغير الشكل في الـ 2008 شيء طبيعي انه يصير فيه عيوب مثل اي سيارة اذا تغير شكلها كليآ
انا اتوقع بإذن الله يصير في الموديلات الجاية مثل ماصار في الـ 2007
وان شاء الله في موديل 2011 تكون الشركة تفادت جميع العيوب تمامآ
ونصيحتي لك اذا انت مو مستعجل على السيارة الحين اصبر لين يوصل موديل 2011 لأنه خلاص قريب جدآ بيوصل
منها انك ما تشتري 2010 وبعدها بكم شهر يوصل الموديل الجديد وبعدين تتحسف انك استعجلت
ومنها برضوه اذا وصلت الـ 2011 اسعار الـ 2010 شيء طبيعي انها بتنزل شوي
آسف على الإطالة واتمنى إني افدتك ولو بشيء بسيط :d
تسلم والله ماقصرت يعني تنصحني بـ 2007:)
وظنك 2011 بتتغير مره عن 2010 ولاوش بيصير فيها :confused:
لان وراي جامعه وصعبه انتظر شهر على ماتنزل 2011 :(
عطني النصيحه .
تسلم والله ماقصرت يعني تنصحني بـ 2007:)
العفو وانا اخوك تحت أمرك
ومثل ماقلت لك الـ 2007 ماعليها كلام ماشاء الله قمة في جودة الصناعة
على انه فيه بعض الأشخاص له تحفظ على شكل الخلفيه مع اني اشوفها حلوه خصوصا انها LED شد بلد
وظنك 2011 بتتغير مره عن 2010 ولاوش بيصير فيها :confused:
ما ظنيت لأن سياسة شركة هوندا تغيير الشكل كل خمس سنوات
لكن اتمنى انهم يتفادون جميع العيوب المصنعية الموجودة حاليا
وراي جامعه وصعبه انتظر شهر على ماتنزل 2011 :(
يفضل إذا تقدر تدبر امورك لين توصل الـ 2011
انا اشوف انك تصبر شهر ولا تندم انك استعجلت لأن السيارة ان شاء الله بتعيش معك سنين
ومثل ماقلت لك الشكل مااتوقع انه يتغير كثير ما عدا بعض اللمسات
مثل ماصار في موديل 06 غيروا اشياء بسيطه مثل الخلفية والجنوط ولون التخشيب وإضافة انوار ضباب (كشافات)
عطني النصيحه .
صلي صلاة الإستخارة وشف وش ترتاح له نفسك والله يرزقك السيارة اللي تسرك ويعطيك خيرها ويكفيك شرها
ولا تآخذ شيء إلآ مقتنع فيه 100%
ماخاب من استشار ولا ندم من استخار
تسلم يالغالي ماقصرت ووفيت
الظاهر والله العالم بدور 2007 اذا تخبر ياخوي هوندا اكورد ماشيه اقل من 80 ياليت تعلمني .
نواف
0535148159
اذا تبي نصيحتي فكك من المستعمل .. وخذ وكاله
اقتباس:
المشاركة الأصلية كتبت بواسطة خبےل الله يستےر
العفو وانا اخوك
والله شف الـ 2007 مثل ماقلت لك ماعليها كلام بس وين بتلقى النظيف
ومن ناحيتي انا انسان افضل الجديد لأن مثل مايقولون الجديد لذيذ
اذا تبي تدور 2007 نظيف بتتعب شوي وانت مثل ماقلت تبي سيارة في اقرب وقت
إذا لك خلق تدور الله يوفقك مع اني ما انصحك بالمستعمل إلآ من واحد تعرفه ويكون استعماله محترم
آسف على الإطالة بس ترى الجديد مامثلوه :d
بصراحة ما في مثل الجديد
الله يكتب لك الخير
والعيوب أشعر أن البعض يبالغ فيها
ماقصرتوا وتعبناكم بالردود :o
بعد التفكير والمشاورات عزمت اشتري جديد :)
بس اقدراطلعها اليوم وانا ادري مافيه امل اطلعها :( بس اهم شي اني اشتري سياره يعني ظنكم بالقى المعارض فاتحه واللي يخبر يبلغني .
ألف مبروك مقدما
الله يعطيك خيرها ويكفيك شرها
مسألة إنك تطلعها اليوم ماظنيت لأن مدري اقسام المرور يدوامون في الإجازة ولا لا
اما المعارض اتوقع بتلقاهم موجودين
ومثل ماقلت لك لا تآخذ شيء إلآ مقتنع فيه 100% والله يبارك لك
حبيبي معك كاش انتبه.....
علي مهلك ولا تستعجل ولا تفكر وتاخذ 4 سلندر خذ 6 وأكثر.....
وإذا صملت علي الهوندا خذ 6 سلندر ولاتفكر.. صح غاليه بس تستاهل والي يقلك تصرف اش تقله البنزين في المملكه ارخص من الميه وترى الأكورد السته محركا من افضل 10 محركات في العالم من تقنيه صرفيه البنزين والعزم...
والسيارة ما شاء اله في اعادة البيع تجيب أحسن من منافساتها ......
وأدخل موقع أمريكي تجد ان هوندا اكورد من أفضل سيارة في العالم من عام 2007 الي 2010 ... أتكلم عن 6سلندر كاملة المواصفات.....
وهذا الرابط
2010 Honda Accord - 10Best Cars - Car and Driver
قبل تشتري جرب
واذا تبي تجرب موتري او اي موتر احد من العيال قلهم ولا بيخالفون
جربها ان عجبتك توكل
الناس اذواق
وارجع اقول مثل ماقالو الاخوان
لاتاخذ شيء الا وانت مقتنع 100%
طيب ممكن تقولو ايش المشاكل الي موجودة في اكورد 2010
والي ممكن يصلحوها في 2011
ومشكورين