ساهر على طريق الرياض الشرقية

بسم الله الرحمن الرحيم



السلام عليكم ورحمة الله وبركاته

يا أخوان وخاصة مرتادي طريق الرياض الدمام نصيحه لا تسرعون لأنهم طبقوا نظام ساهر على الطريق

أنا يوم الخميس اللي راح بتاريخ 07/10/1431هـ في المساء كنت متجهاً من الرياض للمنطقة الشرقية

وكنت ماشي تقريباً 140 أو 150 كم / س

والله مادريت الا ذاك الفلاش بوجهي التفتت لجهة الفلاش الا والله باص ساهر لونه أبيض مكانه كان

بعد نقطة التفتيش اللي نهاية الرياض بقرابة 40 أو 45 كم

يعني بين نقطة الرياض وكوبري سعد أو الوسيع

والله يعين الناس على ساهر ماندري الا وهم حاطين كاميرا عند اللوحه قدام السياره بس تمشي 121 على طول

يبلغ عليك :d



يالله هذي أول مخالفه ناخذها من ساهر الله لا يوفقه وجعله يخرب :p

هلا والله بفتى زهران

اوحشتنا يا حبيب ....اشلونك عساك طيب
يقولون من طول الغيبات جاب الغنايم


شوف الرابط هذا يا كويس وتعرف كل مواقع سارق
http://www.hondaarabia.com/club/t39598/

حسبي الله عليهم
صوروني على 180 <<<<ما ادري بس اتوقع فيها حجز

مشكور فؤاد عالخبرية

صورني المذكور امس حسبي الله عليه

تحيتي لك

وازيدكم من الشعر بيت
ترى حتى الطائف الرياض مسهرينه قبل القويعيه بعد لوحة ( الرياض 192 كم )

وحنا ع الدزهـ :mad:


ياغافلين لكم الله :(

يعطيكـ العافية يا بو زهرهـ

حتى قبل ما تدخل الرياض وانت رايح الشرقيه في ساهر

ياحظ شركة الخطوط السعوديه بتكسب :)...الناس بتسافر جو ازين ... تروح للشرقيه قسيمه 300 ريال وراجع 300ريال ولا السرعه ع 120 كم مين اللي بيمشي 120 كم

صورتني وانا متجه للدمام :mad:

موقع الباص قبل كوبري سعد

طيب شبااب في غير هــالبااص على طريق الشرقيه
^

^

^

^

نفس الكلام انا رجعت بعدك يعني الجمعه
وصورني نفسه الباص على 140

المشكله انه واقف وجنبه كامري واقفه وفارشين فرشه وتاكين بالظلام:mad: شخصين او ثلاثه وهذا شي يحير ومامداك على طول صورني

يآ أعزائي سآهر اللي بالطرق السريعة ليس ثابت وتلقاه متحرك<<:d
مثلا موجود بطريق الرياض القصيم والعكس بس موو شرط تلقاه وااقف نفس المكان يعني خلاص تهدي لاوصلت هو متحرك
ليش حاطين باص ولا كان ثبتوا كاميرا وخلاص بس عشان الناس مايحفظون المكان

الله لا يوفقهم طيب اذا مشينا 120 متى نوصل الرياض اليوم الثاني ولا الطائف بعد 3 ايام ولا ابها ناخذ شهر حسسوني اقرا التاريخ يوم كانو ع احصنه :d

مشكور يادبدوب ع المعلومة وانا خويي صاده ساهر قبل اسبوع وهو ماشي 180 :(

رد 2 :d

على كذا اذا احد بيسافر يسافر طائرة اصرف دام السرعه بتكون 120 كحد اقصى !! والمخالفه 300 كحد ادنى !!

مابقى الا يحطون ساهر بالجو :p

اجل السرعه بالدائري مثلا نفسها بخط السفر !!!! :confused:

الشكوى الله

انت رحت الشرقيه الخميس أنا رجعت من الشرقيه لرياض الثلاثاء وقبل نقطة الرياض تقريبا 40 كيلوو
فيه باص ساهر وكنت ماشي 130 وصورني الله لا يوفقهم ويووم تعديته بشوي لقيتهم مثبتين باص للي رايحين لشرقيه في الطريق المقابل الله يعين بس.

حسبنا الله ونعم الوكيل

ألا لعنة الله على الظالمين

جعل الله يفقده عياله من حط النظام لسارق

قال ساهر


http://sphotos.ak.fbcdn.net/hphotos-..._6687872_n.jpg

اقتباس:

---

المشاركة الأصلية كتبت بواسطة hatem242

جعل الله يفقده عياله من حط النظام لسارق

---

مايجوز الدعاء على أخوك المسلم


ماحد أجبرك تسرع ولا تحمل ماجاك :)

عشان تخفون من السرعه وتمشي بعقل :mad:
عز الله راحو فيها الكداده فلوس الركاب كلها في ساهر :d

ترا فيه جهاز يكشف الردار
اذا تبونه اطلبوه من برا
وانا اظاهر ابطلب لي واحد

انا صورني ساهر للحين اربع مرات ولا نزلوا علي شيء بالنظام كل بعد فتره اشيك بس اتوقع ان السبب ان لوحاتي الأماميه انظربت من السافي قبل مده وانضرب فيها الشريط ثلاثي الابعاد وسلملولي على ساهر هههههههههههههههههههههههههههههه

نظام قوي خل الشعب يمشي صح

وخصوصاً الكامرة الي بالعليا :p

ابن ابوهـ الي يتعداء خط المشاة والا توقف يسار وتروح سيدة والا تسد المسار الايمن

وانا استغرب من الي يسب النظام

وين المشكلة لو تمشي 80 او 120 ؟؟

صح انا اخذت مخالفات الدنيا منه لكن ما معي الحق ابد ابد

والحين بطريق القصيم فيه ساهر ومكة والشرقية

تقبلوا مروووووووري

اي والله يا شباب انا نفس الكلام كنت ماشي 140 وشفت الباص لكن قلت بيني وبين نفسي لا مستحيل ساهر

شوي طلع لي فلاش عجيب كنه برق هههه

بعدها تأكدت انه ساهر مع الاسف بعد فوات الاوان ,,

الله يعين والله
أنا شايل هم يوم الأربعاء أبي أسافر من تبوك إلى مكه مدري فيه شيء ولا أمشي براحتي
يكفي المخالفات إلى على ظهري
ما أقووووووووووول إلا الله يعين على سارق

وانتبهو من طريق الرياض القصيم وكذالك القصيم المدينه:mad::mad: كله ساهر