معقولة بها السرعة ؟!

كل عام والجميع بألف خير وصحة عافية ..
اليوم رحت للصناعية على خط سيهات وشريت من عند النعماني صدام بـ 140 ريال تجاري صناعة تايوانية .. ورحت بعدها لأبو سمير عشان ارشه بوية ( اللون لؤلؤي ) .. واتفقنا ع السعر بـ 300 ريال بعد ماقال الزول بـ 350 ماعليه أهم شي عندي جودة الصبغ وتطابق اللون .. المهم تركت عندهم غطى التانكي وقال الزول تجي العصر تاخذ الغطى .. أما الصدام يوم السبت ان شاء الله جاهز ( لحد هنا طبيعي بالنسبة لي ) .

جيتهم العصر ع الساعة 4 تقريباً لأني بطلع للجبيل .. واقول للزول خلهم يركبون لي غطى التانكي بسرعة وراي مشوار .. إلا يقول دخل السيارة الوشة ع شان نركب لك الصدام !!!!!!!!!! قلت له خلص الصدام ؟؟! .. قال نعم جاهز .. قلت ماعليه انا مستعجل الحين باطلع للجبيل وجاي عشان غطى التانكي .. وبإذن الله بجيك يوم السبت اركبه ..... أوكيه .

اللي مستغربه ونفسي أعرفه من أهل الخبرة والتجربة : هل من المعقول صبغ صدام يخلص بنفس اليوم ؟؟ .. يعني ( يستلم الصدام الساعة 8.30 تقريباً والساعة 4 العصر جاهز للتركيب ) .. مش من المفروض ان مادة الأساس الشفافة ( اساس البلاستيك ) تترك مدة عشان تجف تمام وتمسك بالبلاستيك ؟ .. وبعدها ترش البوية على شكل وجهين تقريباً .. وبعد مايجف الصبغ يرش اللكر ؟؟؟؟؟ ماعندي ادنى شك في شغل ابو سمير وخاصة بالبوية .. لكن هالتسؤلات تدور براسي طول الخط لحد مادخلت الجبيل !!! وماراح القى لها حل الا من واقع خبرتكم وتجربتكم .. وفقكم الله جميعاً .

ممكن يخلص ليش لأ

يعني ممكن يخلص بأقل من الوقت واكيد ان شغل السمكره عندهم إما ان يكون ماعندهم احد او ان يكون ماعندهم شغل

عشان كذا خلصه لك بسرعه , او ان شغلهم مشي حال. (تعتمد)

اللون الؤلؤي بالذات مو مثل باقي الألوان , لأن له طبقتين البطانة واللون

وحسب جهاز الرش إلي مستخدمه , لأن فيه ورش يجمع القطع والصدامات ويدخلها الفرن << هذه تاخذ وقت

اما عملية الرش اليدوي هذه ماتاخذ وقت , بس يرشه ويجلس كم ساعة ويخلص وجاهز للتركيب

وانا اقول ان عادي جدا ً , لكن إذا لاحظت ان الصدام او البويه نفسها موب مضبوطه يعني تلاحظ فيها تشققات او الملمس خشن.

ارجع له خله يرشه من جديد.

على فكرة رشة اللؤلؤي تكون بـ 3 عمليات

اول شي رشة بيضاء و بعدها رشة لؤلؤي و بعدها رشة لمعه اللؤلؤي << ولازم بعد كل خطوة تنتظر الين ينشف :)

هذه افضل طريقة عشان يطابق اللون :)

بس ليتك شيكت ع الصدام و شوف التطابق ع السريع

هلا أخووي ما اتوقع يخلص في هذا الوقت انا عندي مقابض الباب لونها أسود
جيت بأرشها لؤلؤي نفس لون السياره قال خلها عندنا وتعال خذها بعد يومين أتوقع عشان عندهم زحمه
لكن شوف شيك على الصدام مضبوط بتوفيق أخووي.

يالحبيب صار لي حادث من قبل في سيفيك وتكسر الصدام والاسطب الخلفي والرفرف الخلفي وصلحوه ورشة برج العرب مع الصبغ في اقل من يومين ، يعني مو مشكله صبغ الصدام فقط في نص يوم .

