ساعدوني ياشباب مقهوووووووووور .........................

السلام عليكم ورحمة الله وبركاته

ياشباب تذكروني جيتكم بالموضوع الاول واستشيركم بالاوان

وكنت خلاص مجهز اموري وبشتري السياره ومبسوط ويالله جمعت الفلوس

الحين الفلوس ياشباب نقصت السبب لاني اصلا متسلف من اخوي جزء منها .. واخوي جاه عليه ظرف عاجل واحتاج الفلوس هو ماطلبها مني بس انا الصراحه استحيت منه ورجعتها له

قلته خلاص يارجال بمشي حالي في اي سياره < الصراحه ماقلتها من قلبي:(

انا مو حاط في بالي الا اكورد جديده والفلوس اللي معي الحين يالله تجيب سوناتا وستاندر بعد

قالو لي خذ مستعمله بس انا اول سياره اطلعها واملكها ودي تكون جديده وماركبها الا انا اخاف تجي مكروفه وتواجنهي خرابات بعدين

والحين الخيار الاقرب سوناتا ستاندر واانا الصراحه ماني مقتنع فيها واخاف اكرهها اذا اشريتها.. حاولت ادبر فلوس من هنا ومن هنا مره تقفلت كل الطرق بوجهي وحتى اقصاد او قرض مقدر اطلع

تكفوون ياشبااب وش تشورون على اخووووكم

عليك بالكلام إلي في توقيعك :cool:

وعليكم السلام

احتفظ بالفلوس واصبر شوي وان شاء الله , الله بيعوضك بـ 2011

واكثر من الاستغفار والله يرزقك :)

سبحان الله لعلها تكون خيره لك.

نصيحتي لك , استمر على السيارة إلي معاك إلى ان الله يعينك على جمع المبلغ وتحقق مرادك وأمنيتك!.

لأنك لو شريت سيارة ثانية غير إلي انت اقتنعت فيها صدقني ماراح تهتم فيها وممكن تكون بالنسبة لك سيارة عادية مثل غيرها!.

لذلك مو مشكلة اصبر واستخير الله في آمرك وفي كل آمورك. {ستجد الله في عونك}

اول شي الحمدلله على كل حال

واخواني الان مامعي سيارة بعتها وحطيت عليها مبلغ جمعته وتورطت

وجزاكم الله خير على نصايحكم ولو معي سيارة تغنيني عن الناس كان صبرت

لكن الشكوى لله

أول شيء لعلها خيرة و أنا أخوك :)


ثاني شي : المبلغ اللي معك يجيب لك أكورد مستعمل ؟؟

مو شرط أي مستعمل يكون مكروف و فيه خرابات و دور ترا تحصل أكورد مستعمل استعمال نظيف ،، إذا انت تبي الأكورد


أنا اشتريت قبل سنتين أو 3 سنين أكورد 2004 و كانت نظيفة لدرجة ما تتصورها ،، ممشاها كان 66 ألف و كان موديل 2008 ماله شهر نازل و كانت الاستبنه وكالة ( فيها قراطيس الوكالة ) و ريحتها من داخل ريحت أي سيارة جديدة و الحمد لله استخرت و أخذتها و إلى يومك هذا و انا الحمد لله ما ندمت عليها و بالعكس ناوي إن شاء الله اخليها معي 4 سنين قدام أو أكثر إن الله أحيانا


في الأخير أقولك :

أول شي استخر ربك قبل لا تشتري سواء جديد أو مستعمل .

ثانيا : مو كل مستعمل مكروف ، أنا الحمد لله حريص على السيارة و على تصليح أي خراب أول بأول و لو يجيني أحد ويدفع كاش و يقول بستلم السيارة منك بعد 6 شهور مثلا صدقني ماراح أختلف على السيارة أو أصير أكرفها بحكم إني بعتها << ولو تروح لمعارض السيارات ممكن تحصل عينات مثلي عارضين سياراتهم للبيع << يعني إني حريص :d


بالتوفيق لك أخوي و عسى المانع خير

اقتباس:

---

المشاركة الأصلية كتبت بواسطة classic design

أول شيء لعلها خيرة و أنا أخوك :)


ثاني شي : المبلغ اللي معك يجيب لك أكورد مستعمل ؟؟

مو شرط أي مستعمل يكون مكروف و فيه خرابات و دور ترا تحصل أكورد مستعمل استعمال نظيف ،، إذا انت تبي الأكورد


أنا اشتريت قبل سنتين أو 3 سنين أكورد 2004 و كانت نظيفة لدرجة ما تتصورها ،، ممشاها كان 66 ألف و كان موديل 2008 ماله شهر نازل و كانت الاستبنه وكالة ( فيها قراطيس الوكالة ) و ريحتها من داخل ريحت أي سيارة جديدة و الحمد لله استخرت و أخذتها و إلى يومك هذا و انا الحمد لله ما ندمت عليها و بالعكس ناوي إن شاء الله اخليها معي 4 سنين قدام أو أكثر إن الله أحيانا


في الأخير أقولك :

أول شي استخر ربك قبل لا تشتري سواء جديد أو مستعمل .

ثانيا : مو كل مستعمل مكروف ، أنا الحمد لله حريص على السيارة و على تصليح أي خراب أول بأول و لو يجيني أحد ويدفع كاش و يقول بستلم السيارة منك بعد 6 شهور مثلا صدقني ماراح أختلف على السيارة أو أصير أكرفها بحكم إني بعتها << ولو تروح لمعارض السيارات ممكن تحصل عينات مثلي عارضين سياراتهم للبيع << يعني إني حريص :d


بالتوفيق لك أخوي و عسى المانع خير

---

الله يعطيك العافيه اخوي كلاسيك على ردك

بس المشكله اني مافهم في السيارات المستعمله واخاف انغش بسياره مكروفه

وبيني وبينك حلمي سيارة جديدة .. الله يزرقنا الجنه ان شاء الله

الله يعطيك اللي نفسك فيه
هو لو عندنا مثل الخلق مواصلات عامة مثل المترو واخواته كان ماحتجنا للسيارة
أنا ماقدر أقولك اصبر ولا اقدر أقولك اشتري اي سيارة اخرى
انت اعلم في الظروف اللي أنت فيها ومحد يقدر يقرر عنك
بس اذا قدرت انك تصبر فاصبر مفتاح الفرج

وتقبل مروري

الصبر الصبر الصبر

يمكن مانع شر عنك

والله كان ودي أقولك خذلك سياره ثانيه .. لكن واضح أنك ماتشوف غير الأكورد قدامك ولا تبي غيرها

خذلك مستعمل .. هذا الحل الأفضل .. والله يوفقك

لعلها خيرهـ يا الغالي

وان شاء الله ربي بيرزقكـ بالسيارة الي تبيها بالمستقبل

ادع ربكـ واستغفرهـ وبيرزقكـ من حيث لاتحتسب سبحانه

بالتوفيق يارب

نصيحة لك لاتحطم نفسك

واصل وواصل لين ماتجيب المبلغ

واذا جمعتها وخذيتها راح تحس في قيمتها وتحافظ عليها

لكن اذا اخذت سيارة منت رغبان فيها ماراح تهتم فيها

والله يوفقك ويحقق اللي في خاطرك قول امين

في كل تأخيره خيره

إذا قدرت تصبر إلى 2011 يكون أزين
ما صبرت اشتر أي سيارة وتوكل على الله ... حتى لو سوناتا ترى سوناتا الجديدة ما ينقصها شي

اللهم نورنا وشرح صدورنا

عموما اخي إن شاء الله في سالفتك خير ،

عموما وسع صدرك و فكر مثلي حيث كنت في البداية معي مبلغ بسيط وشتريت فيها كرولا جديدة وبردت خاطري فيها لأنها جديدة وبعدين بعتها بسعر ممتاز وزدت عليها المبلغ إلي جمعته في الفترة إلي كانت الكرولا معاي ومن ثم اشتريت سيفيك جديد ، وبعدين بعت السيفيك واشتريت اكورد فل ستة سلندر بعد مازدت قيمة سيفيك بالمبلغ إلي جمعته لما كانت السفيك عندي والحمد لله توفقت

تحيتي لك

خذلك التيما ستاندر

اتوقع بسعر السوناتا

ولا على قولة الشباب اكورد مستعمل

وبالتوفيق