يصير ليش لا مع التجفيف والفرن

معقوله ونص لو مافي زحمه اربع ساعات تكفي رش بوية لصدام السياره

السلام عليكم ورحمة الله وبركاته

اولآ المعذرة على التأخير بخصوص طلبك بالرسائل الخاصة وتم تنفيذه

وبخصوص الرش اذا ماعندهم زحمة فالموضوع طبيعي جدآ والصدام جديد ماياخذ وقت مثل القديم سنفره وغيره وبعدين صبغ

أهم شي الورشة مضبوطة ومادام انها باسمير ان شاء الله ماعليها خوف بس لهم اكثر من ورشة وان شاء الله انك وديتها لورشتهم الاساسية لأني اذكر وحده منهم شغلها ممتاز اسمها الورشة الفنية لكن هالكلام من سنين مادري للحين لهم ولا تغيرت

انا مع رجال صاحب بي ام دبليو دخلنا الموتر في ورشة صبغ الصدام الامامي لونين اخضر مع اسود مطفي وانصبغ الصدام وخلص خلال 8 ساعات وكان فيه سنفرة وتنظيف ولو كان جديد كان ماياخذ وقت بس اساس وينشف خلال ساعة او ساعتين حسب الجو وبعدها الصبغ

المهم هنا الخلاصة : خليناه يفك قطعة بلاستيك في الصدام صبغها لماع والمفروض تكون مطفي

فكها : دقيقتين او اقل لانها قطعة فيها كلبسات مش مسامير
الوقت المستغرق للصبغ وتركيبها : ساعة ، ولها يمكن 3 او اربع شهور كل شي تمام الى يومك والشغل نظيف

على العموم الوقت راح يحكم بس خله يضمن لك الشغل ويكتبه على الفاتورة ويوقع علشان لو صار شي تذكره فيه

اقتباس:

---

المشاركة الأصلية كتبت بواسطة King

ممكن يخلص ليش لأ

يعني ممكن يخلص بأقل من الوقت واكيد ان شغل السمكره عندهم إما ان يكون ماعندهم احد او ان يكون ماعندهم شغل

عشان كذا خلصه لك بسرعه , او ان شغلهم مشي حال. (تعتمد)

اللون الؤلؤي بالذات مو مثل باقي الألوان , لأن له طبقتين البطانة واللون

وحسب جهاز الرش إلي مستخدمه , لأن فيه ورش يجمع القطع والصدامات ويدخلها الفرن << هذه تاخذ وقت

اما عملية الرش اليدوي هذه ماتاخذ وقت , بس يرشه ويجلس كم ساعة ويخلص وجاهز للتركيب

وانا اقول ان عادي جدا ً , لكن إذا لاحظت ان الصدام او البويه نفسها موب مضبوطه يعني تلاحظ فيها تشققات او الملمس خشن.

ارجع له خله يرشه من جديد.

---

مشكور اخوي King ماقصرت يالغالي طمنتني
بكره ان شاء الله اشوف شغلهم مع ان سمعتهم تمام
بس لابد من اتفحص الصبغ ... يعطيك الف عافية

اقتباس:

---

المشاركة الأصلية كتبت بواسطة Silver Aurion

على فكرة رشة اللؤلؤي تكون بـ 3 عمليات

اول شي رشة بيضاء و بعدها رشة لؤلؤي و بعدها رشة لمعه اللؤلؤي << ولازم بعد كل خطوة تنتظر الين ينشف :)

هذه افضل طريقة عشان يطابق اللون :)

بس ليتك شيكت ع الصدام و شوف التطابق ع السريع

---

أخوي Silver Aurion تدري وش اللي مخوفني اللون مايكون نفسه
لأني ضبغت قبل كذا الصدام الخلفي باحد الوش وجا اللون فاتح اشوي
ورجعته لهم .. واصبغوة مره ثانية بس تحس انه بعد مو لهناك .......
وبكره يبان كل شي .. ماقصرت يالغالي .. الله يعطيك الف عافية

اقتباس:

---

المشاركة الأصلية كتبت بواسطة عاشق سيييييفيك

هلا أخووي ما اتوقع يخلص في هذا الوقت انا عندي مقابض الباب لونها أسود
جيت بأرشها لؤلؤي نفس لون السياره قال خلها عندنا وتعال خذها بعد يومين أتوقع عشان عندهم زحمه
لكن شوف شيك على الصدام مضبوط بتوفيق أخووي.

---

أخوي عاشق سيييييفيك .. ماعمري صبغت زوايد أو صدامات او غيرها
الا يقولون خل السيارة عندنا وتعال بكره أو بعده .. بنشوف بكره وش العلم
ماقصرت يالغالي .. الله يعطيك الف عافية

اقتباس:

---

المشاركة الأصلية كتبت بواسطة مرسال الهوندا

يالحبيب صار لي حادث من قبل في سيفيك وتكسر الصدام والاسطب الخلفي والرفرف الخلفي وصلحوه ورشة برج العرب مع الصبغ في اقل من يومين ، يعني مو مشكله صبغ الصدام فقط في نص يوم .

يصير ليش لا مع التجفيف والفرن

---

أخوي مرسال الهوندا جعله آخر حادث بحياتك .. وماتشوف يارب الا السلامة بوجهك
صحيح الورشة لا يعلى عليها في الصبغ سمعتها اوكيه وواجد يمدحونها لكني استغربت
سرعة الانجاز .. ومادام عن تجربه الله يطمنك يالغالي ويرعاك ويحفظك من كل شـر .

اقتباس:

---

المشاركة الأصلية كتبت بواسطة &#203;ńġ․ℱάίśάℒ

معقوله ونص لو مافي زحمه اربع ساعات تكفي رش بوية لصدام السياره

---

أشكرك أخوي &Euml;ńġ․ℱάίśάℒ والله يطمنك ويرعاك ويحفظك

اقتباس:

---

المشاركة الأصلية كتبت بواسطة المباشر

السلام عليكم ورحمة الله وبركاته

اولآ المعذرة على التأخير بخصوص طلبك بالرسائل الخاصة وتم تنفيذه

وبخصوص الرش اذا ماعندهم زحمة فالموضوع طبيعي جدآ والصدام جديد ماياخذ وقت مثل القديم سنفره وغيره وبعدين صبغ

أهم شي الورشة مضبوطة ومادام انها باسمير ان شاء الله ماعليها خوف بس لهم اكثر من ورشة وان شاء الله انك وديتها لورشتهم الاساسية لأني اذكر وحده منهم شغلها ممتاز اسمها الورشة الفنية لكن هالكلام من سنين مادري للحين لهم ولا تغيرت

انا مع رجال صاحب بي ام دبليو دخلنا الموتر في ورشة صبغ الصدام الامامي لونين اخضر مع اسود مطفي وانصبغ الصدام وخلص خلال 8 ساعات وكان فيه سنفرة وتنظيف ولو كان جديد كان ماياخذ وقت بس اساس وينشف خلال ساعة او ساعتين حسب الجو وبعدها الصبغ

المهم هنا الخلاصة : خليناه يفك قطعة بلاستيك في الصدام صبغها لماع والمفروض تكون مطفي

فكها : دقيقتين او اقل لانها قطعة فيها كلبسات مش مسامير
الوقت المستغرق للصبغ وتركيبها : ساعة ، ولها يمكن 3 او اربع شهور كل شي تمام الى يومك والشغل نظيف

على العموم الوقت راح يحكم بس خله يضمن لك الشغل ويكتبه على الفاتورة ويوقع علشان لو صار شي تذكره فيه

---

جيت يالغالي والله جابك في الوقت المناسب
كنت اتحرى ردك اليوم قبل باكر ( ولا يهونون الأخوان ) بيض الله وجيهم ماقصروا
لأني بصراحة كل مافتح موضوع يتحدث عن صبغ وسمكرة اشوف أغلب ردودك
تمتدح فيها ورشة باسمير .. ولا ابالغ اذا قلت انه انت السبب في روحتي لهم والصبغ عندهم
عشان كذا اذا ماكان شغلهم زين .. ( راح يكون لي معك تفاهم ) <<< لأنك مسوي لهم دعاية
اما الوشة اللي رحت لها أول شي رحت لهذي اللي قلت عليها اللمسة الفنية ( قريب من هالمسمى )
ومالقيت مديرهم السوداني مابعد داوم الزول راقد !.. كانت الساعة 8 تقريباً الصبح واخوك مواصل
بعدها قلت للهندي مافي ورشة ثانية لابو سمير .. قال الا فيه قدام بعد التقاطع على نفس الاتجاه ع اليسار
ورحت لهم ولقيت زول آخر قاعد على الكمبيوتر في مكتب قزاز .. اول ماشافني طلع وتفاهمنا
ورحت شريت الصدام من النعماني جنبهم .. المهم مالك بالطويلة ( السيناريو السابق .... ) !!

الأهم يالغالي انت فتحت لي باب ماكان على بالي وهو يعني يمكن يضمن لي البوية ( من ماذا ؟ )
ويكتب مدة الضمان في الفاتورة بعد .. شي ماخطر على بالي .. اشلون اطلب منه الضمان ؟؟؟؟

ربي يسعدك يالمباشر وينور عليك ويبعد عنك كل شر .. ودمت لنا يالغالي بألف خير وعافية

اقتباس:

---

المشاركة الأصلية كتبت بواسطة لعيونها

جيت يالغالي والله جابك في الوقت المناسب
كنت اتحرى ردك اليوم قبل باكر ( ولا يهونون الأخوان ) بيض الله وجيهم ماقصروا
لأني بصراحة كل مافتح موضوع يتحدث عن صبغ وسمكرة اشوف أغلب ردودك
تمتدح فيها ورشة باسمير .. ولا ابالغ اذا قلت انه انت السبب في روحتي لهم والصبغ عندهم
عشان كذا اذا ماكان شغلهم زين .. ( راح يكون لي معك تفاهم ) <<< لأنك مسوي لهم دعاية
اما الوشة اللي رحت لها أول شي رحت لهذي اللي قلت عليها اللمسة الفنية ( قريب من هالمسمى )
ومالقيت مديرهم السوداني مابعد داوم الزول راقد !.. كانت الساعة 8 تقريباً الصبح واخوك مواصل
بعدها قلت للهندي مافي ورشة ثانية لابو سمير .. قال الا فيه قدام بعد التقاطع على نفس الاتجاه ع اليسار
ورحت لهم ولقيت زول آخر قاعد على الكمبيوتر في مكتب قزاز .. اول ماشافني طلع وتفاهمنا
ورحت شريت الصدام من النعماني جنبهم .. المهم مالك بالطويلة ( السيناريو السابق .... ) !!

الأهم يالغالي انت فتحت لي باب ماكان على بالي وهو يعني يمكن يضمن لي البوية ( من ماذا ؟ )
ويكتب مدة الضمان في الفاتورة بعد .. شي ماخطر على بالي .. اشلون اطلب منه الضمان ؟؟؟؟

ربي يسعدك يالمباشر وينور عليك ويبعد عنك كل شر .. ودمت لنا يالغالي بألف خير وعافية

---

الله يسعدك اطثر مني ويعطيك اكثر ماتتنى لي << ياكثر ماشفتها على مواتر ودينات المهم :d

هو لازم يعطيك ضمان على شغله وانت بكل ود واحترام :d قوله كم ضمان الشغل والمدة اللي يقولها قوله الله لايهينك ماسجلتها على الفاتورة واذا قالك الفاتورة تكفي عاد الله يعينك ربك الضامن

اعرف واحد عنده مرسيدس شبح 97 لونه غريب كذا بحري مادري كيف جاي لو تسأل باسمير عنه راح يعرفونه

قولهم لوحته ب ح ب 000 ماني قايل كم الرقم :d اذا عرفوه فوصلت خير والشغل مضمون

الرجال شوي حريص الا قصدي حريص بقوه وكل ماطلع شوي صدأ عند الفتحه ولا مكان ثاني وداها باسمير وضبطها وماشاء الله مافي اي اختلاف باللون

انت اهم شي تنتبه من بعض الورش << معلومة للكل

من اكتشافاتنا بعض الورش يقولك انا اسمكر السيارة عندي واصبغها في ورشة باسمير علشان يغريك تصلح عنده وللأسف تكتشف انه يوديها ورشة مالها داعي يصبغ لك الموتر ويشهب بعد 6 شهور

اللمسة الفنية هي اتوقع الاسم صحيح انا زمان ماطبيت عندهم والحمدلله حاجتي للصبغ قليله

على العموم ننتظر منك الاخبار اليوم

وابشر بسعدك قدام الكل وكلهم يشهدون اذا طلع الشغل ماهو مضبوط عند باسمير لك مني اتكفل باعادة الصبغ على حسابي :)

اقتباس:

---

المشاركة الأصلية كتبت بواسطة المباشر

وابشر بسعدك قدام الكل وكلهم يشهدون اذا طلع الشغل ماهو مضبوط عند باسمير لك مني اتكفل باعادة الصبغ على حسابي :)

---

ماعلي من اللي قلته كلللله .. أهم شي عندي السطر اللي فووووق :d
^^^ لا تصدق يمزح ^^^

أقوووول يسلم لي هالراس يالمباشر .. والله العشم والظن فيك ماخااب
وماعليك بكرة باذن الله ابشركم بالزين .. واذا الشغل مو ... بخليه لهم
ولاني ماخذه من عند الزول لين يطيب خاطري <<<<<<<< نحيس !!

اشكرك كثيييير يالغالي .. على النصايح والآراء اللي تشارك فيها الجميع
وهذا ليس مستغرب على شخص محترم مثلك يشـارك الجميع أحاسيسهم
ويبحث عن الحلول لمشـكلاتهم .. وهذا إن دل على شيء فإنما يـدل على
انك رجل فيك خير .. وتحب الخير للجميع .. عافاك الرحمن ورحم والديك
فيه سطر فوق .. لاتنسى عطه تضليله !!

اقتباس:

---

المشاركة الأصلية كتبت بواسطة لعيونها

)*&@*^&$$^#*)(*)_)*&^%$#@!#$%^&*)^% :d
*&*&^&^%^^$%$%^#^$#*

فيه سطر فوق .. لاتنسى عطه تضليله !!

---

طلع عندي رموز الله يعافيك بس ماعليه اكيد تمدحني وهذا العشم فيك ترضى بالشغل واكيد ماتبي تخسرني واذا على الصدام مرده ينصبغ مره ثانية اذا انعج ولا جاته حكه ووقتها ندزك على ورشة احسن :d

طلع السطر رموز هاااا !!! الصدام راح يجيك ليلة الأحد راس تنوره قريبة !!!!
وقتها قول الصدام ماجاني .. والا طلع رموز بعد :d:d:d:d:d:d:d

هلا اخوي
انا عن تجربتي .. بس مو صدام كامل ... بس جهه وحده اللى هي من الاصطب الايسر
ساعه واللون لؤلؤي :)
تطمن ولا توسوس
الله يحفظكـ

للجميع الف شكر .. وأحب اطمنك الشغل ماشاء الله تمام التمام .. وأفضل من ما توقعت الحمد لله رب العالمين ..

وللعلم ع شان اللي مايتوقع ان صدام كامل ينصبغ من والى بيوم واحد ويوسوس مثلي .. احب اقول له يكفي من الوقع اربع ساعات وأقل بعد ولو لأصعب اللواااان .. وسواءً كان الصبغ خارج الفرن أوداخله ... أما الصدام المصبوغ مسبقاً فيكفيه من الوقت من 8 الى 12 ساعة حسب خفة اليد واذا كانوا أكثر من واحد في الصنفره وغيره راح يكفي من الوقت 6 الى 9 ساعات تقريباً وعلى حسب خراب الصدام ( هذه الحسبة الوسطية التقريبية ) كانت بعد مارحت كذا ورشة وتطفلت على بعض السمكريين بهذا السؤال ؟ ....

أما انت يالمباشر الله يبشرك بالجنة انت والأخوان .. ويرحم لي والديكم جميع .. ودمتم ودامت أسعد لياليكم ،،،